LEBITIKOS 10:6 - Khasi CL Bible (BSI)

⁶ Nangta u Moses u ong ha u Aaron bad ha u Eleasar bad u Ithamar, ki khun shynrang jong u, “Wat ieh ra-ngiep ïa la u shñiuh lane kad ïa la ki jaiñ ban pyn-i ba phi ïam sngewsih, lada phi leh kumta phin ïap, bad U Trai un bitar ïa u paidlang baroh. Hynrei ïa baroh ki para jait Israel jong phi la shah ba kin ïa-ïam briew na ka bynta kane ka jingïap ba la wallam da ka ding kaba U Trai u la phah.

KA BAIBL

⁶ Ynda kumta, u Moses u la ong ha u Aaron, bad ha u Eleasar bad ha u Ithamar, ki khun jong u, “Wat ieh rangei ïa la ki khlieh, lymne wat kad ïa la ki jaiñ; ba ïoh phi ïap noh, bad ba ïoh ngat ka jingbitar U Trai ha u paidlang baroh: hynrei, to ai kin ïam ki para jong phi baroh, ka ïing Israel baroh kawei keiñ, namar kane ka jinging ïa kaba u la thang U Trai.

LEBITIKOS 10:6 Mawu Ofanana

2 SAMUEL 24:1

U Trai u la bitar ïa ki Israel sa shisien, bad kumta u la pynlong ïa u Dabid ban wanrah jingjynjar halor jong ki. U Trai u ong ha u, “Khie leit bad ñiew ïa ki paid Israel bad ki paid Judah.”

ESRA 7:5

u khun jong u Abishua, u khun jong u Phinehas, u khun jong u Eleasar, u khun jong u Aaron.

EKSODOS 33:5

Naba U Trai u la hukum ïa u Moses ban ong ha ki, “Phi long u paidlang uba mutlop. Lada ngan leit ryngkat bad phi wat tang shikhyllipmat ruh, ngan jin da la pynjot thiaw ïa phi. Law noh mynta ïa kito ki jingdeng jong phi, bad ngan sa rai ngan leh kumno ïa phi.”

EKSODOS 6:23

U Aaron u shongkurim ïa ka Elisheba, ka khun jong u Amminadab bad ka para jong u Nahshon. Ka la kha ïa u Nadab, u Abihu, u Eleasar, bad u Ithamar.

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

LEBITIKOS 13:45

U briew uba la ïoh ïa ka jingpang 'ñiangthohlieh u dei ban phong da ki jaiñjot, un ieh khlem sad ïa la u shñiuh, un tap ïa la ka khmat naduh ki rmiang shyntur sharum, bad un pyrta, “U bymkhuid, u bymkhuid!”

MIKAH 1:16

Ko ki paid Judah, to khi ïa la u shñiuh ha ka jingsngewsih na ka bynta ki khun kiba phi ieit. To pynlong ïa lade kiba syllen kum ki pukni, namar ïa ki khun jong phi yn shim noh na phi ban ïalam sha ka jingringmraw.

JINGKHEIÑ 1:53

Hynrei ki Lebi kin pynïeng dara sawdong ka Ïingjaiñ ban ap sumar ïa ka, khnang ba yn ym don mano mano ban wan sha jan bad pynkhie ïa ka jingbitar jong nga ban shoh ïa ka kynhun ki Israel.”

JINGKHEIÑ 14:6

Bad u Joshua u khun jong u Nun bad u Kaleb u khun jong u Jephunneh, ar ngut na kita ki nongsyntiat, ki la kad ïa la ki jaiñ da ka jingsngewsih,

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

JINGKHEIÑ 18:5

Tang ma me bad ki khun shynrang jong me ki dei ban pyndep ïa ki jingkitkhlieh na ka bynta ka Jaka Kyntang bad ka duwan, khnang ba ngan ym khie bitar shuh ïa ki paid Israel.

JINGKHEIÑ 20:25

Ïalam ïa u Aaron bad u Eleasar u khun jong u sha kliar u Lum Hor,

JINGKHEIÑ 5:18

Nangta un pynpra ïa u shñiuh jong kata ka kynthei bad un buh ha ki kti jong ka ha kata ka jingainguh kaba da u 'purew. U lyngdoh pat un bat ha la ki kti ïa kata ka pliang ha kaba don kata ka um kthang kaba wallam ïa ka jingtim.

DEUTERONOMI 33:9

Ki kham shaniah ïa me Ban ïa la ki kmie ki kpa, ki hynmen ki para, ne ki khun ki kti. Ki kohnguh ïa ki hukum jong me Bad ki ïaineh ha ka jutang jong me.

JOSHUA 22:18

Hato phin kyntait ban bud ïa u mynta? Lada phi ïaleh pyrshah ïa U Trai mynta, un bitar ïa uwei pa uwei ha Israel lashai ka sngi.

JOSHUA 22:20

Kynmaw kumno u Akhan u khun jong u Serah u la kyntait ban kohnguh ïa ka hukum shaphang kiei kiei kiba la pynrem sha ka jingpynjot; ka kynhun Israel baroh kawei ka la shah pynshitom namar kata. U Akhan um shym long tang ma u uba la ïap namar ka pop jong u.”

JOSHUA 7:1

Ïa ka jinghukum U Trai ïa ki Israel ban ym shim na Jerikho ïa kaei kaei kaba dei ban pynjot thiaw, ym shym la kohnguh. U briew uba kyrteng u Akhan um shym la kohnguh ïa kata ka hukum, bad kumta U Trai u la bitar lep ïa ki Israel. (U Akhan u dei u khun jong u Karmi bad u ksiew jong u Sabdi, bad uba na ka kur Serah, kaba long shi bynta na ka jait Judah.)

JOSHUA 7:11

Ki Israel ki la leh pop! Ki la pynkheiñ ïa ka jingkular bad nga kaba nga la hukum ïa ki ban bat. Ki la shim katto katne kiei kiei kiba dei ban pynjot. Ki la tuh ïa ki, ki la len shaphang kata, bad buh lang ïa ki bad la ki jong ki tiar ki tar.