LEBITIKOS 12:7 - Khasi CL Bible (BSI)

⁷ U lyngdoh un kñia ïa ka jingainguh jong ka ha U Trai bad un pynlong ka jinglehniam ban shim noh ïa ka jingbymkhuid jong ka; bad kan sa long kaba la pynkhuid. Kane ka long kaba ka kynthei ka dei ban leh hadien ba kha khun.

KA BAIBL

⁷ bad uta un kñia ainguh ïa kata ha khmat U Trai, bad un pynlong ka jingpynïasuk na ka bynta jong ka; kumta kan long ba la pynkhuid na ka jingur ka met jong ka. Kane ka long ka hukum ïa kata kaba la kha khun shynrang lane kynthei.

LEBITIKOS 12:7 Mawu Ofanana

Ka Kitab U Job 1:5

Ha man ka step kaba bud jong ka jingkhawai, u Job u ju khie dang step bad u ai ïa ki jingkñia na ka bynta iwei pa iwei na ki khun jong u ban pynkhuid ïa ki. U ju leh ïa kane borabor namar u pyrkhat ba ïoh iwei na ki i leh pop da kaba ñiewbeiñ ïa U Blei khlem poi pyrkhat.

Ka Kitab U Job 14:4

Ym don kaba khuid kaba lah ban wan na kano kano ka bymkhuid kat ki khunbynriew.

LEBITIKOS 1:4

Uta u briew un buh ïa la ka kti ha ka khlieh jong ka, bad yn sa pdiang ïa ka kum ka jingkñia ban kit noh ïa ki pop jong u.

LEBITIKOS 12:6

Ynda ka por pynkhuid ïa ka, ka la kut, la ka long na ka bynta u khun ne ka khun, ka dei ban wallam sha u lyngdoh ha ka jingkhang jong ka Ïingjaiñ ka Jingdon Ryngkat U Trai ïa u khunlangbrot uba shisnem kum ka jingainguh thang bad ïa ka lyngdkhur ne ka paro kum ka jingainguh namar ka pop.

LEBITIKOS 12:8

Lada kata ka kynthei kam lah ban ai ïa u khunlangbrot, kan wallam ar tylli ki lyngdkhur ne ar tylli ki paro, kawei na ka bynta ka jingkñia ainguh thang bad kawei pat na ka bynta ka jingkñia ainguh namar ka pop bad u lyngdoh un pynlong ka jinglehniam ban shim noh ïa ka jingbymkhuid jong ka, bad kan sa long kaba la pynkhuid.

LEBITIKOS 15:15

U lyngdoh un kñia ïa kawei na ki kum ka jingkñia namar ka pop bad ïa kawei pat kum ka jingainguh thang. Ha kane ka rukom un pyndep ïa ka jinglehniam kaba ïadei bad ka jingpynkhuid ïa uta u briew.

LEBITIKOS 4:20

Un leh kumjuh ïa une u masi lyngraw kumba u ju leh ïa u masi lyngraw jong ka jingkñia ainguh namar ka pop, bad ha kane ka rukom un pyndep ïa ka jingkñia namar ka pop jong uta u paidlang, bad yn map ïa ki.

LEBITIKOS 4:26

Nangta un thang ïa ka khleiñ jong u baroh halor ka duwan, kumba ju thang ïa ka khleiñ jong ki mrad ba la pynïap na ka bynta ki jingainguh ïasyllok. Ha kane ka rukom u lyngdoh un ai ïa ka jingkñia namar ka pop jong uta u nongsynshar, bad yn map ïa u.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 4:35

Nangta un weng ïa ka khleiñ jong ka baroh, kumba ju weng ïa ka khleiñ na ki langbrot ba la pynïap na ka bynta ki jingainguh ïasyllok, bad un thang ïa ka ha ka duwan lem bad ki jingainguh bam ba ai sha U Trai. Ha kane ka rukom u lyngdoh un ai ïa ka jingkñia namar ka pop jong uta u briew bad yn map ïa u.

Ka Shithi U Paul Sha Ki Nong Rom 3:23

baroh ki la leh pop bad ki la jngai noh na ka jingpynim U Blei.

1 KORINTH 7:14

Naba ïa u tnga u bymngeit la pynlong uba la pdiang ha U Blei da kaba pynïasoh ha ka tnga jong u, bad ïa ka tnga ka bymngeit la pynlong kaba la pdiang ha U Blei da kaba pynïasoh ha la u tnga uba ngeit. Lada kane kam long kumta, ki khun jong ki kin long kum ki khun jong ki bymngeit; hynrei kumba ka long, la pynlong ïa ki kiba la pdiang da U Blei.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.