LEBITIKOS 16:2 - Khasi CL Bible (BSI)

² U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

KA BAIBL

² bad U Trai u la ong ha u Moses, “To kren ha u Aaron u hynmen jong me, ba un ym wan ha la ka sngi ha ka jaka kyntang shapoh ka jingkah, ha khmat ka jingtap-isynei kaba halor ka synduk; ba un ym ïap noh: naba ngan mihpaw ma nga halor ka jingtap-isynei ha u lyoh.

LEBITIKOS 16:2 Mawu Ofanana

1 SYIEM 6:16

Ka kamra kaba shapoh, ïa kaba la khot ka Jaka Kaba Kyntang Tam, la shna shaphang shadien jong ka Templ. Ka lynter jong ka, ka long khyndai mitar, bad la ker ïa ka da ki lyntang dieng Kedar naduh tbian haduh ka sad.

1 SYIEM 8:6

Nangta ki lyngdoh ki bah ïa ka Synduk ka Jutang sha ka Templ bad ki buh ïa ka ha Ka Jaka Kaba Kyntang Tam, hapoh ki kherub.

EKSODOS 30:10

Shisien shisnem, u Aaron un pyndep ïa ka jinglehniam ban pynkhuid ïa ka duwan da kaba buh ha ki reng jong ka baroh saw tylli ïa ka snam jong ka jingkñia na ka bynta ka pop. Dei ban leh ïa kane man ka snem ha ki por baroh ki ban wan. Kane ka duwan ka dei ban long kaba khuid, kaba la pynkyntang sha nga, U Trai.”

LEBITIKOS 16:13

Hangta ha khmat U Trai un thang ïa kata ka jingiwbih, halor ka ding bad ka tdem jong kata ka jingiwbih kan kah ïa ka jingtap ka Synduk ka Jutang khnang ba un ym ïohi ïa ka bad u ïap.

LEBITIKOS 16:34

Kine ki long ki jingbuhbeit ryntih kiba dei ban rakhe pateng la pateng. Ïa kane ka rukom lehniam dei ban leh shisien shisnem ban pynkhuid ïa ki Israel na ki pop jong ki. Kumta u Moses u leh, kumba U Trai u la hukum ïa u.

LEBITIKOS 23:27

“Ka sngi kaba shiphew jong u bnai uba hynñiew ka long ka sngi ka jingpyndep ïa ka jinglehniam kaba man ka snem ban weng noh ïa ki pop ki briew. Wat bam ei ei ruh em ha kata ka sngi; ïalumlang ban mane Blei, bad kñia ïa ka jingainguh bam ha U Trai.

LEBITIKOS 8:35

Phi dei ban sah ha khmat ka jingkhang jong ka Ïingjaiñ miet la bad sngi haduh hynñiew sngi, ban leh ïa kata kaba U Trai u la hukum. Lada phim leh kumta, phin ïap. Kane ka long kaba U Trai u la hukum ïa nga.”

JINGKHEIÑ 17:10

U Trai u ong ha u Moses, “Buh biang ïa u diengduh jong u Aaron ha khmat ka Synduk ka Jutang. Dei ban buh ïa u kum ka jingmaham ïa ki Israel kiba ïaleh pyrshah ba kin ïap lymda ki sangeh noh ïa ki jingkren khñium jong ki.”

JINGKHEIÑ 18:7

Hynrei tang ma me bad ki khun shynrang jong me phin pyndep ïa ka jingkitkhlieh ka jinglong lyngdoh kaba ïadei bad ka duwan bad kaei kaba don ha ka Jaka kaba Kyntang Tam. Kine kiei kiei ki long ki jingkitkhlieh jong me, naba nga la ai ha me ïa ka kam lyngdoh kum ka jingai sngewbha. Uno uno uwei pat u briew u bym bit bym biang uba wan hajan kita ki tiar kiba kyntang un shah pynïap.”

JINGKHEIÑ 4:19

kin shah pynïap napdeng ki Lebi; hynrei leh kumne khnang ba kin im bad ba kin ym ïap haba ki wan hajan kita ki tiar kiba kyntang tam. U Aaron bad ki khun shynrang jong u kin leit rung bad ai bynta ïa uwei pa uwei u briew ban trei, bad ban ïathuh ruh ha u ïa kaei kaba u dei ban kit.

JINGKHEIÑ 4:5

U Trai u la ai ha u Moses ïa kine ki jingbthah harum. Haba la dei ka por ban kynriah jaka shawei, u Aaron bad ki khun shynrang jong u kin rung shapoh ka Ïingjaiñ, kin weng noh ïa ka pyrda kaba ha khmat ka Synduk ka Jutang, bad kin tap ïa kata ka Synduk da ka.

MATHAÏOS 27:51

Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

HEBRU 6:19

Ngi don kane ka jingkyrmen kum u angkor ïa ki jingim jong ngi. Ka long kaba skhem bad kaba thikna, bad ka ïaid lyngba ka jingkah jong ka Templ ba kynja bneng shaduh ka kamra kaba kham shapoh.

HEBRU 9:25

U rangbah lyngdoh jong ki Jiw u leit rung shapoh ka Jaka kaba Kyntang Tam man ka snem ryngkat bad ka snam ki mrad. Hynrei U Khrist um shym la rung shapoh ban kñia ainguh ïa lade bunsien.

HEBRU 9:3

Ha lyndet ka jingkah kaba ar la don ka Ïingjaiñ ïa kaba la khot ka Jaka kaba Kyntang Tam.

HEBRU 9:5

Haneng ka Synduk la don ki kherub kiba long ka dak ka jingdon ryngkat jong U Blei, bad ki thapniang jong ki, ki pyiar halor ka jaka ha kaba la ju map ïa ki pop. Hynrei mynta kam dei ka por ban batai bniah nadong shadong.

JINGPYNPAW 15:8

Ïa ka templ la pyndap da ka tdem na ka burom bad ka bor jong U Blei, bad ym don mano mano ba lah ban leit shapoh ka templ tad haduh ba ki hynñiew tylli ki khlam ba la wanrah da ki hynñiew ngut ki angel, ki la poi sha kaba kut.