LEBITIKOS 21:5 - Khasi CL Bible (BSI)

⁵ “U lyngdoh um dei ban khi ïa la u 'ñiuhkhlieh, lane khap ïa la u 'ñiuhtmoh, lane pynmong ïa la ka met.

KA BAIBL

⁵ Kin ym khi ïa la ka khlieh, lymne ïa ki dong ki 'main ker jong ki, bad kin ym pynmong ïa ka doh jong ki.

LEBITIKOS 21:5 Mawu Ofanana

ISAÏAH 15:2

Ki briew jong ka Dibon ki kiew ïa u lum ban ïam ha ka jaka mane blei. Ki briew jong ka Moab ki la ïam ha ka jingsngewsih ïa ki nongbah jong ka Nebo bad Medeba; ki la khi ïa la ki khlieh bad ïa u 'ñiuhtmoh ha ka jingsngewsih.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

JEREMAÏAH 16:6

Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

JEREMAÏAH 48:37

Baroh na ki, ki la khi ïa la ki khlieh bad ki la khapnoh ïa la ki 'ñiuhtmoh. Baroh ki la pynmong ïa la ki kti, bad uwei pa uwei u phong ïa ki jaiñ khain.

ESEKIEL 44:20

“Ki lyngdoh kim dei ban khi ïa la ki khlieh ne ban ieh jrong ïa u shñiuh jong ki. Kin ieh ïa u shñiuh ha ka jingjrong kat ban biang.

ESEKIEL 5:1

U Trai u la ong, “Ko khun u briew, shim ïa ka waitlam kaba nep, bad pyndonkam ïa ka ban khi ïa la u 'ñiuhtmoh bad u 'ñiuhkhlieh jong me baroh. Nangta thew ïa u shñiuh ha ka tarajur bad pynbynta ïa u ha ki lai bynta.

LEBITIKOS 10:6

Nangta u Moses u ong ha u Aaron bad ha u Eleasar bad u Ithamar, ki khun shynrang jong u, “Wat ieh ra-ngiep ïa la u shñiuh lane kad ïa la ki jaiñ ban pyn-i ba phi ïam sngewsih, lada phi leh kumta phin ïap, bad U Trai un bitar ïa u paidlang baroh. Hynrei ïa baroh ki para jait Israel jong phi la shah ba kin ïa-ïam briew na ka bynta kane ka jingïap ba la wallam da ka ding kaba U Trai u la phah.

LEBITIKOS 21:4

Um dei ban pyntngit ïa lade ha ka jingïap jong kito kiba ïalong ba-ha-ïing bad u na ka jingshongkurim.

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

MIKAH 1:16

Ko ki paid Judah, to khi ïa la u shñiuh ha ka jingsngewsih na ka bynta ki khun kiba phi ieit. To pynlong ïa lade kiba syllen kum ki pukni, namar ïa ki khun jong phi yn shim noh na phi ban ïalam sha ka jingringmraw.

DEUTERONOMI 14:1

“Phi dei ki briew jong U Trai U Blei jong phi. Kumta haba phi ïam haba ïap mano mano, wat pynmong ïa lade lane khi ïa ki bynta ka khmat jong phi, kumba leh kiwei pat ki jaitbynriew.