JOSHUA 9:8 - Khasi CL Bible (BSI)

⁸ Ki ong ha u Joshua, “Ngi kloi ban shakri ïa phi.” U Joshua u kylli ïa ki, “Phi dei mano? Nangno phi ïawan?”

KA BAIBL

⁸ Te ki la ong ha u Joshua, “Ngi long ki shakri jong me.” Te u Joshua u la ong ha ki, “Phi long kiei? Bad na-ei phi wan?”

JOSHUA 9:8 Mawu Ofanana

2 SYIEM 10:5

Kumta u rangbah uba peit ïa ka ïingsyiem bad u rangbah synshar uba dei peit ïa ka nongbah, ryngkat bad ki riewpawkhmat bad ki nongsumar, ki la phah ïa kane ka khubor sha u Jehu: “Ngi long ki shakri jong phi bad ngi long kiba la kloi ban leh kat ïa kaba phi ong; hynrei ngin ym thung syiem ïano ïano; leh katba phi pyrkhat kaba bha tam.”

DEUTERONOMI 20:11

Lada ki plie ïa ki khyrdop shnong bad ki kloi ban ïasuk, baroh ki dei ban long ki mraw jong phi bad kin trei ruh kum ki mraw.

JOSHUA 10:6

Ki rangbah ka Gibeon ki la phah ktien sha u Joshua ha ka jaka sher dara ha Gilgal, ki da ong, “Kynrad, wat iehnoh ïa ngi! Wan mar mar ban ïarap ïa ngi! Pyllait im ïa ngi! Baroh ki syiem Amor ha ri lum ki la ïasoh lang kawei bad ki la wan tur ïaleh ïa ngi.”

JOSHUA 9:11

Ki nongïalam jong ngi bad ki briew baroh kiba shong ha ka ri jong ngi ki ong ïa ngi ban khreh katto katne ka jingbam na ka bynta ka jingleit bad ban leit ïakynduh ïa phi. La ong ba ngi dei ban buh ïa lade ban shakri ïa phi bad ban kyrpad ïa phi ban ïateh lok bad ngi.

JOSHUA 9:23

Namar ba phi leh kumne, U Blei u la pynrem ïa phi. Ki briew jong phi kin ïailong ki mraw, kiba thoh dieng bad kiba kit um ïa ka jaka kyntang U Blei jong nga.”

JOSHUA 9:25

Mynta ngi don hapoh ka bor jong phi, leh ha ngi ïa kaei kaba phi pyrkhat ba ka long kaba dei.”

JOSHUA 9:27

Hynrei ha kajuh ka por u la pynlong mraw ïa ki ban thoh dieng bad kit um ïa ki paid Israel bad ïa ka duwan U Trai. Haduh kane ka sngi ki la ïai bteng ïa kane ka kam ha ka jaka kaba u Trai u la jied ban mane ïa u.