JOSHUA 9:17 - Khasi CL Bible (BSI)

¹⁷ Kumta ki paid Israel ki la mihnoh, bad hadien lai sngi ki la poi ha ki nongbah ha kaba kine ki briew ki shong: Ka Gibeon, ka Shephirah, ka Beeroth bad ka Kiriath Jearim.

KA BAIBL

¹⁷ Bad ki khun Israel ki la ïaleit, bad ki la poi ha ki shnong jong ki ha ka sngi balai. Te ki shnong jong ki, ki la long ka Gibeon, bad Khephirah, bad ka Beeroth, bad ka Kiriath-jearim.

JOSHUA 9:17 Mawu Ofanana

2 SAMUEL 4:2

U Ishbosheth u don ar ngut ki rangbah synshar kiba long ki nongïalam ïa ki kynhun lute, u Baanah bad u Rekhab, ki khun shynrang jong u Rimmon, uba na Beeroth, hapoh ka jait Benjamin. (Ïa ka Beeroth la ñiew kum ka bynta jong ki Benjamin.

1 KHRONIKL 2:50

Kine harum ruh ki long ki khun ki ksiew jong u Kaleb. U Hur u dei u khun nyngkong jong u Kaleb bad ka Ephrath ka tnga jong u. U Shobal u khun jong u Hur u la seng ïa ka Kiriath Jearim,

1 KHRONIKL 2:52

U Shobal, u nongseng ïa ka Kiriath Jearim, u dei u kpa tymmen jong ki jaitbynriew ka Haroeh, jong ki shiteng na ki nongshong shnong ka Menuhoth,

1 KHRONIKL 2:53

bad jong kine harum ki kur kiba la shong la sah ha Kiriath Jearim: ki Ithri, ki Puth, ki Shumath, bad ki Mishra. (Ki briew jong ki nongbah Sorah bad Eshtaol ki dei ki dkhot jong kine ki kur.)

1 KHRONIKL 21:29

Ka Ïingjaiñ Ka Jingdon Ryngkat jong U Trai kaba u Moses u la thaw ha ka ri khlaw, bad ka duwan ha kaba la thang ïa ki jingkñia ka dang don ha ka jaka mane ha Gibeon ha kane ka por;

JEREMAÏAH 26:20

(La don uwei pat u briew, u Uriah u khun jong u Shemaïah na Kiriath Jearim, uba la kren ha ka kyrteng jong U Trai pyrshah ïa kane ka nongbah bad ka jaitbynriew kumba u Jeremaïah u la leh.

JOSHUA 10:2

Ki briew ka Jerusalem ki sngewkyndit shikatdei eh da ka jingsheptieng ha kane, namar ka Gibeon ka long ka nongbah kaba heh kum kano kano ka nongbah kaba don la u syiem; ka kham heh ban ïa ka Ai, bad ki rangbah jong ka ki long ki riewïaleh kiba tbit.

JOSHUA 15:60

Don ka Kiriath Baal (lane ka Kiriath Jearim) bad ka Rabbah: ar tylli ki nongbah lem bad ki nongrit sawdong jong ki.

JOSHUA 15:9

Na kata u suh sha ki umpohliew ka Nephtoah bad mih sha ki nongbah hajan u Lum Ephron. Hangta u phai sha Baalah (lane Kiriath Jearim)

JOSHUA 18:14

Nangta u khun sha kawei pat ka liang, da kaba phai shathie na ka liang sepngi jong uta u lum bad u suh shaduh ka Kiriath Baal (lane ka Kiriath Jearim), kaba dei jong ka jait Judah. Une u dei u pud uba shaphang sepngi.

JOSHUA 18:15

U pud uba shaphang shathie u sdang na tduh jong ka Kiriath Jearim bad u suh shaduh ki Umpohliew jong ka Nephtoah.

JOSHUA 9:16

Lai sngi hadien kata ka jingïateh lok, ki Israel ki sa tip ba kine ki briew ki dei shisha kiba shong basah hajan.

JOSHUA 9:18

Hynrei ki Israel kim lah ban pynïap ïa ki, namar ba ki nongïalam jong ki, ki la pynlong ka jingkular bakyntang ha ka kyrteng U Trai, U Blei ki Israel. U paidbah baroh u la ujor ha ki nongïalam shaphang kane,

JOSHUA 9:3

Hynrei ki paidbah jong ka Gibeon, kiba dei ki Hib, ki la ïohsngew ïa kaei kaba u Joshua u la leh ïa ka Jerikho bad ïa ka Ai,

JOSHUA 9:9

Nangta ki ïathuh ha u ïa kane ka khana: “Bah, ngi la wan na ka ri kaba jngai, namar ngi la ïohsngew shaphang U Trai U Blei jong phi. Ngi la ïohsngew ïa kaei kaei baroh kaba u la leh ha Ijipt

NONGBISHAR 18:12

Ki leit kiew bad sher dara ha ka phang sepngi jong ka Kiriath Jearim kaba ha Judah. Dei namar kata balei ba ïa ka jaka la khot ka Jaka Sher Dara ki Dan.

1 SAMUEL 6:21

ki phah ïa ki nonglamktien sha ki nong Kiriath Jearim ban ong, “Ki Philistia ki la pynphai ïa ka Synduk Ka Jutang U Trai. Ale wan shim noh ïa ka.”

1 SAMUEL 7:1

Kumta ki nong Kiriath Jearim ki wan shim ïa ka Synduk ka Jutang U Trai bad ki leit rah ïa ka sha ïing jong u briew uba kyrteng u Abinadab, uba shong ha uwei u lum. Ki la pynkyntang ïa u Eleasar u khun jong u ban sumar ïa ka.