LEBITIKOS 26:5 - Khasi CL Bible (BSI)

⁵ Ki jingmih kin long kiba bun katta katta ba phin dang ot hi ïa u kew wat haba ka la dei ka por kheit sohwaiñ, bad phin dang kheit hi ïa kita ki soh wat haba ka la dei ka por bet kew. Phin ïoh bam kat kaba phi kwah, bad phin ïoh im suk im saiñ ha la ka ri.

KA BAIBL

⁵ Bad ka thiar jong phi kan kot haduh ka aïom kheit soh Waiñ, bad kaba kheit soh Waiñ kan kot haduh ka aïom bet symbai: bad phin ïoh bam ïa la u kpu haduh ban da kdang, bad shongsuk ha ka ri jong phi.

LEBITIKOS 26:5 Mawu Ofanana

SALM 144:13

To ai ba ki thiar jong ngi kin long kiba dap da ki jingbam babun jait. To ai ba ki langbrot jong ki madan phlang jong ngi kin punkhun da ki phew hajar.

SALM 90:1

A Trai, me la ju long ka jaka shong jong ngi.

EKSODOS 16:8

Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

PROBERB 1:33

Hynrei jar uba shahshkor ïa nga un shongsuk kynjai. Un lait na ki jingma khlem sheptieng ïa kaba sniew.”

PROBERB 18:10

U Trai u long kum ka kut baskhem, sha kaba kiba hok ki lah ban leit bad sngewshngain.

ISAÏAH 1:19

Lada phan tang shu kohnguh ïa nga, phan bam ïa kiei kiei kiba bha kiba ka khyndew ka pynmih.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

HOSIA 2:18

Ha kata ka por, ngan pynlong ka jutang bad baroh ki mradkhlaw bad ki sim, khnang ba kin ym pynmynsaw shuh ïa ki briew jong nga. Ngan weng noh ruh ïa baroh ki tiar thma na ka ri, baroh ki waitlam bad ki ryntieh, bad ngan ailad ba ki briew jong nga kin ïoh im ha ka jingsuk bad jingshngain.

HOSIA 2:20

Ngan bat ïa ka kular jong nga bad nga pynlong ïa pha ka jong nga, bad phan sa pdiang ïa nga kum U Trai.

JOEL 2:19

U la jubab ïa ki: “Mynta ngan ai ïa phi u kew bad ka waiñ bad ka umphniang Olib, bad phin long kiba la sngewhun. Kiwei ki jaitbynriew kin ym ñiewbeiñ shuh ïa phi.

JOEL 2:22

Ko ki mrad, wat sheptieng. Ki jaka phlang ki long kiba jyrngam; ki dieng ki sei ïa la ki soh, bad don kyrhai ki soh Dumbur bad sohwaiñ.

JOEL 2:26

Mynta phin don kyrhai ban bam, bad phin sngewhun. Phin ïaroh ïa U Trai U Blei jong phi, uba la leh kiei kiei kiba phylla na ka bynta jong phi ki briew jong nga kin ym shah ñiewbeiñ shuh.

AMOS 9:13

“Ki sngi ki la poi,” ong U Trai, “haba u kew un san stet ban ïa kaba lah ban ot, bad ki sohwaiñ kin san stet ban ïa ka waiñ ba lah ban shna. Ki lumbah kin jaw da ka waiñ kaba thiang, bad ki lumrit kin tuid da ka.

MATHAÏOS 23:37

“A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

KI KAM 14:17

Hynrei u la ïai ai ka sakhi ïa ka jingdon jong u da kiei kiei kiba bha kiba u leh: U ai ha phi ïa u slap na sahit bneng bad ïa ki jingthung ha ki por babiang; u ai ha phi ka jingbam bad u pyndap ïa ka dohnud jong phi da ka jingkmen.”

DEUTERONOMI 11:15

Phin ïoh ïa ka jingbam baroh kaba phi kwah.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.