LEBITIKOS 20:2 - Khasi CL Bible (BSI)

² “Ong ha ki Israel, uno uno na phi lane u nongwei uba wan shong hapdeng jong phi, uba ai ïa uwei na ki khun jong u ha u blei Molekh, u dei ban shah lynthem maw ha u paidbah haduh ba un da ïap.

KA BAIBL

² “To ong ruh ha ki khun Israel, ‘Uno uno ruh na ki khun Israel, lane na ki nongwei ba wanhap ha Israel, ba aiti ïa la ki khun ha u Molek; yn sa pynïap shisha ïa uta: ki trai-shnong kin ïalynthem maw ïa u.

LEBITIKOS 20:2 Mawu Ofanana

1 SYIEM 11:7

Halor u lum uba sha mihngi na Jerusalem u tei ka jaka mane ïa u Khemosh, u blei ba-ijli jong ki Moab, bad ka jaka mane ïa u Molekh, u blei ba-ijli jong ki Ammon.

2 SYIEM 17:17

Ki kñia ïa ki khun shynrang bad kynthei kum ki jingainguh thang sha ki blei thala; ki wad jingmut na ki nongleh byrtong bad ki nongpeit kti, bad ki aiti lut ïa lade ban leh ïa kaei kaba bakla ha khmat U Trai, bad kumta ki pynkhih bitar ïa U.

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

2 KHRONIKL 28:3

u thang jingiwbih ha ka Them Hinnom, bad u kñia wat ïa la ki jong ki khun shynrang kum ki jingainguh thang ïa ki bleithaw, da kaba bud ïa ka jingleh ba-ijli jong ki jaitbynriew ïa kiba U Trai u la beh noh na ka ri katba ki Israel ki nang tur shaphrang.

2 KHRONIKL 33:6

U kñia ïa la ki khun shynrang ha ka Them Hinnom kum ki jingainguh thang. U leh ïa ki jingkhan bad ki jingleh myntor bad u wad jingmut na ki nongbatai kupar bad ki nongleh byrtong. U leh pop palat pyrshah ïa U Trai bad u pynkhih ïa ka jingbitar jong U.

SALM 106:38

Ki la pynïap ïa kito ki khun balui lui, bad ïa ka ri la pynjyrsieh da kita ki jingpynïap briew.

JEREMAÏAH 32:35

Ki la tei ki duwan ïa u Baal ha ka Them Hinnom, ban kñia ïa ki khun shynrang bad ki khun kynthei jong ki ha u blei Molekh. Ngam shym la hukum ïa ki ban leh ïa kane, bad kam ju rung wat ha ka jingmut jong nga ba kin leh kum ïa kata kaei kaei bad pynlong ïa ki paid Judah ban leh pop.”

JEREMAÏAH 7:31

Ha ka Them Hinnom ki la tei ka duwan ba la khot ka Topheth, khnang ba ki lah ban kñia ïa ki khun shynrang bad ki khun kynthei jong ki hapoh ka ding. Ngam shym la hukum ïa ki ban leh ïa kane — kam shym la rung wat ha ka jingpyrkhat jong nga.

ESEKIEL 20:26

Nga shah ïa ki ban pyntngit ïa lade da ki jingainguh jong ki hi, bad nga shah ïa ki ban kñia ïa ki khun shynrang banyngkong jong ki. Kane ka la long ban pynshitom ïa ki bad pyn-i ha ki ba nga long U Trai.

ESEKIEL 20:31

Wat haduh mynta phi ai ïa kijuh ki jingai sngewbha bad pyntngit ïa lade da kijuh ki bleithaw da kaba kñia ïa la ki khun sha ki ha ka ding. Bad nangta ma phi ki Israel phi dang ïai wan ban kylli kaei ka long ka mon jong nga! Kumba da shisha ma nga, U Trai Nongsynshar, nga long U Blei uba im, ngan ym shah ïa phi ban kylli ei ei na nga.

ESEKIEL 23:37

Ki la klim bad pynïap briew — kaba klim bad ki bleithaw bad ka jingpynïap ïa ki khun kiba la kha na ka bynta jong nga. Ki kñia ïa ki khun jong nga ha ki bleithaw jong ki.

ESEKIEL 23:39

Ha kata ka sngi hi ba ki pynïap ïa ki khun jong nga kum ki jingkñia sha ki bleithaw, ki la wan sha ka Templ jong nga bad pyntngit ïa ka!

LEBITIKOS 17:13

Lada uno uno u Israel, lane uno uno u nongwei uba wan shong hapdeng jong ki, u ïoh pynïap ïa u mradkhlaw lane ïa ka sim kaba khuid kat kum ka jinglehniam, u dei ban da pjiar ïa ka snam bad tap ïa ka da ka khyndew.

LEBITIKOS 17:15

Uno uno u briew, la u dei u Israel ne u nongwei, uba bam ïa ka doh jong uno uno u mrad uba shu ïap hi, ne uba shah pynïap ha ki mradkhlaw, u dei ban sait ïa la ki jaiñkup, bad un sum, bad ap haduh janmiet shuwa ba yn ñiew ïa u ba u long uba khuid.

LEBITIKOS 17:8

Uno uno u Israel lane uno uno u nongwei uba wan shong ryngkat hapdeng jong ki, uba kñia ïa ka jingainguh thang lane ïa kano kano ka jingkñia kum ka jingainguh sha U Trai hangno hangno lait tang ha ka jingkhang jong ka Ïingjaiñ, yn ym ñiew shuh ïa u kum uwei na ki briew jong U Blei.

LEBITIKOS 18:21

Wat ai noh ïano ïano na ki khun jong me ba yn pyndonkam ha ka jingmane ïa u blei Molekh, naba kata kan pynjahburom ïa ka kyrteng U Blei, U Trai.

LEBITIKOS 20:1

U Trai u ong ha u Moses,

LEBITIKOS 20:27

“Uno uno u briew lane ka briew kiba leh byrtong kin shah lynthem maw haduh ba kin da ïap; uno uno u briew uba leh ïa kane u pan kwah hi ïa ka jingïap.”

LEBITIKOS 24:14

“Pynmih ïa uto u briew shabar ka jaka shong dara. Uno uno u briew uba la ïohsngew ïa u ba u tim u tla un sakhi ïa kata da kaba u buh ïa la ki kti ha ka khlieh jong u, bad nangta u paidbah baroh un lynthem maw ïa u haduh ba un da ïap.

LEBITIKOS 24:16

Uno uno u Israel lane u nongwei uba shong ha Israel uba krenbeiñ ïa U Trai un shah lynthem maw ha u paidbah haduh ba un da ïap.

LEBITIKOS 24:23

Ynda u Moses u la dep kren ïa kane ha ki Israel, ki sei ïa uta u briew shabar ka jaka shong dara bad ki lynthem maw ïa u haduh ba un da ïap. Da kumta ki Israel ki leh kumba U Trai u la hukum ïa u Moses.

KI KAM 7:43

Ka la long ka ïingjaiñ jong u blei Molekh uba phi la bah, bad ka dur jong u Rephan, u blei khlur jong phi; ki la long ki bleithaw kiba phi la thaw ïa ka ban mane. Bad kumta ngan phah ïa phi sha ka jinglongmraw sha palat ka Babilon.’

DEUTERONOMI 12:31

Wat mane ïa U Trai U Blei jong phi kumba ki mane ïa ki blei jong ki, namar ba ha kaba mane ïa ki, ki leh ruh ïa ki kam isaitmet baroh kiba U Trai u isih. Ki kñia wat ïa la ki khun ki kti ruh ha ka ding halor ki duwan jong ki.

DEUTERONOMI 17:2

“Lada phi shem ha kawei na ki shnong jong phi ïa u shynrang lane ka kynthei kiba la leh pop pyrshah ïa U Trai bad pynkheiñ ïa ka jutang jong u,

DEUTERONOMI 18:10

Wat kñia ïa la ki khun da kaba thang ïa ki ha ka duwan jong phi; wat shah ïa la ki briew ban khan, lane ban shat ban kheiñ, lane ban ai myntor,

DEUTERONOMI 21:21

Te ki briew jong kata ka shnong kin lynthem maw ïa u haduh ba un da ïap, bad da kumta phin pynduh noh ïa kata ka jingbymman. Uwei pa uwei ha Israel un sa bna aïu ka la jia bad un sngewsheptieng.

DEUTERONOMI 22:21

te ki dei ban leit ïalam ïa kata ka briew ha khmat ka jingkhang ïing u kpa jong ka, bad ki rangbah jong kata ka shnong kin lynthem maw ïa ka hangta haduh ba kan da ïap. Ka la leh ïa kaei kaei kaba jahburom ha Israel da kaba pynjot ïa la ka jingsotti shuwa ka jingshongkurim. Da kumta phin pynduh noh ïa kane ka jingbymman napdeng jong phi.