JOSHUA 8:35 - Khasi CL Bible (BSI)

³⁵ U Joshua u pule ïa kawei pa kawei na ki hukum u Moses ha kata ka jingïalang, ha kaba la kynthup ïa ki kynthei bad ki khynnah, lem bad ki nongwei kiba shong basah hapdeng jong ki.

KA BAIBL

³⁵ Ym shym don kawei ka ktien na kaba u Moses u la hukum baroh, ïa kaba u Joshua um shym la pule ha u paidbah ki Israel, lem bad ki kynthei, bad ki khynnah, bad u nongwei uba ïaid hapdeng jong ki.

JOSHUA 8:35 Mawu Ofanana

ESRA 10:1

Katba u Esra u dang dem ha ka jingduwai ha khmat ka Templ, da kaba ïam bad phla ïa kine ki pop, shi kynhun bah ki Israel — ki rangbah, ki kynthei bad ki khynnah — ki ïalum sawdong ïa u, ki da ïam pait dohnud.

NEHEMAÏAH 8:2

Kumta u Esra u wanrah ïa ka sha ka jaka kaba u paidbah u la ïalumlang — ki rangbah, ki kynthei bad ki khynnah kiba la san kiba la lah ban sngewthuh.

NEHEMAÏAH 8:3

Hangta ha ka jaka basawdong hajan ka khyrdop u pule ïa ka Hukum ha ki naduh dang step phyrngab haduh shiteng sngi, bad baroh ki ïasngap bha.

EKSODOS 12:38

Kiwei ki briew ruh kiba bun lem bad ki langbrot, ki blang, bad ki masi, ki leit ryngkat bad ki.

JEREMAÏAH 26:2

U Trai u la ong ha nga, “To ïeng ha ka ïingbishar jong ka Templ bad to pynbna ïa baroh kaba nga la hukum ïa me ban ong ha ki briew kiba wan na ki shnong jong ka Judah ban mane hangta. Wat ym iehnoh ei ei ruh em.

JOEL 2:16

To ïalumlang ïa ki paidbah; to pynkhreh ïa ki na ka bynta ka jingïalang bakyntang; to wallam ki briew ba la tymmen; to ïalumlang ïa ki khynnah bad ki khunlung ruh. Wat kito kiba dang shu dep shongkurim ki dei ban mihnoh na la ka kamra bad ban wan.

SEKHARAÏAH 8:23

Ha kito ki sngi shiphew ngut ki nongwei kin wan sha uwei u Jiw bad ong, ‘Ngi kwah ban ïoh bynta ha ka lawei jong phi, namar ngi la lah ïohsngew ba U Blei u don bad phi.’ ”

MARKOS 10:14

Haba U Jisu u la ïohi ïa kane, u la sngewbitar bad u la ong ïa ki synran jong u, “Shah ïa ki khynnah ban wan ha nga, bad wat khang ïa ki, namar ka Hima U Blei ka long na ka bynta kum kine.

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

KI KAM 21:5

Hynrei haba ka por jong ngi bad ki ka la kut, ngi la mihnoh bad ngi la nang leit ha ka jingleit jong ngi. Ma ki baroh, lem bad ki tnga bad ki khun jong ki, ki la ïaleit lem bad ngi na ka nongbah sha ka rud duriaw, ha kaba ngi la ïadem khohsiew bad duwai.

DEUTERONOMI 29:10

“Mynta ka sngi phi ïa-ïeng lang baroh ha khmat U Trai U Blei jong phi — ki nongïalam, ki rangbah synshar jong phi, ki shynrang,

DEUTERONOMI 29:11

ki kynthei bad ki khynnah jong phi, ki nongwei kiba shong bad phi, bad kito kiba long ki nongthoh dieng bad ki nongtong um ïa phi,

DEUTERONOMI 29:9

Namar kata, kohnguh hok ïa ki ktien baroh ba la thoh ha kane ka jutang khnang ba phin manbha ha ki jingtrei jingktah jong phi baroh.

DEUTERONOMI 31:12

Khot lang ïa ki shynrang, ïa ki kynthei, bad ïa ki khynnah baroh, bad ïa ki nongwei ruh kiba shong ha ki shnong jong phi, khnang ba uwei pa uwei un ïohsngew ïa ka bad un nang ban burom ïa U Trai U Blei jong phi bad kohnguh ïa ki jinghikai jong U.

DEUTERONOMI 4:2

Wat pyntam ei ei nalor kaba nga hukum ïa phi, lane pynduna ei ei na ka. Kohnguh ïa ki hukum U Trai U Blei jong phi ïa kiba nga la ai ha phi.