LEBITIKOS 2:10 - Khasi CL Bible (BSI)

¹⁰ Kaba sah na kata ka jingainguh ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

KA BAIBL

¹⁰ Te kata kaba dang sah na ka jingainguh bam, kan long ïa u Aaron bad ïa ki khun shynrang jong u: ka long kaba la kyntang tam eh jong ki jingainguh ïa U Trai da ka ding.

LEBITIKOS 2:10 Mawu Ofanana

2 KHRONIKL 31:14

U Kore u khun jong u Imnah, u Lebi uba long u rangbah ap phira ha ka Khyrdop Mihngi jong ka Templ, u long u khlieh ha ka jingpdiang ïa ki jingai ba ai sha U Trai bad ha kaba sam ïa ki.

ESRA 2:63

U lat uba dei u Jiw u ong ïa ki ba kim lah ban bam ïa ki jingbam ba la kñia ha U Blei haduh ban da don u lyngdoh uba lah ban pyndonkam ïa u Urim bad u Thummim.

ESEKIEL 44:29

Ki jingkñia ainguh, ki jingkñia pop bad ki jingkñia na ka bynta ban siew pat, kin long ki jingbam jong ki lyngdoh, bad ki kin ïoh ïa kiei kiei baroh ha Israel ïa kiba la pynkyrpang na ka bynta jong nga.

ESEKIEL 46:20

“Kane ka long ka jaka ha kaba ki lyngdoh kin shet ïa ka doh ba la ai kum ki jingkñia na ka bynta ka pop lane ka jingsiew pat, bad ban shet kew na ka bynta ka jingainguh, khnang ba ïa kano kano kaba khuid yn ym rah noh sha ka phyllaw bashabar, ha kaba ka lah ban long ka jingma ïa ki paidbah.”

LEBITIKOS 10:12

U Moses u ong ha u Aaron, bad ha ki ar ngut ki khun shynrang jong u kiba dang sah, u Eleasar bad u Ithamar, “Shim ïa ka jingainguh bam kaba sah na kata ka jingbam kaba la kñia sha U Trai, pynlong kpu khlem thiat da ka bad bam ïa ka harud ka duwan, namar kane ka jingkñia ka long kaba khuid bha.

LEBITIKOS 14:13

Un pynïap ïa uta u khunlangbrot ha ka jaka kaba kyntang ha kaba la ju pynïap ïa ki jingri na ka bynta ki jingkñia namar ka pop bad ïa ki jingkñia ainguh thang. U dei ban leh ïa kane namar ba ka jingkñia na ka bynta ka jingpalat, kumba long ka jingkñia namar ka pop, ka dei ka jong u lyngdoh, bad ka long kaba khuid bha.

LEBITIKOS 2:3

Kaba sah na kata ka jingainguh bam ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

LEBITIKOS 21:22

U lah ban bam ïa ka jingbam kaba la kñia ainguh ha nga, ïa ka jingkñia ainguh bam kaba kyntang, bad kaba kyntang eh;

LEBITIKOS 5:13

Ha kane ka rukom u lyngdoh un ai ïa ka jingkñia namar ka pop ba uta u briew u la leh, bad yn map ïa u. U purew uba dang sah un long jong u lyngdoh, kumba ka long ha ka jingkñia ainguh bam.

LEBITIKOS 6:16

Ki lyngdoh kin bam ïa kaba sah baroh. Yn pynlong ïa u kpu ba la shet khlem thiat bad ban bam ha ka jaka bakhuid, ka phyllaw jong ka Ïingjaiñ ka Jingdon Ryngkat U Trai. U Trai u la ai ha ki lyngdoh kum ka bynta jong ki na kata ka jingainguh bam. Ka long kaba khuid, kumba long ki jingainguh namar ka pop bad ki jingainguh namar ki jingleh palat.

LEBITIKOS 6:23

Ym dei ban bam ïa kano kano ka bynta jong ka jingainguh bam ba u lyngdoh u wanrah, ïa baroh dei ban thang lut khoit.

LEBITIKOS 6:9

ban ai ha u Aaron bad ki khun shynrang jong u ïa kine harum ki jingbuhbeit ryntih kiba ïadei bad ka jingainguh thang. Ïa ka jingainguh thang dei ban ieh halor ka duwan baroh shi miet, bad hangta ka ding ruh ka dei ban ïai meh.

LEBITIKOS 7:7

Don tang kawei ka aiñ kaba ïadei lang ïa ka jingkñia namar ka pop bad ka jingkñia namar ka jingleh palat: ka doh ka dei jong u lyngdoh uba pyndep ïa ka jingkñia.

JINGKHEIÑ 18:9

Kine harum ki long ki jong me na ki jingainguh kiba kyntang tam ïa ki bym shym la thang ha ka duwan: ki jingainguh bam, ki jingkñia namar ka pop, bad ki jingainguh namar ka jingpalat. Baroh kaba la wanrah ha nga kum ka jingainguh bakyntang ka long ka jong me bad jong ki khun shynrang jong me.

1 SAMUEL 2:28

Napdeng ki jait Israel baroh nga la jied ïa ka longïing jong u ban long ki lyngdoh jong nga, ban shakri ha ka duwan, ban thang ïa ka jingiwbih, bad ban phong ïa ka ephod ban ïakren bad nga. Bad nga la ai ha ki ïa ka hok ban ïoh bynta ïa ki jingainguh thang ba-halor ka duwan.