LEBITIKOS 2:11 - Khasi CL Bible (BSI)

¹¹ Ym dei ban khleh thiat ha ki jingainguh bam baroh kiba phi ai sha U Trai. Lano lano phim dei ban pyndonkam ïa u thiat ne ïa ka ngap ha ka jingbam kaba phi ainguh sha U Trai.

KA BAIBL

¹¹ “Ïa ka jingainguh bam baroh ba phin wallam ha U Trai, yn ym thaw ïa ka da u thiat: naba phin ym thang ïa u thiat, lymne ïa ka ngap, ha kano kano ruh ka jingainguh ïa U Trai kaba da ka ding.

LEBITIKOS 2:11 Mawu Ofanana

EKSODOS 23:18

“Wat ainguh ha nga da u kpu ba la khleh thiat haba phi kñia ïa ka mrad ha nga. Ym bit ban ieh haduh mynstep ïa ka khleiñ jong ki mrad ba la kñia ha nga ha kine ki Jingkhawai Niam.

EKSODOS 29:25

Nangta, shim ïa ki na ki kti jong ki bad thang ïa ki ha kata ka duwan, halor kata ka jingainguh thang, kum ka jingainguh bam sha nga. Ka jingiwbih kaba suhsieng na kane ka jingainguh ka pynsngewbha ïa nga.

EKSODOS 34:25

“Wat ainguh da u kpu ba la khleh thiat haba phi kñia ïa uno uno u jingri ha nga. Wat pynsah haduh mynstep ïa ka doh kñia ba la pyndonkam ha ka Jingkhawai Niam Ka Jinglait.

PROBERB 24:13

Ko khun, bam ïa ka ngap, ka long kaba bha. Bad kumba ka ngap na ka rewngap ka long kaba thiang ha u thylliej jong phi,

PROBERB 25:16

Wat ju bam ïa ka ngap palat ban ïa kaba phi donkam; kaba bam palat ka lah ban pynlong ïa phi ban prie.

PROBERB 25:27

Kaba bam than ïa ka ngap kam bha ïa phi; bad kumta ruh ka long kaba pyrshang ban ïoh palat ka jingïaroh.

LEBITIKOS 1:13

Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 6:10

Nangta u lyngdoh, uba kup ïa ka jaiñkup linen bad uba phong ïa ka patlun linen kaba lyngkot, un weng noh ïa u dpei khleiñ ba sah ha ka duwan bad un buh ïa u harud jong ka duwan.

MATHAÏOS 16:6

U Jisu u la ong ha ki, “To sumar; to phikir ïa lade pyrshah ïa u thiat ki Pharisi bad ki Saddusi.”

MARKOS 8:15

“Sumar bha,” U Jisu u la maham ïa ki, “bad sumar ïa lade na u thiat jong ki Pharisi bad u thiat jong u Herod.”

LOUKAS 12:1

Katba da ki hajar ngut ki briew ki dang ïalumlang, ba kumta ki la ïa-ïuh para ma ki, U Jisu u la ong nyngkong ha la ki synran, “To sumar na u thiat jong ki Pharisi — nga mut ïa ka jingarsap jong ki.

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

GALATIA 5:9

“Ka donkam tang khyndiat u thiat ban pynsieb ïa ka shi lyngngun u kpu,” kumba ki ong.

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.