LEBITIKOS 18:5 - Khasi CL Bible (BSI)

⁵ Bud ïa ki rukom leh bad ki hukum kiba nga ai ha phi; da kaba leh kumta, phin ïoh im. Nga long U Trai.”

KA BAIBL

⁵ Namar kata, to sumar ïa ki hukum jong nga, bad ïa ki jingbishar jong nga: bad u briew uba rakhe ïa ki, un ïoh im da ki: Nga long U Trai.

LEBITIKOS 18:5 Mawu Ofanana

NEHEMAÏAH 9:29

Me maham ïa ki ban kohnguh ïa ki jinghikai jong me, hynrei ha ka jingsarong ki kyntait ïa ki hukum jong me, wat la kaba sumar ïa ka Hukum ka long ka lynti sha ka jingim. Kiba mutlop bad kiba ehrang, ki kyntait ban kohnguh.

EKSODOS 6:2

Te U Blei u la kren ha u Moses bad u la ong, “Nga long U Trai.

EKSODOS 6:29

Ïathuh ha u Pharaoh ïa kaei kaei baroh kaba nga la ong ha me.”

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ESEKIEL 18:9

Uba kum une u briew u kohnguh ïa ki hukum jong nga bad u sumar biang biang ïa ki aiñ jong nga. U long uba hok, bad un im,” ong U Trai Nongsynshar.

ESEKIEL 20:11

Nga la ai ha ki ïa ki hukum jong nga bad nga la hikai ha ki ïa ki aiñ jong nga, kiba wallam ka jingim ïa uno uno uba kohnguh ïa ki.

ESEKIEL 20:13

Hynrei wat ha ka ri shyiap ki la ïaleh pyrshah ïa nga. Ki la pynkheiñ ïa ki aiñ jong nga bad ki la kyntait ïa ki hukum jong nga, kiba wallam jingim ïa uno uno uba kohnguh ïa ki. Ki la pyntngit khoit ïa ka Sabbaton. Nga la kloi ban shah ïa ki ban sngew ïa ka jingbitar jong nga hangta ha ka ri shyiap bad ban pynjot ïa ki.

ESEKIEL 20:21

“Hynrei kata ka pateng bynriew ruh ka la ïaleh pyrshah ïa nga. Ki la pynkheiñ ïa ki aiñ jong nga bad kim shym la bat ïa ki hukum jong nga, kiba wallam jingim ha uno uno uba kohnguh ïa ki. Ki la pyntngit ïa ka Sabbaton. Nga la kloi ban shah ïa ki ban sngew ïa ka bor ka jingbitar jong nga hangta ha ka ri shyiap bad ban pynïap ïa ki baroh.

LEBITIKOS 18:6

U Trai u la ai ïa kine harum ki jingbuhbeit ryntih. Wat ïathiah shongkha bad kano kano kaba ïadei kur dei jait bad me.

MALAKHI 3:6

“Nga long U Trai, bad ngam ju kylla. Bad kumta ma phi, ki khun ki ksiew u Jakob, phim pat shym la jah noh khoit.

MATHAÏOS 19:17

“Balei me kylli na nga shaphang kaei kaba bha?” la jubab U Jisu. “Don tang Uwei uba bha. To sumar ïa ki hukum lada me kwah ban rung sha ka jingim.”

LOUKAS 10:28

“Me ong kaba dei,” U Jisu u la jubab; “to leh ïa kane bad men im.”

Ka Shithi U Paul Sha Ki Nong Rom 10:5

U Moses u la thoh ïa kane, shaphang ka jingïadei bad U Blei da kaba kohnguh ïa ka Hukum: “Uno uno uba kohnguh ïa ki aiñ jong ka Hukum un ïap.”

Ka Shithi U Paul Sha Ki Nong Rom 7:10

Bad ka hukum kaba dei ban wallam jingim, ha nga, ka la wallam ka jingïap.

GALATIA 3:12

Hynrei ka Hukum kam don ei ei ban leh bad ka jingngeit. Pynban kumba ka Jingthoh Bakhuid ka ong, “Jar uba leh ïa baroh ïa kaba ka hukum ka dawa un ïoh im.”

DEUTERONOMI 30:20

To ieit ïa U Trai U Blei jong phi, kohnguh bad ïaineh ha u; te ma phi bad ki khun ki ksiew jong phi phin im slem ha kata ka ri ba u la kular ban ai ha ki kpa tymmen jong phi, u Abraham, u Isaak, bad u Jakob.”

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

DEUTERONOMI 4:1

Nangta u Moses u ong ha uta u paidbah, “Kohnguh ïa ki hukum baroh ïa kiba nga hikai ïa phi, te phin ïoh im bad phin ïohkynti ïa kata ka ri kaba U Trai U Blei ki kpa tymmen jong phi, u ai ha phi.