LEBITIKOS 26:6 - Khasi CL Bible (BSI)

⁶ “Ngan ai ïa ka jingsuk ha ka ri jong phi, bad phin thiah phin dem khlem tieng ïano ïano. Ngan ym shah ban don ki mradkhlaw kiba runar ha kata ka ri, bad ka thma kan ym don shuh hangta.

KA BAIBL

⁶ Ngan ai ka jingsuk ruh ha ka ri, bad phin ïohthiah khlem da don mano mano ruh ban pynkhaw-eit ïa phi: bad ngan pynduh noh ïa ki mrad basniew na ka ri, bad ka waitlam kan ym ïaid shuh lyngba ïa ka ri jong phi.

LEBITIKOS 26:6 Mawu Ofanana

2 SYIEM 2:24

U Elisha u phai dien, u la khmih da ka jingbitar ïa ki, bad u la tim ïa ki ha ka kyrteng jong U Trai. Nangta ar tylli ki dngiem kynthei ki la wan mih na khlaw bad ki la patar lyngkhot lyngkhai ïa ki sawphew ar ngut ki khynnah shynrang.

1 KHRONIKL 22:9

La katta ruh, u la pynlong ka jingkular bad nga. U ong, ‘Phin sa don u khun jong u ban synshar ha ka jingsuk, namar ba ngan ai ha u ka jingsuk na ki nongshun jong u baroh. Ka kyrteng jong u kan long u Solomon, namar ha ka jingsynshar jong u ngan ai ha ki Israel ka jingsuk bad ka jingshongshngain.

2 KHRONIKL 20:30

Kumta u Jehoshaphat u synshar ha ka jingsuk, bad U Blei u ai ha u ka jingshongshngain ha ki liang baroh.

Ka Kitab U Job 11:19

Men ym sheptieng ïa ki nongshun jong me; kiba bun ki briew kin kyrpad jingïarap na me.

Ka Kitab U Job 5:23

Ki lyngkha ba me pynlur kin lait na ki mawsiang; ki mradkhlaw kin ym tur ïaleh ïa me.

SALM 144:14

To ai ba ki masi jong ngi kin kha khun kyrhai khlem don ka jingkha-ïap lane jingduh. To ai ban ym don ki jingïam jong ka jinglanot ha ki lynti bah jong ngi.

SALM 147:14

U pynlong ïa ki pud jong phi ban long skhem bad u pynkdang ïa phi da u kew babha tam.

SALM 29:11

U Trai u ai jingkhlaiñ ïa ki briew jong u bad kyrkhu ïa ki da ka jingsuk.

SALM 3:5

Nga dem bad nga thiah, bad baroh shi miet U Trai u da ïa nga.

SALM 4:8

Haba nga dem, nga leit thiah ha ka jingsuk; tang ma me hi, A Trai, me sumar janai ïa nga.

SALM 85:8

Nga shahshkor ïa kaei kaba U Trai U Blei u ong; u kular ïa ka jingsuk ha ngi, ki briew jong u hi, lada ngim leit phai pat sha ki lynti ba-bieit jong ngi.

EKSODOS 23:29

Ngan ym beh noh ïa ki hapoh shisnem, lada nga leh kumta, ka ri kan long kaba kynjah, bad ki mradkhlaw kin bun palat ïa phi.

PROBERB 3:24

Phin ym sheptieng haba phi thiah, bad phin ïohthiah suk baroh shi miet.

PROBERB 6:22

Ki jinghikai jong ki kin ïalam ïa phi haba phi leit jingleit, kin ïada ïa phi mynmiet, bad kin sneng ïa phi ha ka por mynsngi.

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 35:9

Yn ym don sing hangta, ym don ki mrad bashyrkhei ki ban ïaid na kata ka lynti. Kito ïa kiba U Trai u la pyllait im kin ïaid sha ïing na kata ka lynti.

ISAÏAH 45:7

Nga thaw ïa ka jingshai bad ïa ka jingdum; nga wanrah ka jingkyrkhu bad ka jingjot. Ma nga, U Trai, nga leh ïa kine kiei kiei baroh.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 31:26

Kumta te, ki briew kin ong, ‘Nga la leit thiah bad nga la kyndit ha ka jingthymmai bor.’

ESEKIEL 14:15

“Lane nga lah ban phah ïa ki mradkhlaw ban pynïap ïa ki briew, da kaba pynlong ïa ka ri kaba ma katta katta ba ym don uno uno uba lah ban leit lyngba ïa ka,

ESEKIEL 14:17

“Lane nga lah ban wallam ka thma ha ka ri bad phah ki tiar pynjot ban pynduh lut ïa ki briew bad ki mrad kumjuh,

ESEKIEL 14:21

Kane ka dei kaei kaba U Trai Nongsynshar u ong: “Ngan phah ïa ki saw tylli ki jingpynshitom basniew tam jong nga ha ka Jerusalem — ka thma, ka 'nemsniew, ki mradkhlaw, bad ka jingpang — ban pynjot ïa ki briew bad ki mrad kumjuh.

ESEKIEL 34:25

Ngan pynlong ka jutang bad ki kaba pynskhem ïa ka jingshongshngain jong ki. Ngan beh noh ïa ki mrad kynsha baroh na ka ri, khnang ba ki langbrot jong nga kin im ha ka jingshngain ha ki jaka phlang bad thiah ha ki khlaw.

ESEKIEL 34:27

Ki dieng kin sei ïa u soh, ki lyngkha kin pynmih ïa ki jingthung, bad uwei pa uwei un shongshngain ha la ka ri. Ynda haba nga dkhat ïa ki kynjri kiba teh ïa ki briew jong nga bad nga pyllait ïa ki na kito kiba pynlong mraw ïa ki, te kin sa tip ba nga long U Trai.

ESEKIEL 5:17

Ngan phah ïa ka jingïapthngan bad ki mradkhlaw ba kin pynïap ïa ki khun jong pha, bad ngan phah ïa ka jingpang, ka jingleh thombor, bad ka thma ban pynïap ïa pha. Ma nga, U Trai, nga la kren.”

HOSIA 2:18

Ha kata ka por, ngan pynlong ka jutang bad baroh ki mradkhlaw bad ki sim, khnang ba kin ym pynmynsaw shuh ïa ki briew jong nga. Ngan weng noh ruh ïa baroh ki tiar thma na ka ri, baroh ki waitlam bad ki ryntieh, bad ngan ailad ba ki briew jong nga kin ïoh im ha ka jingsuk bad jingshngain.

HOSIA 2:20

Ngan bat ïa ka kular jong nga bad nga pynlong ïa pha ka jong nga, bad phan sa pdiang ïa nga kum U Trai.

LEBITIKOS 25:18

Kohnguh ïa baroh ki aiñ bad ki hukum U Trai, khnang ba phin ïoh shongshngain ha kata ka ri.

LEBITIKOS 25:19

Ka ri kan seisoh bha, bad phin ïoh ban bam kat ïa kaba phi kwah, bad phin ïoh shongshngain hangta.

LEBITIKOS 26:22

Ngan phah ïa ki mradkhlaw kiba shyrkhei ba kin leh donbor halor jong phi; kine kin pynïap ïa ki khun ki kti jong phi, kin pynjot ïa ki jingri jingdup jong phi, bad kin sah sa tang khyndiat eh na phi, ba kumta ki lynti bah jong phi kin kynjah.

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

LEBITIKOS 26:7

Phin long ki nongjop pyrshah ïa ki nongshun jong phi;

MIKAH 4:4

Uwei pa uwei un shongsuk hapdeng ki bri sohwaiñ bad ki dieng Dumbur la ki jong hi, bad yn ym don mano mano ban pynsheptieng ïa u. U Trai Badonbor Baroh u la kular ïa kane.

SEPHANAÏAH 3:13

Ki paid Israel kiba lait im kin ym leh kano kano ka bym dei ïano ïano, kin ym ïathuh lamler, lymne pyrshang ban shukor. Kin manbha bad shongshngain, kin ym sheptieng ïano ïano.”

HAGGAI 2:9

Ka Templ kaba bathymmai kan kham iphuh ban ïa kaba rim, bad hangta ngan ai ha ki briew jong nga ïa ka jingdap kyrhai bad ka jingsuk.” U Trai Badonbor Baroh u la kren.

SEKHARAÏAH 9:10

U Trai u ong, “Ngan weng noh ïa ki kali thma na Israel bad shim ïa ki kulai na Jerusalem; ïa ki ryntieh ba la pyndonkam ha ka thma yn pynjot. U syiem jong phi un pynlong jingïasuk hapdeng ki jaitbynriew; un synshar na ka duriaw sha ka duriaw, na ka wah Ïuphratis sha kiba kut jong ka pyrthei.”

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

KI KAM 12:6

Ha ka miet shuwa ba u Herod un wallam ïa u sha u paidbah, u Petros u dang ïohthiah hapdeng ar ngut ki nongap phira. La teh ïa u da ar tylli ki kynjri, bad la don ki nongap phira kiba ap ha ka khyrdop jong ka byndi.

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.