LEBITIKOS 3:16 - Khasi CL Bible (BSI)

¹⁶ U lyngdoh un thang ïa kine baroh halor ka duwan kum ka jingainguh bam kaba pynsngewbha ïa U Trai. Ka khleiñ baroh ka dei ka jong U Trai.

KA BAIBL

¹⁶ Bad u lyngdoh un thang noh ïa ki halor ka duwan: ka long ka jingbam ïa ka jingkñia ainguh kaba da ka ding, ka jingiw baiwbih keiñ. Ka khleiñ baroh ka long ka jong U Trai.

LEBITIKOS 3:16 Mawu Ofanana

JENESIS 4:4

Nangta U Abel u wallam ïa u khunlangbrot banyngkong ba la kha na kawei na ki langbrot jong u, u la pynïap ïa u, bad u la ai ïa ki bynta kiba bha tam kum ka jingainguh.

2 KHRONIKL 29:35

Nalor ki jingkñia ba la thang tylli, ki lyngdoh ki kitkhlieh ban thang ïa ka khleiñ kaba la ai na ki jingkñia kiba ki briew ki la bam bad ban theh ïa ka waiñ ba la ai lang bad ki jingainguh thang. Bad kumta ka jingmane ha ka Templ ka la sdang biang.

2 KHRONIKL 7:7

U Solomon u pynkyntang ïa ka jaka pdeng jong ka phyllaw, ka jaka kaba ha khmat ka Templ, bad u ai ki jingkñia hangta ba la thang tylli, ki jingainguh bam, bad ïa ka khleiñ na ki jingainguh ïasyllok. U leh ïa kane namar ba ka duwan rnong ba u la thaw ka rit than ïa kine ki jingainguh baroh.

EKSODOS 29:13

Nangta pat, weng noh ïa ka khleiñ baroh kaba sop ïa ki snier, ïa u dohnud, bad ïa ki khyllai baroh ar lem bad ka khleiñ kaba sop ïa ki, bad thang ïa ki ha kata ka duwan kum ka jingainguh ïa nga.

EKSODOS 29:22

“Ot noh ïa ka khleiñ jong uta u langbrot, ïa u tdong jong u, ïa ka khleiñ kaba sop ïa ki 'nierlang, ïa ka sbiar kaba haneng u dohnud, ïa ki khyllai baroh ar lem bad ïa ka khleiñ kaba sop ïa ki, bad ïa ka lbong kamon.

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

ESEKIEL 44:15

U Trai Nongsynshar u la ong, “Hynrei kito ki lyngdoh kiba dei na ka jait Lebi kiba hiarpateng na u Sadok pat, ki la shakri hok ïa nga ha ka Templ mynba kiwei pat ki paid Israel ki la phai noh na nga. Kumta mynta ki long ma ki, ki ban shakri ïa nga bad wan ha ka jingdon ryngkat jong nga ban ai ïa nga ka khleiñ bad ka snam jong ki jingkñia.

LEBITIKOS 17:6

Uta u lyngdoh un synreit ïa ka snam ha baroh sawdong ka duwan ha ka jingkhang jong ka Ïingjaiñ bad un thang ïa ka khleiñ ban pynmih ïa ka jingiwbih kaba pynsngewbha ïa U Trai.

LEBITIKOS 4:26

Nangta un thang ïa ka khleiñ jong u baroh halor ka duwan, kumba ju thang ïa ka khleiñ jong ki mrad ba la pynïap na ka bynta ki jingainguh ïasyllok. Ha kane ka rukom u lyngdoh un ai ïa ka jingkñia namar ka pop jong uta u nongsynshar, bad yn map ïa u.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 8:25

U shim ïa ka khleiñ, ïa ka dongnai, ïa ka khleiñ baroh kaba sop ïa ki doh jem, ïa ka bynta kaba kynsai tam jong u dohnud, ïa ki khyllai ba sop khleiñ, bad ïa ka kjat-dien kamon.

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

MATHAÏOS 22:37

U Jisu u la jubab, “ ‘Ieit ïa U Trai U Blei jong me da la ka dohnud baroh, da la ka mynsiem baroh, bad da la ka jingmut baroh.’