LEBITIKOS 23:4 - Khasi CL Bible (BSI)

⁴ Pynbna paidbah ïa kine ki Jingkhawai Niam ha ki por ba la buh ban pynlong ïa ki.

KA BAIBL

⁴ “ ‘Kine ki long ki Jingkhawai Niam ki jong U Trai, ki jingïaseng bakhuid keiñ, ïa kiba phin pynbna ha la ki aïom aïom.

LEBITIKOS 23:4 Mawu Ofanana

NEHEMAÏAH 8:15

Kumta ki ai ïa kine ki jingbthah bad ki phah ïa ki sha baroh ha Jerusalem bad kiwei pat ki nongbah bad ki shnong: “Khie leit sha ki lum bad pom ïa ki tnat na ki dieng Kseh, ki dieng Olib, ki dieng Martl, ki dieng Tlai bad kiwei ki dieng, ban shna ïingtrep kat kum ki jingbthah ba la thoh ha ka Hukum.”

EKSODOS 12:14

Phi dei ban rakhe ïa kane ka sngi kum ka Jingkhawai Niam ban pynkynmaw ïa phi ïa kaei kaba nga, U Trai, nga la leh. Rakhe ïa ka pateng la pateng bynriew.”

EKSODOS 23:14

“Rakhe ïa ki lai tylli ki Jingkhawai Niam ha ka shisnem ban pyndonburom ïa nga.

ISAÏAH 29:1

Ka duwan U Blei, kaba long ka Jerusalem hi, kam lah khie khlieh shuh! Ka nongbah ha kaba u Dabid u la sher dara kam lah khie khlieh shuh! Ai ba sa kawei ne ar ki snem kin wan bad leit, ryngkat bad ki jingkhawai bad ki Jingkhawai Niam,

ESEKIEL 44:24

Haba ka jingmudui aiñ ka mih, ki lyngdoh kin ai jingrai ïa ka jingmudui kat kum ki aiñ jong nga. Kin pynïaid ïa ki jinglehniam kat kum ki aiñ bad ki jingbuhbeit ryntih jong nga, bad kin rakhe khuid ïa ka Sabbaton.

LEBITIKOS 23:2

ïa kine ki jingbuhbeit ryntih na ka bynta ki Jingkhawai Niam, haba ki paid Israel ki ïalumlang ban mane Blei.

LEBITIKOS 23:21

Ha kata ka sngi, wat trei ei ei kumba phi ju trei man la ka sngi, hynrei ïalumlang ban mane Blei. Ki khun ki ksiew jong phi ki dei ban leh ïa kane ka hukum pateng la pateng shano shano ba ki don.

LEBITIKOS 23:37

“Kine ki long kita ki Jingkhawai Niam ha kiba phi ai burom ïa U Trai da kaba ïalumlang ban mane Blei bad kñia ïa ki jingainguh thang, ïa ki jingainguh bam, ïa ki jingkñia, bad ïa ki jingainguh dih, man la ka sngi kumba la buh.

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!