LEBITIKOS 23:3 - Khasi CL Bible (BSI)

³ Phi ïoh hynriew sngi ban trei ïa la ka kam, hynrei kynmaw ba ka sngi kaba hynñiew, ka Sabbaton, ka dei ka sngi shongthait. Ha kata ka sngi, wat trei ei ei. Ka Sabbaton ka long ka jong U Trai, ha ki ïing jong phi baroh.

KA BAIBL

³ Hynriew sngi yn ïoh ban trei jingtrei: hynrei, ha ka bahynñiew sngi yn long ka Sabbaton ka jingshongthait, ka jingïaseng bakhuid; phin ym trei jingtrei satia; ka long ka Sabbaton ïa U Trai ha ki ïing jong phi baroh.

LEBITIKOS 23:3 Mawu Ofanana

EKSODOS 16:23

bad u la ong ha ki, “U Trai u la hukum ba lashai ka dei ka sngi shongthait ïa kaba la pynkyrpang sha u. Shet mynta kat ïa kaba phi dei ban shet, bad pynthnam kat ïa kaba phi dei ban pynthnam. Sa buh kyrpang kat ïa kaba tam bad tyngkai ïa ka na ka bynta lashai.”

EKSODOS 16:29

Kynmaw ba ma nga, U Trai nga la ai ha phi ïa ka sngi shongthait, bad dei namar kata ba ha ka sngi kaba hynriew nga ai jingbam ïa phi kat ban biang na ka bynta ar sngi. Baroh phin ïashong ha ka jaka ba phi don ha ka sngi kaba hynñiew, bad phim dei ban mih na la ïing.”

EKSODOS 16:30

Kumta u paidbah um shym leh kano kano ka kam ha ka sngi kaba hynñiew.

EKSODOS 23:12

“Trei hynriew sngi shi taïew, hynrei wat trei ha ka sngi kaba hynñiew, khnang ba ki mraw jong phi bad ki nongwei kiba trei bad phi, bad wat ki jingri jong phi hi, kin ïoh shongthait.

EKSODOS 34:21

“Phi ïoh hynriew sngi ban trei jingtrei, hynrei wat trei ei ei ha ka sngi kaba hynñiew, wat la ka long ha ka aïom lur ne ka aïom ot.

ISAÏAH 56:2

Ngan kyrkhu ïa kito kiba ïai sumar ïa ka Sabbaton bad ki bym pyndonkam bakla ïa ka. Ngan kyrkhu ïa kito ki bym leh ïa kaei kaei kaba sniew.”

ISAÏAH 56:6

Bad U Trai u ong ha kito ki nongwei kiba la pynïasoh bad ki briew jong u, kiba ieit ïa u bad kiba shakri ïa u, kiba sumar ïa ka Sabbaton bad kiba batskhem ïa ka jutang jong u.

ISAÏAH 58:13

U Trai u ong, “Lada phi ñiew ïa ka Sabbaton kum kaba kyntang bad phin ym beh tang ïa la ki jong ki jingmyntoi ha kata ka sngi; lada phi ñiewkor ïa ka sngi kaba khuid jong nga bad lada phi burom ïa ka khlem da leit jingleit, treikam, lane shu bunktien bieit ha kata ka sngi,

LEBITIKOS 19:3

Uwei pa uwei na phi u dei ban burom ïa la ka kmie bad ïa la u kpa, bad u dei ban rakhe ïa ka Sabbaton, kumba nga la hukum. Nga long U Trai U Blei jong phi.

LOUKAS 13:14

U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

LOUKAS 23:56

Nangta ki la leit phai pat sha ïing bad ki la pynkhreh ïa ki musla bad ki jingiwbih na ka bynta ka met. Ha ka sngi Sabbaton ki la shongthait, kumba ka Hukum ka dawa.

KI KAM 15:21

Naba ïa ka Hukum u Moses la pule la slem bah ha ki synagog man la ka sngi Sabbaton, bad ïa ki ktien jong u la ïalap ha man ki shnong.”

JINGPYNPAW 1:10

Ha ka sngi U Trai, U Mynsiem u la shim ïa nga, bad nga la ïohsngew ïa ka sur bajam, kaba sawa kum ka turoi, kaba kren na shadien jong nga.