LEBITIKOS 19:5 - Khasi CL Bible (BSI)

⁵ “Haba phi pynïap ïa u mrad ban pynlong ka jingainguh ïasyllok, bud beit ïa ki jingbuhbeit ryntih kiba nga la ai ha phi, bad ngan pdiang ïa kata ka jingainguh.

KA BAIBL

⁵ “ ‘Bad haba phi kñia ïa ka jingkñia bapynïasuk ha U Trai, phin kñia ïa kata da ka mon sngewbha jong phi hi.

LEBITIKOS 19:5 Mawu Ofanana

2 KHRONIKL 31:2

U syiem Hesekaïah u pynskhem biang ïa ka kynhun ki lyngdoh bad ki Lebi, hapoh jong kata uwei pa uwei u don la ka jong ka jong ka kamram. Kine ki kynthup ïa ki jingainguh thang bad ki jingainguh ïasyllok, kaba shim bynta ha ka jingmane ha ka templ, bad kaba ai ïa ka jingïaroh bad jingainguh ha ki bynta bapher jong ka Templ.

EKSODOS 24:5

Nangta u la phah ïa ki samla shynrang bad ki la thang ïa ki jingkñia sha U Trai bad ki la kñia katto katne tylli ki jingri kum ki jingainguh jingïasyllok.

ESEKIEL 46:12

“Haba u khun syiem uba synshar u kwah ban ai ka jingainguh da ka mon sngewbha sha U Trai, da ka jingainguh ban shu thang tylli ne ka jingainguh ïasyllok, ka khyrdop bashaphang mihngi kaba ïalam sha ka phyllaw kaba shapoh, yn plie na ka bynta jong u. Un pynlong ïa ka jingainguh ha kajuh ka rukom ba u leh ha ka sngi Sabbaton, bad ïa ka khyrdop yn khang hadien ba u mih biang shabar.”

ESEKIEL 46:2

U khun syiem uba synshar un ïaid na ka phyllaw bashabar sha ka kamra rung lyngba ka khyrdop bad ïeng ha syndah ki rishot jong ka khyrdop katba ki lyngdoh ki thang tylli ïa ki jingkñia bad ai ki jingainguh ïasyllok jong u. Hangta ha ka khyrdop u dei ban mane bad nangta un mih biang shabar. Ïa ka khyrdop ym dei ban khang tad haduh janmiet.

LEBITIKOS 1:3

Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

LEBITIKOS 19:4

“Wat lyndet ïa nga bad mane ïa ki bleithaw; wat thaw ïa ki blei ba shu saiñ na ka sisa bad ban mane ïa ki. Nga long U Trai U Blei jong phi.

LEBITIKOS 19:6

Ïa ka doh kñia dei ban bam ha kajuh ka sngi ba la pynïap ïa uta u mrad lane ha ka sngi kaba bud. Ïa kano kano ka doh kaba dang sah haduh ka sngi kaba lai dei ban thang noh,

LEBITIKOS 22:19

khnang ba yn pdiang hun ïa ka, ka dei ban long da u masi, ne da u langbrot, ne da u 'langsohmoh u bym don kano kano ka jingduna.

LEBITIKOS 22:21

Haba uno uno u kñia ïa ka jingainguh pynïasuk sha U Trai, la ka long ka jingpyndep ïa kano kano ka jingkular lane kum ka jingainguh mon sngewbha, kata ka jingainguh kam dei ban don kano kano ka jingduna khnang ba yn pdiang hun ïa ka.

LEBITIKOS 22:23

Phi lah ban kñia ainguh ïa u jingri uba raid lane u bym shong beit ka met ka phad kum ka jingainguh sngewbha, hynrei yn ym pdiang ïa u haba pyndep ïa kano kano ka jingkular.

LEBITIKOS 22:29

Haba phi pynlong ïa ka jingkñia ainguh sngewbha sha U Trai, bud beit ïa ki rukom lehniam khnang ba yn pdiang hun ïa phi.

LEBITIKOS 7:16

Lada u briew u wanlam ïa ka jingainguh ïasyllok ban pyndep ïa la ka jingkular lane kum ka jingainguh mon sngewbha jong u hi, ym da donkam ban bam lut ïa ka ha kajuh ka sngi ba la kñia; hynrei ïa kaba sah lah ban bam ha ka sngi kaba bud.

LEBITIKOS 7:18

Lada la bam ïa ka ha ka sngi kaba lai, U Blei un ym pdiang ïa ka jingainguh jong uta u briew. Ïa kata ka jingainguh yn ym ñiew kum ka jingainguh jong u hynrei yn kheiñ ba ka long ka bymkhuid, bad uno uno uba bam ïa ka un kit hi ïa la ka pop.