JOSHUA 8:31 - Khasi CL Bible (BSI)

³¹ U la tei ïa ka kat kum ki jingbthah ba u Moses, u shakri jong U Trai u la ai ha ki Israel, kumba la thoh ha ka Hukum u Moses: “Ka duwan ba la tei da ki maw ki bym shym la shtah da ki tiar nar.” Halor jong ka ki la thang ïa ki jingkñia ha U Trai, bad ki la ainguh ruh ïa ki jingainguh ïasyllok.

KA BAIBL

³¹ kumba u Moses u shakri U Trai u la hukum ïa ki khun Israel, kumba la thoh ha Ka Kitab Ka Hukum u Moses, “ka duwan maw tylli, halor jong ki ym shym pyndei nar mano mano ruh:” bad ki la ainguh halor jong ka da ki jingainguh thang ha U Trai, ki la kñia ruh ki jingainguh pynïasuk.

JOSHUA 8:31 Mawu Ofanana

2 SYIEM 14:6

Pynban, um shym pynïap ïa ki khun jong ki hynrei u kohnguh ïa kaei kaba U Trai u la hukum ha ka Aiñ u Moses: “Ki kmie ki kpa kim dei ban shah pynïap na ka bynta ki kam sniew ba la leh da ki khun jong ki, bad ki khun kim dei ban shah pynïap na ka bynta ki kam sniew ba la leh da ki kmie ki kpa jong ki; ïa u briew dei ban pynïap tang namar ka kam sniew kaba u hi u la leh.”

2 SYIEM 22:8

U Shaphan u ai ïa ka hukum syiem ha u Hilkaïah bad u Hilkaïah u ïathuh ïa u ba u la shem ïa ka Kitab ka hukum ha ka Templ. U Hilkaïah u la ai ha u ïa ka Kitab, bad u Shaphan u pule ïa ka.

2 KHRONIKL 25:4

Pynban um shym la pynïap ïa ki khun ki kti jong ki, hynrei u la bud ïa kaei kaba U Trai u la hukum ha Ka Hukum u Moses: “Ïa ki kmie ki kpa ym dei ban pynïap namar ki kam sniew ba la leh da ki khun jong ki, bad ïa ki khun ym dei ban pynïap namar ki kam sniew ba la leh da ki kmie ki kpa jong ki; ïa u briew dei ban pynïap tang namar ka kam sniew kaba ma u hi u la leh.”

2 KHRONIKL 35:12

Nangta ki pynïabynta hapdeng ki briew, kat kum ki kynhun longïing, ïa ki jingri na ka bynta ki jingainguh thang, khnang ba kin lah ban ai ïa ki kat kum ki jingbthah ha ka Hukum u Moses.

ESRA 6:18

Ki la buh ryntih ruh ïa ki lyngdoh bad ki Lebi na ka bynta ka jingshakri ha ka Templ ha Jerusalem, kat kum ki jingbthah bad don ha ka kitab u Moses.

NEHEMAÏAH 13:1

Katba dang pule jam ïa ka Hukum u Moses ha u paidbah, ki poi ha ka bynta kaba ong ba ym dei ban shah ïa u nong Amon ne u nong Moab ban ïasnohlang bad ki briew jong U Blei.

EKSODOS 18:12

Nangta u Jethro u la wanrah ïa ka jingainguh ban thang tylli bad ïa kiwei kiwei de ki jingainguh ban ai jingkñia sha U Blei; bad u Aaron lem bad nongïalam jong ki Israel baroh ki la ïaleit bad u ban bam ïa ka jingbam kaba kyntang kum ka dak ka jingmane ïa U Blei.

EKSODOS 24:5

Nangta u la phah ïa ki samla shynrang bad ki la thang ïa ki jingkñia sha U Trai bad ki la kñia katto katne tylli ki jingri kum ki jingainguh jingïasyllok.

MATHAÏOS 12:26

Kumta lada kawei ka kynhun ka ïaleh ïa kawei pat ka kynhun hapoh ka hima jong u Soitan, kane ka mut ba ka la da ïaphiah ha ki kynhun bad shen kan sa khyllem ha ka jingpra!

DEUTERONOMI 27:2

Ha kata ka sngi ba phi jam ïa ka wah Jordan bad rung sha kata ka ri ba U Trai U Blei jong phi u ai ha phi, pynïeng katto katne tylli ki maw kiba heh, ñiad astor ïa ki,

DEUTERONOMI 27:8

Ha kita ki maw ba phi la ñiad astor, thoh shai ïa ki ktien baroh jong ki hukum U Blei.”

JOSHUA 1:8

Pynthikna ba ïa kane ka kitab ka Hukum dei ban pule borabor ha ka jingmane jong me. Puson ïa ka mynsngi bad mynmiet, bad pynthikna ba men kohnguh ïa kaei kaei baroh ba la thoh ha ka. Te men sa manbha bad long uba jop.