LEBITIKOS 24:2 - Khasi CL Bible (BSI)

² “Hukum ïa ki Israel ban wanrah ïa ka umphniang Olib kaba khuid bha na ka bynta kita ki sharak, ba kin ai jingshai man la ka por.

KA BAIBL

² “To hukum ïa ki khun Israel, ba kin wallam ha me ïa ka umphniang Olib basngur bha ïa ka jingshai, ïa ka ban thang ha ki sharak ha la ka sngi.

LEBITIKOS 24:2 Mawu Ofanana

2 KHRONIKL 13:11

Man ka step bad man ka janmiet ki ai ha u ïa ki jingiwbih bad ki mrad jingkñia ba la thang tylli. Ki ai ïa ki jingainguh kpu ha ka miej kaba la pynkyntang khuid, bad man ka janmiet ki thang ïa ki sharak ha ki diengpynïeng sharak ksiar. Ngi leh ïa kaei kaba U Trai u la hukum, hynrei phi, phi la iehnoh ïa u.

SALM 119:105

Ka ktien jong me ka long ka sharak ban ïalam ïa nga bad ka jingshai ïa ka lynti ïaid jong nga.

SALM 119:130

Ka jingbatai jong ki jinghikai jong me ka ai jingshai bad ka wallam jingstad ïa ki bymtip ei ei.

EKSODOS 39:37

ïa u diengpynïeng sharak ksiar, ïa ki sharak jong u, ïa ki tiar jong u baroh, bad ïa ka umphniang ïa ki sharak jong u;

EKSODOS 40:24

U buh ïa u diengpynïeng sharak hapoh ka Ïingjaiñ, ha ka liang kaba shaphang shathie, marpyrshah kata ka miej,

PROBERB 6:23

Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

ISAÏAH 11:2

U Mynsiem jong U Trai un ai ha u ka jingstad bad ka jingtip bad ka jingtbit ban synshar ïa ki briew jong u. Un tip ïa ka mon jong U Trai bad un pyndonburom ïa u,

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

LEBITIKOS 24:1

U Trai u ong ïa u Moses,

LEBITIKOS 24:3

Man la ka janmiet, u Aaron un thang ïa ki bad un ieh ba kin meh haduh mynstep ha khmat U Trai shabar ka jingkah kaba ha khmat ka Synduk ka Jutang. Ïa kane ka hukum dei ban leh pateng la pateng.

MATHAÏOS 4:16

Ki briew kiba shong ha ka jingdum kin ïohi ïa ka jingshai kaba khraw. Ha kito kiba im ha ka ri ba-dum jong ka jingïap ka jingshai kan tyngshaiñ.”

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

LOUKAS 1:79

bad ban tyngshaiñ na bneng halor kito baroh kiba im ha ka syrngiew ba-dum jong ka jingïap, ban ïalam ïa ki sien jam jong ngi ha ka lynti jong ka jingsuk.”

LOUKAS 12:35

“Long ba la kloi na ka bynta kano kano kaba wan, kiba la khreh na ka bynta ban leh ei ei bad kiba la thang ïa ki sharak jong phi,

ÏOANNIS 1:4

U Ktien u la long u tyllong jong ka jingim; bad kane ka jingim ka la wanrah ka jingshai ïa u bynriew.

ÏOANNIS 1:9

Kane ka la long ka jingshai kaba shisha — ka jingshai kaba wan sha ka pyrthei bad pynshai ha u bynriew baroh.

ÏOANNIS 5:35

U Ïoannis u la long kum ka sharak, kaba meh bad kaba tyngshaiñ, bad phi la mon shipor ban lehkmen ha ka jingshai jong u.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.