LEBITIKOS 22:10 - Khasi CL Bible (BSI)

¹⁰ “Dei tang uta uba na ka longïing lyngdoh uba lah ban bam ïa ki jingkñia ainguh kiba kyntang; uwei pat um lah ban bam ïa ki, la u long u nongwei uba shong basah bad u lyngdoh lane u nongtrei jong u.

KA BAIBL

¹⁰ “Wat ai ba u nongwei un ïoh bam na kaei kaei ruh ka bakhuid: u nongwei uba ha ïing u lyngdoh, lane u nongbylla, un ym ïoh bam na kata kaei kaei ruh ka bakyntang.

LEBITIKOS 22:10 Mawu Ofanana

ESRA 2:63

U lat uba dei u Jiw u ong ïa ki ba kim lah ban bam ïa ki jingbam ba la kñia ha U Blei haduh ban da don u lyngdoh uba lah ban pyndonkam ïa u Urim bad u Thummim.

EKSODOS 12:43

U Trai u ong ha u Moses bad u Aaron, “Kine ki long ki jingbuhbeit ryntih ïa ka Niam Ka Jinglait: U nongwei um bit ban bam ïa ka jingbam kaba ïadei bad ka Niam Ka Jinglait;

EKSODOS 12:45

U nongshong basa ne u nongbylla um bit ban bam ïa ka.

EKSODOS 29:33

Kin bam tang ïa kata ïa kaba la pyndonkam ha ka jinglehniam ka jingmap ha ka por ka jingpynkyntang ïa ki. Tang ki lyngdoh ki lah ban bam ïa kane ka jingbam, namar ka long kaba kyntang.

ESEKIEL 44:8

Kim shym la khmih bha ïa ki jinglehniam bakyntang ha ka Templ jong nga, hynrei pynban ki la buh da ki nongwei ban khmih.

LEBITIKOS 21:22

U lah ban bam ïa ka jingbam kaba la kñia ainguh ha nga, ïa ka jingkñia ainguh bam kaba kyntang, bad kaba kyntang eh;

LEBITIKOS 22:13

Hynrei ka khun u lyngdoh kaba la long riewkynthei lane kaba la ïapyllait tnga, ka bym don khun, bad kaba la wan phai ban shong ban sah bad la u kpa kumba ka la leh mynba ka dang samla, ka lah ban bam ïa kata ka jingbam ba u kpa jong ka u ïohpdiang kum u lyngdoh. Dei tang uta uba na ka longïing lyngdoh uba lah ban bam ïa ka.

JINGKHEIÑ 3:10

Phin thung ïa u Aaron bad ïa ki khun shynrang jong u ban pyndep ïa ki kamram ka jinglong lyngdoh; uno uno uwei pat uba pyrshang ban leh kumta un shah pynïap.”

MATHAÏOS 12:4

U la leit rung shapoh ka Templ, bad ma u lem bad ki rangbah jong u ki la ïabam ïa u kpu uba la ainguh sha U Blei, wat la ka la long pyrshah ïa Ka Aiñ ïa ki ban bam ïa uta — tang ïa ki lyngdoh la shah ba kin bam ïa uta u kpu.

1 SAMUEL 21:6

Kumta uta u lyngdoh u ai ha u Dabid ïa uta u kpu bakyntang, namar u kpu uba u don, u dei uba la ainguh ha U Blei, ïa uba la weng noh na ka miej bakyntang, bad ba la bujli da u kpu uba dang lah shet.

1 SAMUEL 21:7

(U rangbah nongap jingri jong u Saul, u Doeg uba na Edom, da kaba jia ryngkhat u don hangta ha kata ka sngi, namar u hap ban pyndep ïa ka kamram lehniam.)