LEBITIKOS 12:8 - Khasi CL Bible (BSI)

⁸ Lada kata ka kynthei kam lah ban ai ïa u khunlangbrot, kan wallam ar tylli ki lyngdkhur ne ar tylli ki paro, kawei na ka bynta ka jingkñia ainguh thang bad kawei pat na ka bynta ka jingkñia ainguh namar ka pop bad u lyngdoh un pynlong ka jinglehniam ban shim noh ïa ka jingbymkhuid jong ka, bad kan sa long kaba la pynkhuid.

KA BAIBL

⁸ Hynrei, lada ka kti jong ka kam lah kot haduh i khun langbrot, kan wallam da ar tylli ki lyngdkhur, lane ar tylli ki khun paro; kawei ban long ka jingkñia ainguh thang, bad kawei pat ïa ka ban long ka jingkñia namar ka pop: bad u lyngdoh un pynlong ka jingpynïasuk na ka bynta jong ka, ka ruh kan long khuid.’ ”

LEBITIKOS 12:8 Mawu Ofanana

LEBITIKOS 1:14

Lada uta u briew u ai jingkñia da ka sim kum ka jingainguh thang, ka dei ban long ka paro ne ka lyngdkhur.

LEBITIKOS 12:7

U lyngdoh un kñia ïa ka jingainguh jong ka ha U Trai bad un pynlong ka jinglehniam ban shim noh ïa ka jingbymkhuid jong ka; bad kan sa long kaba la pynkhuid. Kane ka long kaba ka kynthei ka dei ban leh hadien ba kha khun.

LEBITIKOS 13:1

U Trai u ai ha u Moses bad u Aaron ïa kine harum ki jingbuhbeit ryntih.

LEBITIKOS 14:21

Lada uta u briew u long uba duk bad um kotbor haduh katta, un wallam na ka bynta ka jingpynkhuid tang uwei u khunlangbrot kum ka jingkñia namar ka jingpalat, kaba long ka jingai kaba kyrpang ha U Trai na ka bynta u lyngdoh. Un wanrah ruh tang shi kilo u 'purew ba la khleh bad ka umphniang Olib ban pynlong ka jingkñia ainguh bam bad sa kumba shi bynta na ka lai bynta ka umphniang Olib.

LEBITIKOS 14:22

Un wallam ruh ar tylli ki paro ne ki lyngdkhur, kawei na ka bynta ka jingkñia namar ka pop, bad kawei pat na ka bynta ka jingkñia ainguh thang.

LEBITIKOS 15:14

Ha ka sngi kaba phra un leit rah ar tylli ki paro lane ar tylli ki lyngdkhur sha ka jingkhang jong ka Ïingjaiñ ka Jingdon Ryngkat U Trai bad un ai ha u lyngdoh.

LEBITIKOS 15:15

U lyngdoh un kñia ïa kawei na ki kum ka jingkñia namar ka pop bad ïa kawei pat kum ka jingainguh thang. Ha kane ka rukom un pyndep ïa ka jinglehniam kaba ïadei bad ka jingpynkhuid ïa uta u briew.

LEBITIKOS 15:29

Ha ka sngi kaba phra, kan leit rah ar tylli ki paro lane ki lyngdkhur sha u lyngdoh ha ka jingkhang jong ka Ïingjaiñ ka Jingdon Ryngkat U Trai.

LEBITIKOS 4:26

Nangta un thang ïa ka khleiñ jong u baroh halor ka duwan, kumba ju thang ïa ka khleiñ jong ki mrad ba la pynïap na ka bynta ki jingainguh ïasyllok. Ha kane ka rukom u lyngdoh un ai ïa ka jingkñia namar ka pop jong uta u nongsynshar, bad yn map ïa u.

LEBITIKOS 5:11

Lada u briew um kotbor ban wanrah ar tylli ki paro ne ar tylli ki lyngdkhur, un wallam shi kilo u 'purew kum ka jingkñia namar ka pop. Um dei ban theh kano kano ka umphniang Olib ne kano kano ka jingiwbih halor jong u, namar ka dei ka jingkñia namar ka pop, ym ka jingkñia bam.

LEBITIKOS 5:7

Lada u briew um kotbor ban wallam da ka langbrot ne da ka blang, un wanrah sha U Trai ar tylli ki paro ne ar tylli ki lyngdkhur kum ka jingpli ïa la ka pop, kawei na ka bynta ka jingkñia namar ka pop bad kawei pat na ka bynta ka jingkñia ainguh thang.

MATHAÏOS 21:12

U Jisu u la leit shapoh ka Templ bad u la beh noh ïa baroh kito kiba ïadie bad kiba ïathied hangta. U la pynkylla khongpong ïa ki miej jong ki nongïapeiñ sbai bad ïa ki jaka shong jong kito kiba die paro,

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.