LEBITIKOS 13:8 - Khasi CL Bible (BSI)

⁸ U lyngdoh un khmih bniah ïa u sa shisien, bad lada kata ka prum ka la pur, un pynbna ba u long u bymkhuid; ka dei ka jingpang 'ñiangthohlieh.

KA BAIBL

⁸ bad lada, haba u lyngdoh u la khmih ïa u, bad ha khmih, ka prum ka la nang kham ïar ha ka snieh, ynda kumta, u lyngdoh un rai ïa u, u bymkhuid: ka long ka bapang 'ñiangthohlieh keiñ.

LEBITIKOS 13:8 Mawu Ofanana

LEBITIKOS 13:2

Lada uno uno u briew u mih prum, lane u mih tohjaw, lane u tyrha ka sniehdoh, bad kata ka lah ban kylla sha ka jingpang 'ñiangthohlieh, dei ban leit ïalam ïa u ha u lyngdoh uba na ka longïing jong u Aaron.

LEBITIKOS 13:3

U lyngdoh un khmih bniah ïa kata ka prum, bad lada u shñiuh hangta u la kylla lieh bad kata ka prum ka i kumba ka kham jylliew ban ïa ka sniehdoh sawdong jong ka, kata ka dei ka jingpang 'ñiangthohlieh, bad u lyngdoh un pynbna ba uta u briew u long u bymkhuid.

LEBITIKOS 13:7

Hynrei lada kata ka prum ka pur pat hadien ba u lyngdoh u la khmih bniah ïa u bad u la pynbna ba u long uba khuid, u dei ban leit pyn-i biang ïa lade ha u lyngdoh.

LEBITIKOS 13:9

Lada uno uno u briew u ngat ïa ka jingpang 'ñiangthohlieh, dei ban ïalam ïa u ha u lyngdoh,

JINGKHEIÑ 5:2

“Hukum ïa ki Israel ban beh noh na ka jaka shong dara ïa uno uno uba don ka jingpang sniehdoh bashyrkhei lane uba liat um ksuit, bad uwei pa uwei uba long u bymkhuid da kaba ktah ïa ka metïap.

KI KAM 8:21

Mem don bynta lane ïoh bynta ha ka kam jong ngi, namar ka dohnud jong me kam long kaba beit ha khmat U Blei.

2 PETROS 2:19

Ki kular ha ki ïa ka jinglaitluid katba ma ki, ki long ki mraw jong ki jingmlien bapynjot — naba u briew u long u mraw ha kano kano kaba la jop ïa u.