LEBITIKOS 10:1 - Khasi CL Bible (BSI)

¹ U Nadab bad u Abihu, ki khun shynrang jong u Aaron, ki shim ïa la ki khiew thang jingiwbih, ki buh rnga ding ha ki, ki thang ïa ka jingiwbih hangta, bad ki kñia ainguh ïa ka ha U Trai. Hynrei kane ka ding ka long ka bymkhuid, namar U Trai um shym la hukum ïa ki ban leh kumta.

KA BAIBL

¹ Ynda kumta, u Nadab bad u Abihu, ki khun u Aaron, ki la ïashim ïa la ki khiew thang jingiwbih, bad ki la buh ding ha ki, bad ki la buh halor kata ïa ka jingiwbih thang, bad ki la ïakñia ainguh ha khmat U Trai da ka ding khyllah, ïa kaba um shym la hukum ïa ki.

LEBITIKOS 10:1 Mawu Ofanana

1 SYIEM 18:38

U Trai u phah ïa ka ding najrong, bad ka thang duh ïa ka jingkñia, ïa ki diengthang bad ïa ki maw; ka pyningkhong ïa ka khyndew bad pynrngad lut ïa ka um ha ka kharai.

SALM 141:2

To pdiang ïa ka jingduwai jong nga kum ka jingiwbih, ki kti ba la rah jong nga kum ka jingkñia janmiet.

EKSODOS 24:1

U Trai u ong ha u Moses, “Wan kiew sha nga shalor lum, ma me, u Aaron, u Nadab, u Abihu, lem bad hynñiewphew ngut ki nongïalam jong ki Israel; bad katba phi dang ïadon kham ha pajih, dem bad mane ïa nga.

EKSODOS 24:9

U Moses, u Aaron, u Nadab, u Abihu, bad hynñiewphew ngut ki nongïalam jong ki Israel, ki ïaleit kiew ïa uta u lum,

EKSODOS 27:3

Thaw ïa ki khiew ban pdiang ïa u dpei khleiñ jong ka; nangta shna ruh ïa ki siang, ki dabor, ki proh, bad ki pliang ding. Ïa kine ki tiar baroh dei ban thaw da ka rnong.

EKSODOS 28:1

“Khot ïa u Aaron u hynmen jong me bad ïa ki khun shynrang jong u, u Nadab, u Abihu, u Eleasar, bad u Ithamar. Pynkyrpang ïa ki na ki Israel khnang ba kin shakri ïa nga kum ki lyngdoh.

EKSODOS 31:11

ïa ka umphniang pynsleh, bad ïa ka jingiwbih basma sngewtynnat na ka bynta Ka Jaka Kyntang. Ha kaba shna ïa kine baroh, ki dei ban leh thik kat kumba nga la hukum ïa me.”

EKSODOS 37:29

U shna ruh ïa ka umphniang pynsleh kaba kyntang bad ïa ka jingiwbih suhsieng, ïa kaba la khleh lang kumba khleh jingiwbih.

EKSODOS 38:3

U thaw ruh ïa ki tiar ki tar na ka bynta kata ka duwan: ki khiew, ki byrsha, ki dabor, ki proh, bad ki khiew ding. Baroh kine ki tiar ki tar la shna da ka rnong.

EKSODOS 40:27

bad u thang ïa ka jingiwbih suhsieng halor jong ka, kumba U Trai u la hukum ïa u.

EKSODOS 6:23

U Aaron u shongkurim ïa ka Elisheba, ka khun jong u Amminadab bad ka para jong u Nahshon. Ka la kha ïa u Nadab, u Abihu, u Eleasar, bad u Ithamar.

EKSODOS 8:27

Ngi dei ban leit lai sngi lynti sha ka ri shyiap ban kñia ainguh ha U Trai U Blei jong ngi, kumba u la hukum ïa ngi.”

JEREMAÏAH 19:5

bad ki la tei ki duwan ïa u Baal khnang ban thang ïa ki khun jong ki ha ka ding kum ki jingkñia. Ngam ju hukum ïa ki ban leh ïa kane; kam shym rung hi ruh ha ka jingpyrkhat jong nga.

JEREMAÏAH 32:35

Ki la tei ki duwan ïa u Baal ha ka Them Hinnom, ban kñia ïa ki khun shynrang bad ki khun kynthei jong ki ha u blei Molekh. Ngam shym la hukum ïa ki ban leh ïa kane, bad kam ju rung wat ha ka jingmut jong nga ba kin leh kum ïa kata kaei kaei bad pynlong ïa ki paid Judah ban leh pop.”

JEREMAÏAH 44:15

Nangta ki rangbah baroh kiba tip ba ki tnga jong ki, ki ai jingkñia ha kiwei pat ki blei, bad ki kynthei baroh kiba ïeng hangta, kaba kynthup ïa ki Israel kiba shong ha ki bynta bashathie ka Ijipt — u paidbah babun baroh — ki ong ha nga,

JEREMAÏAH 44:8

Balei ba phi pynbitar ïa nga da kaba mane ïa ki bleithaw bad da kaba kñia ha kiwei ki blei hangne ha Ijipt, ha kaba phi la wan ban shong ban sah? Hato phi leh ïa kane ban pynjot ïa lade, khnang ba ki jaitbynriew baroh ha ka pyrthei kin ñiewbeiñ ïa phi bad pyndonkam ïa ka kyrteng jong phi kum ka jingtim?

JEREMAÏAH 7:31

Ha ka Them Hinnom ki la tei ka duwan ba la khot ka Topheth, khnang ba ki lah ban kñia ïa ki khun shynrang bad ki khun kynthei jong ki hapoh ka ding. Ngam shym la hukum ïa ki ban leh ïa kane — kam shym la rung wat ha ka jingpyrkhat jong nga.

LEBITIKOS 16:1

U Trai u kren ha u Moses hadien ka jingïap jong ki ar ngut ki khun shynrang jong u Aaron kiba la shah pynïap mynba ki kñia ainguh ha U Trai da ka ding bymkhuid.

LEBITIKOS 16:12

un shim ïa u khiew thang jingiwbih ba la pyndap da u rnga ding barhem na ka duwan bad ar kham ka jingiwbih, bad un wanrah ïa ki sha ka Jaka Kaba Khuid Tam.

LEBITIKOS 22:9

“Ki lyngdoh baroh, namar kata, ki dei ban sumar ïa ki jingbuhbeit ryntih kiba nga la ai. Lym kumta kin kit hi ïa la ka pop bad kin ïap, namar ba ki la pynkheiñ ïa ki jingbuhbeit ryntih kiba kyntang. Nga long U Trai uba pynkyntang ïa ki.

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

JINGKHEIÑ 16:46

bad u Moses u ong ha u Aaron, “Shim ïa u khiew buh ding jong phi, buh hangta ïa u rnga uba rhem na ka duwan, bad buh khyndiat ka jingiwbih halor ki rnga. Nangta leit rah kloi kloi ïa ka sha u paidbah bad pyndep ïa ka jinglehniam ka jingpynkhuid na ka bynta jong ki. Pynkloi! Ka jingbitar U Trai ka la mih, bad ka khlam ruh ka la sdang.”

JINGKHEIÑ 26:61

U Nadab, bad u Abihu ki la ïap mynba ki ainguh ïa ka ding bymkhuid ha U Trai.

JINGKHEIÑ 4:18

“Wat ai ba kita kiba na ka kur u Kohath

DEUTERONOMI 12:32

“Leh ïa kata baroh kaba nga la hukum ïa phi; wat pyntam ha ka ne pynduna ei ei na ka.

DEUTERONOMI 17:3

da kaba mane bad shakri ïa kiwei pat ki blei, lane ïa ka sngi, lane ïa u bnai, lane ïa ki khlur, kaba long pyrshah ïa ka hukum U Trai,

DEUTERONOMI 4:2

Wat pyntam ei ei nalor kaba nga hukum ïa phi, lane pynduna ei ei na ka. Kohnguh ïa ki hukum U Trai U Blei jong phi ïa kiba nga la ai ha phi.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.