LEBITIKOS 4:21 - Khasi CL Bible (BSI)

²¹ Nangta un shim ïa uta u masi lyngraw shabar ka jaka shong dara bad thang ïa u kumba u thang ïa u masi lyngraw ïa uba la kñia ainguh namar la ka jong ka pop. Kane ka long ka jingkñia ainguh ban map noh ïa ka pop jong uta u paidlang.

KA BAIBL

²¹ Hadien kata, un leit lam ïa uta u masi lyngraw shabar ka jaka shong dara, bad un thang ïa u kumba u la thang ïa uta u masi lyngraw bamynshuwa; kane keiñ, ka long ka jingkñia namar ka pop jong uta u paidbah.

LEBITIKOS 4:21 Mawu Ofanana

ESRA 8:35

Nangta kita baroh kiba la wan phai na ka jingshah ringmraw ki la wallam ki jingainguh ban thang kum ki jingkñia sha U Blei ki Israel. Ki la ainguh khat-ar tylli ki masi kyrtong na ka bynta ki Israel baroh, khyndaiphew hynriew tylli ki langbrot shynrang bad hynñiewphew hynñiew tylli ki khunlangbrot; ki ainguh ruh khat-ar tylli ki blang ban pynkhuid ïa lade na ka pop. Ïa kine ki jingri baroh la thang kum ki jingkñia sha U Trai.

EKSODOS 29:14

Hynrei ïa ka doh jong uta u masi lyngraw, ïa ka snieh jong u, bad ïa ki 'nierlang jong u, dei ban thang ïa ki shabar ka jaka shong dara. Kane ka long ka jingainguh ban sait ïa ki pop jong ki lyngdoh.

ESEKIEL 45:22

Ha ka sngi banyngkong jong ka Jingkhawai Niam, u khun syiem uba synshar u dei ban ainguh da u masi kyrtong kum ka jingkñia na ka bynta ki pop jong u bad na ka bynta ki pop jong ki briew baroh.

LEBITIKOS 16:15

Hadien kata, un pynïap ïa uta u 'langsohmoh kum ka jingkñia namar ka pop na ka bynta u paidbah, un rah ïa ka snam jong u sha ka Jaka Kaba Khuid Tam, bad un synreit ïa ka halor ka jingtap bad ha khmat jong ka Synduk ka Jutang, kumba u la leh da ka snam jong uta u masi lyngraw.

LEBITIKOS 16:21

Un buh ïa la ki kti baroh ar ha ka khlieh jong uta u 'langsohmoh, bad halor jong u un phla ïa ki jingbymman, ïa ki pop, bad ïa ki jingïaleh pyrshah baroh jong ki Israel, bad da kumta un pynkit ïa ki ha ka khlieh jong uta u 'langsohmoh. Nangta dei ban ñiah noh ïa uta u 'langsohmoh sha ka ri shyiap da u briew uba la jied kyrpang na ka bynta kata.

LEBITIKOS 16:27

Ïa uta u masi lyngraw bad ïa uta 'langsohmoh ïa kiba la kñia kum ka jingkñia namar ka pop, bad ïa kiba ka snam jong ki la leit rah sha ka Jaka Kaba Khuid Tam ban weng noh ïa ka pop, dei ban leit rah shabar ka jaka shong dara bad thang ïa ki hangta. Ïa ka snieh, ka doh, bad ki snier jong ki ruh dei ban thang lang hangta.

LEBITIKOS 4:13

Lada dei u paid Israel baroh uba leh pop khlem tip bad u hap ha ka jingpynrem ba u la pynkheiñ ïa kawei na ki hukum U Trai,

LEBITIKOS 4:20

Un leh kumjuh ïa une u masi lyngraw kumba u ju leh ïa u masi lyngraw jong ka jingkñia ainguh namar ka pop, bad ha kane ka rukom un pyndep ïa ka jingkñia namar ka pop jong uta u paidlang, bad yn map ïa ki.

LEBITIKOS 6:11

Nangta un leit pli ïa la ki jaiñ bad un rah ïa uta u dpei shabar ka jaka shong dara, sha ka jaka lehniam bakhuid.

LEBITIKOS 6:23

Ym dei ban bam ïa kano kano ka bynta jong ka jingainguh bam ba u lyngdoh u wanrah, ïa baroh dei ban thang lut khoit.

LEBITIKOS 8:17

U shim ïa kaba sah na u masi lyngraw, ïa ka snieh jong u, ïa ka doh bad ïa ki snier jong u, bad u thang ïa ki shabar ka jaka shong dara, kumba U Trai u la hukum.

JINGKHEIÑ 15:24

Lada kata ka jingbakla ka long namar ba ki paidbah kim tip, ki dei ban wanrah ïa u masi kum ka jingainguh thang, ka jingiw kaba pynsngewbha ïa U Trai, lem bad ka jingainguh bam bad ka jingainguh dih. Nalor kita, ki dei ban wanrah ïa u 'langsohmoh kum ka jingkñia namar ka pop.

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

HEBRU 13:11

U rangbah lyngdoh jong ki Jiw u wanrah ïa ka snam ki mrad ha ka Jaka Kaba Kyntang Tam ïa ka ban ainguh kum ka jingkñia namar ki pop; hynrei ïa ki met jong ki mrad la thang shabar ka jaka shong dara.