LEBITIKOS 24:8 - Khasi CL Bible (BSI)

⁸ Man ka Sabbaton, u Aaron u dei ban buh ïa une u kpu ha khmat U Trai na ka bynta ki Israel kum ka jutang kaba neh junom.

KA BAIBL

⁸ Bad ha la ka sngi Sabbaton un leh beit ïa kane ha khmat U Trai khlem da pud, ïa ka ban long ka jutang bajunom na ki khun Israel.

LEBITIKOS 24:8 Mawu Ofanana

1 KHRONIKL 23:29

ban kitkhlieh ha kaba peit ïa u kpu ba la ainguh sha U Blei, ïa u 'purew ba la ju pyndonkam ha ki jingainguh, ïa ki kpu stang kiba la shet khlem thiat, ïa ki jingainguh kiba shu syang, ïa u 'purew ba la khleh lang bad ka umphniang Olib, ban thew ban woh ïa ki jingainguh ha ka Templ.

1 KHRONIKL 9:32

Ki dkhot jong ka kur u Kohath kito kiba na ka jait Kohath ki kitkhlieh ban pynkhreh ïa u kpu uba kyntang ha ka Templ man la ka Sabbaton.

2 KHRONIKL 13:11

Man ka step bad man ka janmiet ki ai ha u ïa ki jingiwbih bad ki mrad jingkñia ba la thang tylli. Ki ai ïa ki jingainguh kpu ha ka miej kaba la pynkyntang khuid, bad man ka janmiet ki thang ïa ki sharak ha ki diengpynïeng sharak ksiar. Ngi leh ïa kaei kaba U Trai u la hukum, hynrei phi, phi la iehnoh ïa u.

2 KHRONIKL 2:4

Nga tei ka Templ ban ai burom ïa U Trai U Blei jong nga. Kan long ka jaka bakhuid ha kaba ki briew jong nga bad ma nga ngin mane ïa u da kaba thang ki jingiwbih da ki musla iwbih, bad ha kaba ngin ïai ai ki jingainguh ha u da u kpu kyntang, bad ha kaba ngin ai ki jingainguh thang man ka step bad janmiet, kumjuh ruh ha ki sngi Sabbaton, ki Jingrakhe Bnai Thymmai, bad kiwei pat ki sngi khuid ban ai burom ïa U Trai U Blei jong ngi. U la hukum ïa ki Israel ban leh ïa kane junom la junom.

NEHEMAÏAH 10:33

Ngin pynbiang na ka bynta ka jingmane ha ka Templ ïa kine: u kpu bakyntang, ka jingkñia-bam ba man ka sngi, ki mrad ban thang man ka sngi kum ki jingkñia, ki jingkñia bakyntang na ka bynta ki sngi Sabbaton, ki jingkñia Bnai Thymmai bad kiwei ki jingkñia, kiwei kiwei ruh ki jingkñia bakyntang, ki jingkñia ban map noh ïa ki pop ki Israel, bad ïa kiei kiei ruh kiba donkam na ka bynta ka Templ.

EKSODOS 25:30

Ïa ka miej dei ban buh ha khmat ka Synduk ka Jutang, bad u kpu ainguh uba kyntang u dei ban don halor jong ka borabor.

JINGKHEIÑ 4:7

Halor ka miej ba la buh ïa u kpu ba la lah ainguh sha U Trai, kin siang kawei ka jaiñ kaba jngum, bad kin buh hangta ïa ki pliang, ki pliang buh jingiwbih, ki pliang jingainguh, bad ki khuri jingainguh dih. U kpu ainguh u dei ban don halor jong ka.

1 SAMUEL 21:7

(U rangbah nongap jingri jong u Saul, u Doeg uba na Edom, da kaba jia ryngkhat u don hangta ha kata ka sngi, namar u hap ban pyndep ïa ka kamram lehniam.)