LEBITIKOS 12:2 - Khasi CL Bible (BSI)

² Hynñiew sngi hadien ba ka kynthei ka kha khun shynrang, kan long ka bymkhuid, kumba ka long ha ka por ba ka poi bnai.

KA BAIBL

² “To kren ha ki khun Israel, da ong, ‘Lada ka briew ka punkhun, bad ka kha khun shynrang, kan long bymkhuid hynñiew sngi; katba kum ha ki sngi ka jingkyrpang bapoi bnai ïa ka, kan long bymkhuid.

LEBITIKOS 12:2 Mawu Ofanana

JENESIS 1:28

U la thaw ïa ki, shynrang bad kynthei, u la kyrkhu ïa ki, bad u la ong, “To phin ïoh bun ki khun ki kti, ba ki nonghiarpateng jong phi kin shong kin sah ha kylleng ka pyrthei bad wallam ïa ka hapoh ka jingsynshar jong ki. Nga buh ïa phi ban khmih ïa ki dohkha, ki sim, bad ïa baroh ki mradkhlaw.

JENESIS 3:16

Ha kata ka briew pat u ong, “Ngan pynjur ïa ka jingjynjar jong pha haba pha punkhun, bad ïa ka jingshitom jong pha haba pha kha khun. La katta ruh, phan ïai kwah ïa la u tnga, pynban yn pyndem ïa pha ha u.”

2 SAMUEL 11:4

U Dabid u la phah ki nonglamktien sha ka; ki la wallam ïa ka sha u bad u la ïathiah shongkha bad ka. (Ka dang shu lah pyndep ïa la ka jinglehniam pynkhuid kaba man u bnai.) Nangta ka la leit phai sha ïing.

Ka Kitab U Job 14:4

Ym don kaba khuid kaba lah ban wan na kano kano ka bymkhuid kat ki khunbynriew.

Ka Kitab U Job 15:14

Hato don mo napdeng u briew uba da sngur shisha? Hato don mo u ban lah ban long khuid ha khmat U Blei?

Ka Kitab U Job 25:4

Hato don mano mano uba lah ban long uba hok bad uba khuid ha khmat U Blei?

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

LEBITIKOS 12:1

U Trai u ai ha u Moses ïa kine harum ki jingbuhbeit ryntih na ka bynta ki Israel.

LEBITIKOS 12:5

Khatsaw sngi hadien ba ka kynthei ka kha khun kynthei, kan long ka bymkhuid kum ha ka por ba ka poi bnai. Nangta kan shim por pat sa hynriewphew hynriew sngi ba yn ñiew ïa ka kaba la khuid biang na ka jingmihsnam.

LEBITIKOS 15:19

Haba ka kynthei ka poi bnai, ka long ka bymkhuid hynñiew sngi. Uno uno uba ktah ïa ka u long u bymkhuid haduh janmiet.

LEBITIKOS 18:19

Wat ïathiah shongkha bad ka briew haba ka dang poi bnai, namar ka long ka bymkhuid.

LEBITIKOS 5:3

Lada uno uno u kum ktah ïa kaei kaei ka bymkhuid kaba mih na u briew, la ka long kaba kumno kumno, u long uba la rem hi mar ïasngewthuh ïa kaei ba u la leh.

LOUKAS 2:22

Ka por ka la poi ïa u Joseph bad ka Mari ban pyndep ïa ka jinglehniam ka jingpynkhuid, kumba ka Hukum u Moses ka dawa. Kumta ki la leit rah ïa u khunlung sha Jerusalem ban aiti ïa u sha U Trai,