LEBITIKOS 21:10 - Khasi CL Bible (BSI)

¹⁰ “U Rangbah lyngdoh ha uba ïa ka umphniang pynsleh la theh ha ka khlieh jong u, bad ïa uba la pynkyntang ban phong ïa ki jaiñkup lyngdoh, um dei ban ieh ra-ngiep ïa la u shñiuh lane kad ïa la ki jaiñkup.

KA BAIBL

¹⁰ “ ‘Bad uta uba long rangbah lyngdoh hapdeng ki para lyngdoh jong u, uba ïa ka umphniang ka jingsleh la theh halor ka khlieh jong u, bad ïa uba la pynkyntang ïa ka ban kup ïa kita ki jaiñ, wat ai ba un ieh rangei ïa la ka khlieh, lymne kad ïa la ki jaiñ;

LEBITIKOS 21:10 Mawu Ofanana

JENESIS 37:34

U Jakob u kad ïa la ki jaiñ ha ka jingsngewsih bad u kup da ka jaiñ khain. U la ïam sngewsih bun sngi na ka bynta u khun jong u.

2 SAMUEL 15:30

Haba u Dabid u leit shalor u Lum ki Olib da kaba ïam; u ïaid da ka kjat suda bad u tap ïa la ka khlieh kum ka dak ka jingsngewsih. Baroh kiba bud ïa u ki la tap ïa la ki khlieh bad ki la ïam ruh.

ESTHER 6:12

Nangta u Mordekai u leit phai pat sha ka khyrdop ka ïingsyiem katba u Haman u pynstet ban leit sha la ïing, u da tap ïa la ka khmat ha ka jinglehrain.

Ka Kitab U Job 1:20

Te u Job u ïeng joit bad u kad ïa la ki jaiñ ha ka jingsngewsih. U khi ïa la ka khlieh bad u bret ïa lade da pyllup ha ka khyndew.

SALM 133:2

Ka long kum ka umphniang sleh kaba kordor kaba tuid na ka khlieh bad u 'ñiuhtmoh jong u Aaron, kaba hiar haduh ki rmiang jaiñkup jong u.

EKSODOS 29:7

Nangta, shim ïa ka umphniang pynsleh, theh ïa ka ha ka khlieh jong u, bad pynsleh ïa u.

ESEKIEL 24:17

Wat ai ba yn pynsngew ïa ki jingïam jong pha. Wat leit kumto khlem tapkhlieh lane khlem jingsopkjat kum ka dak jong ka jingïam pangnud. Wat tap ïa la ka khmat lane bam ïa ka jingbam kaba ki nongïam pangnud ki bam.”

LEBITIKOS 13:45

U briew uba la ïoh ïa ka jingpang 'ñiangthohlieh u dei ban phong da ki jaiñjot, un ieh khlem sad ïa la u shñiuh, un tap ïa la ka khmat naduh ki rmiang shyntur sharum, bad un pyrta, “U bymkhuid, u bymkhuid!”

LEBITIKOS 16:32

U Rangbah Lyngdoh, ïa uba la pynkupbor bad pynkyntang kum u lyngdoh ha ka jaka u kpa jong u, u dei ban pyndep ïa ka rukom lehniam kaba ïadei bad ka jingpynkhuid. U dei ban da phong ïa ki jaiñkup lyngdoh,

LEBITIKOS 4:3

Lada dei u Rangbah Lyngdoh uba leh pop bad da kumta u wanrah ïa ka jingpynrem ha ki paidbah, un ai ïa u masi lyngraw u bym don kano kano ka jingduna bad un kñia sha U Trai namar ka pop jong u.

LEBITIKOS 8:12

U pynkyntang ïa u Aaron da kaba theh khyndiat ïa ka umphniang pynsleh ha ka khlieh jong u.

JINGKHEIÑ 35:25

Phi kit pop tang na ka bynta ka jingpynïap bad u paidbah u dei ban pyllait im ïa phi na u kur jong uba ïap, bad ki dei ban pynphai ïa phi sha ka shnong jakarieh sha kaba phi la phet rieh. Phi dei ban shong ban sah hangta haduh ba un da ïap uta u briew uba long Rangbah Lyngdoh ha kata ka por.

MATHAÏOS 26:65

Ha kane, u Rangbah Lyngdoh u la tar ïa la ki jaiñ bad u la ong, “Ka jingkrenbeiñ blei! Ngim donkam shuh bun ki sakhi! Phi la dang shu ïohsngew ïa ka jingkrenbeiñ blei jong u!