LEBITIKOS 26:13 - Khasi CL Bible (BSI)

¹³ Nga, U Trai U Blei jong phi, uba wallam ïa phi na ka ri Ijipt khnang ba phin ym long shuh ki mraw. Nga la pynkheiñ ïa ka bor kaba pynpoh ïa phi, bad nga la pynlah ïa phi ban ïaid ha ka burom.”

KA BAIBL

¹³ Nga long U Trai U Blei jong phi, uba la ïalam ïa phi na ka ri Ijipt, khnang ba phin ym long ki mraw jong ki; bad nga la pyndkut ïa ki jingteh ka jwar jong phi, bad nga la ai bor ïa phi ban ïaid beit kyrïeb.”

LEBITIKOS 26:13 Mawu Ofanana

SALM 116:16

Nga long u shakri jong me, ko Trai; nga shakri ïa me, kumba ka kmie jong nga ka la leh. Me la pyllait im ïa nga na ka jingïap.

EKSODOS 14:8

U Trai u la pynmutlop ïa u Pharaoh, bad une u la beh kthong ïa ki Israel, kiba la mihnoh da ka jingjop.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

ISAÏAH 51:23

Ngan ai ïa ka ha kito kiba banbeiñ ïa phi, ïa kito kiba la pynlong ïa phi ban thiah ha ki surok bah bad ïuhroit halor jong phi kum ka jakhlia.”

ISAÏAH 9:3

Me la ai ha ki ka jingkmen kaba khraw, ko Trai; me la pynlong ïa ki ban kmen. Ki shadkmen ha kaei kaba me la leh kumba ki briew ki shadkmen haba ki ot kew lane haba ki ïabynta ïa ka spah ba la ïoh kurup.

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 28:2

ba U Trai Badonbor Baroh, U Blei ki Israel, u la lah ong: “Nga la pynkheiñ ïa ka bor jong u syiem ka Babilonia.

JEREMAÏAH 28:4

Ngan wallam pat ruh ïa u syiem ka Judah, u Jehoïakhin u khun jong u Jehoïakim, lem bad ki briew baroh jong ka Judah kiba la leit sha ka jinglongmraw ha Babilonia. Ho-oid, ngan pynkheiñ ïa ka bor jong u syiem ka Babilonia. Ma nga, U Trai, nga la kren.”

ESEKIEL 30:18

Ka jingdum kan tap ïa ka Tahpanhes haba ngan pynkheiñ ïa ka bor jong ka Ijipt bad ngan pynkut ïa ka jingkhlaiñ kaba ki sngewsarong palat. U lyoh un kah ïa ka Ijipt, bad ki briew jong ki nongbah jong ka baroh kin shah ïalam kum ki koidi.

ESEKIEL 34:27

Ki dieng kin sei ïa u soh, ki lyngkha kin pynmih ïa ki jingthung, bad uwei pa uwei un shongshngain ha la ka ri. Ynda haba nga dkhat ïa ki kynjri kiba teh ïa ki briew jong nga bad nga pyllait ïa ki na kito kiba pynlong mraw ïa ki, te kin sa tip ba nga long U Trai.

HOSIA 11:4

Nga la ring ïa ki sha nga da ka jingsngewieit bad ka jingieit. Nga la rah ïa ki bad pyndei ïa ki ha ka ngab jong nga. Nga la dem sha ki bad nga la bsa ïa ki.

LEBITIKOS 25:38

Kane ka long ka hukum jong U Trai U Blei jong phi, uba la ïalam ïa phi na ka ri Ijipt ban ai ha phi ïa ka ri Kanaan bad ban long U Blei jong phi.

LEBITIKOS 25:42

Ki paid Israel ki long ki mraw jong U Trai, bad u wallam ïa ki na ka ri Ijipt; ym dei ban die mraw ïa ki.

LEBITIKOS 25:55

U Israel um lah ban long u mraw baroh shi rta, namar ki Israel ki long ki mraw jong U Trai. U wallam ïa ki na ka ri Ijipt; u long U Trai U Blei jong ki.

NAHUM 1:13

Ngan pynkut mynta ïa ka bor jong ka Assyria halor jong phi bad ngan pyndkut ïa ki kynjri kiba teh ïa phi.”