LEBITIKOS 1:13 - Khasi CL Bible (BSI)

¹³ Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

KA BAIBL

¹³ hynrei, un sait ïa ki snier bad ïa ki kjat ha ka um: bad u lyngdoh un ainguh ïa ki baroh, bad un thang ïa ki halor kata ka duwan: kane keiñ ka long ka jingkñia ainguh thang, ka jingkñia da ka ding, jong ka jingiw baiwbih ha U Trai.

LEBITIKOS 1:13 Mawu Ofanana

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

2 KHRONIKL 4:6

Ki thaw ruh shiphew tylli ki dabor, san tylli ki ban buh ha ka bynta bashaphang shathie jong ka Templ bad san tylli ha ka bynta bashaphang shatei. Yn pyndonkam ïa ki ban sait ïa ki bynta jong ki mrad kiba dei ban thang kum ki jingkñia. Ka um ha ka pipa kaba heh ka dei na ka bynta ki lyngdoh ban pyndonkam ban sait jingsait.

ESEKIEL 40:38

Ha ka phyllaw kaba shabar ka la don kawei ka kamra rit ba pynïasoh bad ka khyrdop bashapoh kaba shaphang shatei. Kane ka lam sha ka kamra rung kaba pyrshah ïa ka phyllaw bad hangta ki sait ïa ki metïap jong ki mrad ba la thang tylli kum ki jingkñia.

LEBITIKOS 1:9

Uta u briew un sait ïa ki snier bad ki kjat-dien, bad u lyngdoh uba ïarap un thang ïa ka jingkñia baroh halor ka duwan. Ka jingiw jong ka jingainguh bam ka long kaba pynsngewbha ïa U Trai.

LEBITIKOS 2:11

Ym dei ban khleh thiat ha ki jingainguh bam baroh kiba phi ai sha U Trai. Lano lano phim dei ban pyndonkam ïa u thiat ne ïa ka ngap ha ka jingbam kaba phi ainguh sha U Trai.

LEBITIKOS 2:2

U lyngdoh uba ïarap un shim shi kham uta u 'purew bani ryngkat bad ka umphniang bad ka jingiwbih baroh bad un thang ïa ka halor ka duwan kum ka dak ba la ainguh ïa ka sha U Trai. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 3:5

Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 6:14

Kine ki long ki jingbuhbeit ryntih kiba ïadei bad ki jingainguh bam. U lyngdoh na ki khun shynrang u Aaron un wallam ïa ka jingainguh bam sha U Trai ha khmat ka duwan.

JINGKHEIÑ 15:3

Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

JINGKHEIÑ 15:4

Uno uno uba wanrah ïa ka langbrot ne ka blang kum ka jingainguh thang ha U Trai u dei ban wallam lem bad kata ka jingri shi kilo u 'purew ba la khleh bad shi litar ka umphniang Olib kum ka jingainguh bam, lem bad shi litar ka waiñ.

JINGKHEIÑ 28:11

Man ba sdang u bnai, wanrah ka jingainguh thang sha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 28:8

Ynda janmiet pat, ainguh ïa u langbrot uba ar ha kajuh ka rukom kumba la leh ïa ka jingainguh kaba mynstep, ryngkat bad ka jingainguh da ka waiñ. Kane ruh ka dei ka jingainguh bam, ka jingiw kaba pynsngewbha ïa U Trai.

DEUTERONOMI 12:27

Kñia ïa ki jingainguh thang hangta ha ka duwan U Trai. Kñia ruh ïa kita ki jingainguh na kiba phi bam ïa ka doh jong ki, bad theh ïa ka snam jong ki ha ka duwan.