LEBITIKOS 19:12 - Khasi CL Bible (BSI)

¹² Wat ai ka jingkular ha ka kyrteng jong nga lada phim don jingmut ban bat ïa ka; kata ka wanrah ïa ka jingpynjahburom ïa ka kyrteng jong nga. Nga long U Trai U Blei jong phi.

KA BAIBL

¹² Phin ym smai lamler da ka kyrteng jong nga, lymne men ym shim thala ïa ka kyrteng U Blei jong me: Nga long U Trai.

LEBITIKOS 19:12 Mawu Ofanana

SALM 15:4

U ibeiñ ïa kito kiba U Blei u la kyntait, hynrei u ai burom ïa kito kiba kohnguh ïa U Trai. U ïai pyndep ïa kaei kaba u kular, kam pher katno ka shongdor.

EKSODOS 20:7

“Wat pyndonkam ïa ka kyrteng jong nga na ka bynta ki jingthmu kiba sniew, naba nga, U Trai U Blei jong phi, ngan pynshitom ïa uno uno uba pyndonkam thala ïa ka kyrteng jong nga.

ISAÏAH 48:1

To shahshkor ïa kane, phi ki paid Israel, phi kiba hiarpateng na u Judah: Phi smai da ka kyrteng jong U Trai bad kam ba phi mane ïa U Blei ki Israel — hynrei phim shym buh jingmut ïa kawei ruh ka ktien kaba phi ong.

JEREMAÏAH 34:16

Hynrei phi kylla pat ïa ka jingmut jong phi bad phi pynjahburom ïa nga. Baroh na phi, phi la shim pat ïa ki mraw ïa kiba phi la pyllaitluid kumba ki la kwah, bad phi la pynlong mraw jubor biang ïa ki.

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

JEREMAÏAH 5:2

Wat la phi kam ba phi mane ïa U Trai, phim shym mut kumba phi ong.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

LEBITIKOS 18:21

Wat ai noh ïano ïano na ki khun jong me ba yn pyndonkam ha ka jingmane ïa u blei Molekh, naba kata kan pynjahburom ïa ka kyrteng U Blei, U Trai.

LEBITIKOS 20:3

Nga hi ngan phai pyrshah ïa uta u briew bad ngan ym ñiew shuh ïa u kum uwei na ki briew jong nga, namar u la ai ïa uwei na ki khun jong u ha u Molekh, bad kumta u pynbyrsieh ïa ka jaka kyntang jong nga bad u pynjahburom ïa ka kyrteng kaba khuid jong nga.

LEBITIKOS 6:3

lane da kaba thok shaphang kano kano ba ka la jah noh bad u smai ba um shym shem pat ïa ka.

SEKHARAÏAH 5:3

Nangta u la ong ha nga, “Halor jong ka la thoh ïa ka jingtim kaba dei ban leit sha ka ri baroh kawei. Ha kawei ka liang jong ka kot kli ka ong ba ïa uwei pa uwei u nongtuh yn weng noh na ka ri; bad ha kawei pat ka liang ka ong ba ïa uno uno uba ïathuh lamler hapoh ka jingsmai yn shim noh ïa u ruh.

SEKHARAÏAH 5:4

U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

DEUTERONOMI 5:11

“ ‘Wat pyndonkam thala ïa ka kyrteng jong nga, naba nga U Trai U Blei jong phi ngan pynshitom ïa uba pyndonkam thala ïa ka kyrteng jong nga.

JAKOB 5:12

Nalor kine baroh, ko parabangeit jong nga, wat pyndonkam da ka jingsmai haba phi pynlong ka jingkular. Wat smai da ka bneng ne da ka khyndew ne da kaei kaei pat. Shu ong “Ho-oid” haba phi mut ho-oid, bad “Em” haba phi mut em, bad phin ym hap hapoh ka jingbishar U Blei.