LEBITIKOS 3:11 - Khasi CL Bible (BSI)

¹¹ U lyngdoh uba ïarap un thang ïa kine baroh halor ka duwan kum ka jingainguh bam sha U Trai.

KA BAIBL

¹¹ Bad u lyngdoh un thang ïa kata halor ka duwan: ka long ka jingbam ïa ka jingkñia ainguh kaba da ka ding ha U Trai.

LEBITIKOS 3:11 Mawu Ofanana

SALM 22:14

Ka jingkhlaiñ jong nga ka la duh, ka la leit noh kum ka um kaba hoit ha madan. Baroh ki shyieng jong nga ki lah tor lut; ka dohnud jong nga ka long kum ka bthing ba la um.

ESEKIEL 44:7

Ki la pyntngit ïa ka Templ jong nga da kaba shah ïa ki nongwei bym shym la otsher, ki briew ki bymkohnguh ïa nga ban rung sha ka Templ katba ïa ka khleiñ bad ka snam jong ki jingkñia la dang ainguh ha nga. Kumta ki briew jong nga ki la pynkheiñ ïa ka jutang jong nga da baroh kiei kiei kiba ijli kiba ki la leh.

LEBITIKOS 21:17

“Ong ha u Aaron, ym bit ïa uno uno na ki khun ki ksiew jong me pateng la pateng uba don jingduna ha ka met ban kñia ïa ka jingainguh bam sha nga.

LEBITIKOS 21:6

U dei ban long uba khuid bad um dei ban pynkheiñ burom ïa ka kyrteng jong nga; u kñia ïa ki jingainguh bam sha nga, bad kumta u dei ban long uba khuid.

LEBITIKOS 21:8

U paidbah u dei ban ñiew ba u lyngdoh u long uba khuid, namar u wallam ïa ki jingainguh bam sha nga. Nga long U Trai; nga long uba khuid, bad nga pynkyntang khuid ïa ki briew jong nga.

LEBITIKOS 22:25

“Wat ju kñia ïa uba kum uta u jingri ba phi ïoh na ki nongwei na ka bynta ka jingainguh bam. Kum ïa kita ki jingri la ñiew ba ki long kiba don ka jingduna, bad ym lah ban pdiang ïa ki.”

LEBITIKOS 3:16

U lyngdoh un thang ïa kine baroh halor ka duwan kum ka jingainguh bam kaba pynsngewbha ïa U Trai. Ka khleiñ baroh ka dei ka jong U Trai.

LEBITIKOS 3:5

Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

MALAKHI 1:12

Hynrei phi phim burom ïa nga haba phi ong ba ka duwan jong nga kam dondor satia bad haba phi ainguh ha ka da ki jingbam kiba phi la kyntait.

MALAKHI 1:7

Ka dei kumne — kaba ainguh da ka jingbam ka bymdondor ha ka duwan jong nga. Nangta phi kylli, ‘Kumno ngi la rem ha kaba ñiewkor ïa me?’ Ngan ong ïa phi — da kaba phi ñiewbeiñ ïa ka duwan jong nga.

JINGKHEIÑ 28:2

ban hikai ïa ki Israel ban wanrah sha U Blei ha ki por ba la buh ïa ki jingainguh bam badonkam kiba pynsngewbha ïa u.

JINGKHEIÑ 28:24

Ha kajuh ka rukom, ainguh ha U Trai ïa ka jingainguh bam hynñiew sngi lynter, ka jingiw kaba pynsngewbha ïa U Trai. Ainguh ïa kane nalor ka jingainguh bam bad ka jingainguh waiñ kaba man ka sngi.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

1 KORINTH 10:21

Phim lah ban dih na ka khuri U Trai bad ruh na ka khuri ki ksuid; phim lah ban ïabam na ka miej U Trai bad ruh na ka miej ki ksuid.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.