LEBITIKOS 16:12 - Khasi CL Bible (BSI)

¹² un shim ïa u khiew thang jingiwbih ba la pyndap da u rnga ding barhem na ka duwan bad ar kham ka jingiwbih, bad un wanrah ïa ki sha ka Jaka Kaba Khuid Tam.

KA BAIBL

¹² Ynda kumta, un shim ïa u khiew thang iwbih ba-dap da u rnga ding na kata ka duwan kaba ha khmat U Trai, bad ki kti jong uba dap da ka jingiwbih thang baiwbih ba la pynlwet jin, bad un wallam ïa ka hapoh kata ka jingkah:

LEBITIKOS 16:12 Mawu Ofanana

EKSODOS 31:11

ïa ka umphniang pynsleh, bad ïa ka jingiwbih basma sngewtynnat na ka bynta Ka Jaka Kyntang. Ha kaba shna ïa kine baroh, ki dei ban leh thik kat kumba nga la hukum ïa me.”

EKSODOS 37:29

U shna ruh ïa ka umphniang pynsleh kaba kyntang bad ïa ka jingiwbih suhsieng, ïa kaba la khleh lang kumba khleh jingiwbih.

LEBITIKOS 10:1

U Nadab bad u Abihu, ki khun shynrang jong u Aaron, ki shim ïa la ki khiew thang jingiwbih, ki buh rnga ding ha ki, ki thang ïa ka jingiwbih hangta, bad ki kñia ainguh ïa ka ha U Trai. Hynrei kane ka ding ka long ka bymkhuid, namar U Trai um shym la hukum ïa ki ban leh kumta.

JINGKHEIÑ 16:18

Kumta uwei pa uwei na ki u la shim ïa la u khiew buh ding, u buh hangta ïa u rnga ding uba rhem bad ka jingiwbih, bad u ïeng ha ka jingkhang ka Ïingjaiñ lem bad u Moses bad u Aaron.

JINGKHEIÑ 16:46

bad u Moses u ong ha u Aaron, “Shim ïa u khiew buh ding jong phi, buh hangta ïa u rnga uba rhem na ka duwan, bad buh khyndiat ka jingiwbih halor ki rnga. Nangta leit rah kloi kloi ïa ka sha u paidbah bad pyndep ïa ka jinglehniam ka jingpynkhuid na ka bynta jong ki. Pynkloi! Ka jingbitar U Trai ka la mih, bad ka khlam ruh ka la sdang.”

DEUTERONOMI 33:10

Kin hikai ïa ki briew jong me ban kohnguh ïa ka Aiñ jong me; Kin ai ïa ki jingkñia ha ka duwan jong me.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

HEBRU 9:7

hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

JINGPYNPAW 8:5

Nangta uta u angel u la shim ïa kata ka pliang thang jingiwbih, u la pyndap ïa ka da ki rnga ding barhem na ka duwan, bad u la bret ïa ka halor ka khyndew. La don ki jingkyrhuh bad ki jingsawa u pyrthat, ki jingthaba leilieh, bad u jumai.