LEBITIKOS 26:41 - Khasi CL Bible (BSI)

⁴¹ bad kiba la pynlong ruh ïa nga ban phai pyrshah ïa ki bad pynsakma ïa ki sha ka jinglongmraw ha ka ri ki nongshun jong ki. Khatduh, ynda ki khun ki ksiew jong phi ki la pyndem rit ïa lade bad ki la shah pynshitom namar ka pop bad ka jingïaleh pyrshah jong ki,

KA BAIBL

⁴¹ nga ruh nga la ïaid pyrshah ïa ki, bad nga la ïalam ïa ki sha ka ri ki nongshun jong ki: ynda kumta, lada kita ki dohnud bym shym la otsher jong ki kin dem, bad kumta ba ki kohnguh ïa ka jingsaja ka jingleh bymman jong ki;

LEBITIKOS 26:41 Mawu Ofanana

1 SYIEM 21:29

“Me la ïohi ne em kumno u Ahab u la pynrit ïa lade ha khmat jong nga? Namar ba u la leh kumne, ngan ym pynjot ïa u katba u dang im; kan long ha ka pateng u khun jong u, ba ngan wallam ka jingjot ha ka longïing jong u Ahab.”

2 KHRONIKL 12:12

Namar ba u pyndem ha U Trai, ka jingbitar U Trai kam shym pynjot thiaw ïa u, bad kiei kiei ki long kiba bha ïa ka Judah.

2 KHRONIKL 32:26

Khatduh pat u Hesekaïah bad ki briew ka Jerusalem ki pynrit ïa lade, bad kumta U Trai um shym pynshitom ïa ki briew haduh hadien ka jingïap u Hesekaïah.

2 KHRONIKL 33:19

Ka jingduwai u syiem bad ka jingjubab U Blei ïa ka, bad ka jingthoh shaphang ki pop kiba u la leh ha shuwa ba un kylla-kaba-mut — ka jingsniew kaba u la leh, ki jaka mane blei thala bad ki durblei jong ka blei Asherah kaba u la thaw bad ki bleithaw kiba u la mane — baroh la buh jingthoh ha Ka Histori jong ki Nongïathuhlypa.

2 KHRONIKL 33:23

Hynrei ym kum u kpa jong u, um shym long uba pynrit ïa lade bad phai sha U Trai; u kham long uba pop ban ïa kaba long u kpa jong u.

ESRA 9:13

Wat hadien kiei kiei kiba la jia ïa ngi da ka jingpynshitom na ka bynta ki pop bad ki jingleh bymdei jong ngi, ngi tip ba ma me, U Blei jong ngi, mem shym la pynshitom than ïa ngi kumba ka dei ïa ngi bad me la shah ïa ngi ban ïoh im.

ESRA 9:15

A Trai U Blei ki Israel, me long uba hok, hynrei me la shah ïa ngi ban im. Ngi phla ïa ki pop jong ngi ha me; ngim don hok shuh ban wan ha ka jingdon ryngkat jong me.”

NEHEMAÏAH 9:33

Me leh ïa kaba dei ban pynshitom ïa ngi; Me long uba ïaineh, wat la ngi la leh pop.

SALM 39:9

Ngan sngap jar, ngan ym ong wat tang shikyntien ruh, namar dei ma me uta uba pynlong ïa nga ban shitom kumne.

EKSODOS 10:3

Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

ESEKIEL 14:23

te phin tip ba ka la don ka daw kaba bha ïa kaei kaei baroh kaba nga la leh.” U Trai Nongsynshar u la kren.

ESEKIEL 20:43

Te phin kynmaw ïa baroh kiei kiei kiba jahburom kiba phi la leh bad kumno phi la pyntngit ïa lade. Phin sa isih ïa lade namar kiei kiei kiba sniew baroh kiba phi la leh.

ESEKIEL 44:7

Ki la pyntngit ïa ka Templ jong nga da kaba shah ïa ki nongwei bym shym la otsher, ki briew ki bymkohnguh ïa nga ban rung sha ka Templ katba ïa ka khleiñ bad ka snam jong ki jingkñia la dang ainguh ha nga. Kumta ki briew jong nga ki la pynkheiñ ïa ka jutang jong nga da baroh kiei kiei kiba ijli kiba ki la leh.

ESEKIEL 44:9

“Ma nga, U Trai Nongsynshar, nga pynbna ba yn ym don uno uno u nongwei bym shym la otsher, uno uno u bymkohnguh ïa nga, un rung ha ka Templ jong nga, wat u nongwei uba shong basah hapdeng ki paid Israel.”

ESEKIEL 6:9

Hangta kin sa kynmaw ïa nga bad tip ba nga la pynshitom ïa ki bad pynlehrain ïa ki, namar ki dohnud bymngeit jong ki, ki la kylla dien na nga bad ki la jied ïa ki bleithaw ban ïa nga. Bad kin sa isih hi ïa lade namar ki kam ba-bymman bad bajahburom ba ki la leh.

LEBITIKOS 26:24

te nga ruh ngan phai pyrshah ïa phi bad ngan pynshitom ïa phi kham jur sa hynñiew shah.

LEBITIKOS 26:28

te ha ka jingbitar ngan phai pyrshah ïa phi, bad sa shisien ngan pynshitom jur shuh shuh ïa phi sa hynñiew shah ban ïa kaba la long mynshuwa.

JINGKHEIÑ 5:7

u dei ban phla ïa la ka pop bad buria lut, bad ai tam sa shi bynta na ka san bynta ha uta u briew uba la shah leh bymdei.

MATHAÏOS 23:12

Ïa uno uno uba pynkhraw ïa lade yn pynrit, bad ïa uno uno uba pynrit ïa lade yn pynkhraw.”

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

DEUTERONOMI 10:16

Kumta, naduh mynta, kohnguh ïa U Trai, bad wat long shuh kiba mutlop.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

DEUTERONOMI 31:21

bad shibun ki jingjynjar kiba ishyrkhei kin wan ngat ha ki. Hynrei ïa kane ka jingrwai yn dang ïai rwai, bad ka kan ïeng kum ka sakhi pyrshah ïa ki. Wat mynta hi, shuwa ba ngan ïalam ïa ki sha kata ka ri ba nga la kular ban ai ha ki, nga tip aïu ki pyrkhat.”

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

KOLOSSAI 2:11

Ha U Khrist la otsher ïa phi, ym da ka jingotsher kaba la thaw da ki briew, hynrei da ka jingotsher ba la pynlong da U Khrist, kaba kynthup ïa ka jinglong ba la laitluid na ka bor jong ka pop hi.