LEBITIKOS 26:16 - Khasi CL Bible (BSI)

¹⁶ Ngan pynngat ha phi ïa ka jingjynjar — ki jingpang bym lah pynkhiah, bad ki jingpang shit ki ban pynmatlah ïa phi bad ban pynlong ïa ka jingim jong phi ban sep-ei. Phin bet ïa u symbai, hynrei um myntoi ïa phi, naba ki nongshun jong phi kin jop ïa phi bad kin bam ïa kaba phi la thung.

KA BAIBL

¹⁶ nga ruh ngan leh ïa kane ha phi; ngan pynwan halor jong phi ka jingsheptieng, ka jingpang swai, bad kaba khynñiuh khieshoh, ki ban bam duh ïa ki khmat, bad pynjynjar ïa ki mynsiem jong phi: bad phin bet lehnohei ïa la u symbai, naba ki nongshun jong phi kin bam ïa u.

LEBITIKOS 26:16 Mawu Ofanana

1 SYIEM 8:37

“Haba don ka 'nemsniew ha ka ri, lane ka jingïapthem, lane ba ïa ki jingthung la pynjot da ka lyer khluit lane ka kynhun ki puit, lane haba ki briew jong me ki shah tur ïaleh ha ki nongshun jong ki, lane haba don ka jingpang hapdeng jong ki,

Ka Kitab U Job 18:11

Baroh sawdong jong u ka jingshyrkhei ka ap; ka bud ïa u ha man ka sien jam.

Ka Kitab U Job 20:25

U khnam un sam lyngba ïa ka met jong u; ka snam kan jaw na ka bynta banep jong u, bad ka jingshyrkhei kan khñiot ïa ka mynsiem jong u.

Ka Kitab U Job 31:8

te ai ba yn pynjot ïa ki jingthung jingtep jong nga, lane to ai ba kiwei kin bam ïa ka jingbam ba nga pynmih.

SALM 109:6

To jied ïa uno uno u nongbishar uba bamsap ban bishar ïa u nongshun jong nga, bad to ai ba uwei na ki nongshun jong u hi un pharep ïa u.

SALM 73:19

La pynjot ïa ki ha ka shikhyllipmat, ki la leit hiar sha ka jingkut kaba shyrkhei.

SALM 78:33

Kumta u la pynkut ïa ki sngi jong ki kum ka jingring pynhiar mynsiem bad ïa ka jingim jong ki da ka jingpynjot kaba kynsan.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

PROBERB 3:33

U Trai u buh ka jingtim ha ki longïing jong ki riewbymman, hynrei u kyrkhu ïa ki longïing jong kiba hok.

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 62:8

U Trai u la pynlong ka jingkular bakyntang bad da ka bor jong u, un pynlongkam ïa ka: “U kew jong pha un ym long shuh ka jingbam ïa ki nongshun jong pha, bad ki nongwei kin ym ïoh shuh ban dih ïa ka waiñ jong pha.

ISAÏAH 7:2

Haba ka ktien ka la poi ha u syiem ka Judah ba ki kynhun shipai ka Syria ki la da don hapoh ka ri Israel, ma u bad ki briew jong u baroh ki la sngewshyrkhei shikatdei ha kaba ki la khynñiuh kum ki dieng ba la pynkhih da ka lyer.

JEREMAÏAH 12:13

Ki briew jong nga ki la bet ïa u kew, hynrei ki la lum ïa ki ñiut; ki la trei shitom, hynrei kim shym ïoh ei ei na ka bynta kata. Namar ka jingbitar shla jong nga ki jingthung jong ki kim shym long.”

JEREMAÏAH 15:3

Ma nga, U Trai, nga la kut jingmut ba saw tylli kiei kiei kiba shyrkhei kin jia ha ki: kin shah pynïap ha ka thma; ïa ki met jong ki yn patan noh da ki ksew; ki sim kin bam ïa ki, bad ki mradkhlaw kin bam ïa kaei kaba sah.

JEREMAÏAH 15:8

La don kham bun ki riewkynthei ha ka ri jong phi ban ïa ki symboh shyiap harud ka duriaw. Nga la pynïap ïa ki rangsamla jong phi ha ka rta kaba dang khie bha bad pynlong ïa ki kmie jong ki ban shahshitom. Nga lynshop kynsan ïa ki da ka jingkhuslai bad ka jingtriem.

JEREMAÏAH 20:4

U Trai da lade hi u la ong, ‘Ngan pynlong ïa me ka jingshyrkhei ïa me hi bad ïa ki paralok jong me, bad men ïohi ïa ki baroh ba ki shah pynïap da ki waitlam jong ki nongshun jong ki. Ngan buh ïa baroh ki briew jong ka Judah hapoh ka bor jong u syiem ka Babilonia; un shim katto katne ngut kum ki koidi sha ka ri jong u bad pynïap ïa kiwei pat.

JEREMAÏAH 5:17

Kin bam duh ïa ki jingthung bad ïa ki jingbam jong phi; kin pynïap ïa ki khun shynrang bad ki khun kynthei jong phi. Kin pynïap ïa ki kynhun langbrot bad ki kynhun masi jong phi bad pynjot ïa ki dieng sohwaiñ bad diengsoh Dumbur jong phi. Ïa ki nongbah ba la ker kynroh ha kiba phi shaniah yn pynjot da ka kynhun shipai jong ki.

ESEKIEL 24:23

Phan ym leit khlem tapkhlieh lane khlem sopkjat lane sngewsih ne ïam. Phan pynsep-ei namar ki pop jong pha, bad phan ïa-ud iwei ha iwei.

ESEKIEL 33:10

U Trai u kren ha nga, “Ko khun u briew, ïai-ong ha ki Israel, ïa kaei kaba ki ong: ‘Ïa ngi la pynkit khia da ki pop bad ki jingryngkang jong ngi kiba ngi la leh. Ngi la ringswai. Kumno te ngi lah ban im?’

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

MIKAH 6:15

Phin bet ïa u kew, hynrei phin ym ïoh ban ot. Phin khem ïa ka umphniang na ki soh Olib, hynrei phin ym lah da lei lei ban pyndonkam ïa ka. Phin ïoh shna ïa ka waiñ, hynrei phin ym ïoh dih da lei lei ïa ka.

HAGGAI 1:6

Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

SEKHARAÏAH 14:12

U Trai un wallam ka jingpang bashyrkhei halor ki jaitbynriew baroh kiba ïaleh thma ïa ka Jerusalem. Ka doh jong ki kan pyut noh katba ki dang im; ki khmat bad ki thylliej jong ki kin pyut noh.

MALAKHI 2:3

Ngan pynshitom ïa ki khun jong phi bad kyllan ïa ki durkhmat jong phi ha ka jakhlia jong ki jingri kiba phi kñia — bad yn ïalam ïa phi sha ka kynton jakhlia.

DEUTERONOMI 28:51

Kin bam ïa ki jingri jingdup bad ïa ki jingthung jingtep jong phi, bad phin ïapthngan. Kin ym pynsah ei ei, ïa u kew, ka waiñ, ka umphniang Olib, ki masi, lane ki langbrot; bad phin ïap.

DEUTERONOMI 32:25

Ka thma kan wallam ka jingïap ha ki lynti, ka jingshyrkhei kan lynshop ha ki ïing. Ki rangsamla bad ki theisamla kin ïap; yn ym map ïa ki khunlung ne ïa ki tymmen ruh.

HEBRU 10:31

Ka long kaei kaei kaba shyrkhei ban hap ha ki kti jong U Blei uba im!

NONGBISHAR 6:11

Nangta u angel jong U Trai u la wan sha ka nongrit Ophrah bad u shong ha trai u dieng Sning jong u Joash, u briew na ka kur u Abieser. U Gideon u khun jong u, u dang shoh kew jar jar ha ka thliew khem um sohwaiñ, khnang ba ki Midian kin ym ïohi ïa u.

1 SAMUEL 2:33

Pynban ngan pynsah ïa uwei na ki khun ki ksiew jong me bad un shakri ïa nga kum u lyngdoh. Hynrei uta ruh un sa matlah bad duh jingkyrmen, bad baroh ki ba-ha-ïing ha-sem jong me kin ïap shyrkhei.