JOSHUA 8:10 - Khasi CL Bible (BSI)

¹⁰ Dang step phyrngab u Joshua u la khie bad lumlang ïa ki shipai. Nangta ma u bad ki nongïalam jong ki Israel ki la ïalam ïa ki sha Ai.

KA BAIBL

¹⁰ Te u Joshua u la khie dang step, bad u la ñiew ïa ki briew, bad u la leit kiew ruh, ma u, bad ki tymmen basan ki Israel, ha shuwa u paidbah sha Ai.

JOSHUA 8:10 Mawu Ofanana

JENESIS 22:3

Dang step phyrngab ha ka sngi kaba bud u Abraham u thlieh ki dieng na ka bynta ka jingkñia, u la pynkit halor ka kada, bad u la ïalam ïa u Isaak lem bad ar ngut ki shakri. Ki la ïamihnoh ban leit sha ka jaka ba U Blei u la ïathuh ha u.

SALM 119:60

Khlem pynslem nga la pynstet ban kohnguh ïa ki hukum jong me.

JOSHUA 3:1

Ha ka step kaba bud, u Joshua bad ki paid Israel baroh ki khie dang step phyrngab, bad ki mihnoh na ka jaka shong dara ha Akasia, bad ki la leit sha Jordan, ha kaba ki la sher dara katba ki dang ap ban jam ïa ka.

JOSHUA 6:12

U Joshua u la khie dang step phyrngab ha ka sngi kaba bud, bad ha ka sien kaba ar ki lyngdoh bad ki shipai ki la ïaid tawiar ïa ka nongbah ha kajuh ka rukom kumba ki la leh ha ka sngi kaba la dep: nyngkong, ka kynhun shipai na sha khmat; hadien kata, ki hynñiew ngut ki lyngdoh kiba put ïa ki hynñiew tylli ki turoi; nangta, ki lyngdoh kiba bah ïa ka Synduk ka Jutang U Trai; bad khatduh, ka kynhun shipai na shadien. Ha ki por baroh la put ïa ki turoi.

JOSHUA 7:16

Dang step phyrngab ha ka sngi kaba bud u Joshua u wan ïalam ïa ki Israel sha khmat, shi jait shi jait, bad la kdew ïa ka jait Judah.

JOSHUA 8:11

Ma u bad ki shipai ki ïaleit sha ka khyrdop bah jong ka nongbah bad ki sher dara ha ka phang bashatei, ha kaba don ka them hapdeng jong ki bad ka Ai.

JOSHUA 8:9

Kumta u Joshua u phah noh ïa ki, bad ki la leit sha la ka jakarieh bad ap hangta, ha ka phang sepngi jong ka Ai, hapdeng ka Ai bad ka Bethel. U Joshua pat u sahmiet ha ka jaka sher dara.