JOSHUA 5:1 - Khasi CL Bible (BSI)

¹ Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.

KA BAIBL

¹ Te haba baroh ki syiem ki Amor, kiba sha shiliang ka Jordan shaphang sepngi, bad baroh ki syiem ki Kanaan, kiba hajan ka duriaw, ki la ïohsngew ba U Trai u la pynrngad ïa ki um ka Jordan ha shuwa ki khun Israel, ha ban da ki la ïaleit sha shiliang, kumta ki dohnud jong ki, ki la um noh, ba ym don mynsiem shuh ha ki, namar ki khun Israel.

JOSHUA 5:1 Mawu Ofanana

JENESIS 12:6

Haba ki la poi ha ka ri Kanaan, u Abram u ïaid lyngba ïa ka ri haduh ba un da poi ha u dieng kyntang jong u Moreh, ka jaka bakhuid ha Shekhem. (Ha kata ka por, ki Kanaan ki dang don ha ka ri.)

JENESIS 48:22

Dei ha me, ym ha ki hynmen jong me, ba nga ai ïa ka Shekhem, kata ka jaka kaba seisoh ba nga la ïohknieh na ki Amor da ka waitlam bad ka ryntieh jong nga.”

2 SAMUEL 21:2

(Ki paid Gibeon kim dei ki Israel; ki dei ka kynhun barit ki Amor ïa kaba ki Israel ki la kular ban ïada, hynrei u Saul u la pyrshang ban pynjot ïa ki namar ka jingshitrhem na ka bynta ki paid Israel bad Judah.)

1 SYIEM 10:5

Ka la ïohi ïa ka jingbam ba la buh ha ka miej jong u, ïa ki ïing sah jong ki rangbah synshar jong u, ïa ki shakri kiba shakri ïa u ha ki jingkhawai, bad ïa ki jingkñia kiba u la ai ha ka Templ. Ki la pynlyngngoh ïa ka.

ESRA 9:1

Hadien ba la pyndep ïa kane baroh, katto katne ngut na ki nongïalam jong ki Israel ki wan bad ïathuh ïa nga ba ki briew, ki lyngdoh bad ki Lebi kim shym la pynkyrpang ïa lade na ki briew jong ki ri ba-marjan jong ki Ammon, Moab, bad Ijipt lane na ki Kanaan, ki Hit, ki Peris, ki Jebus bad ki Amor. Baroh na ki, ki la leh ïa kijuh kiei kiei kiba ijli kiba kito ki briew ki la leh.

SALM 135:11

ïa u Sihon, u syiem ki Amor, ïa u Og, u syiem ka Bashan, bad ïa baroh ki syiem ha Kanaan.

EKSODOS 23:28

Ngan pyntieng kulmar ïa ki nongshun jong phi. Ngan beh noh ïa ki Hib, ki Kanaan, bad ki Hit katba phi nang tur sha khmat.

ISAÏAH 41:5

“Ki briew na ki ri bajngai ki la ïohi kaei ba nga la leh; ki da sheptieng bad khynñiuh da ka jingsheptieng. Kumta ki la ïalumlang baroh bad ki ïawan.

ESEKIEL 16:3

Ïathuh ïa ka Jerusalem ïa kaei kaba U Trai Nongsynshar u ong ha ka: “La kha ïa pha ha ka ri Kanaan. U kpa jong pha u dei u nong Amor bad ka kmie jong pha ka dei ka nong Hit.

ESEKIEL 21:7

Haba ki kylli ïa me balei ba me ud, ïathuh ïa ki ba ka long na ka daw ka khubor kaba la ïohpdiang. Haba ka wan, ki dohnud jong ki kin dap da ka jingsheptieng, ki kti jong kin noh kyrwep, ka jingshlur jong ki kan duh, bad ki khohsiew jong ki kin kyiuh. Ka por ka la poi; ka long hangne.” U Trai Nongsynshar u la kren.

DANIEL 5:6

U la kylla lieh blaid blaid bad u la sheptieng katta katta ba ki khohsiew jong u ki la sdang ban khynñiuh.

AMOS 2:9

“Bad pynban, ko ki briew jong nga, dei na ka bynta jong phi ba nga la pynjot khoit ïa ki Amor, ki rangbah kiba jrong kat ki dieng Kedar bad kiba eh kum ki dieng Sning.

JINGKHEIÑ 13:29

Ki Amalek ki shong shaphang shathie jong ka ri; ki Hit, ki Jebus, bad ki Amor ki shong ha ri lum; bad ki Kanaan ki shong ha ki rud ka duriaw Mediterranian bad ha ki rud ka wah Jordan.”

JOSHUA 17:12

Pynban ki paid Manasseh kim shym lah ban beh noh ïa ki briew kiba shong basah ha kito ki nongbah, kumta ki Kanaan ki dang ïaishong hangta.

JOSHUA 17:18

Ka ri lum kan long ka jong phi. Wat la ka dei ka khlaw, phin prat pynkhuid bad shim kynti ïa ka na kawei ka tduh sha kawei pat ka tduh. Shaphang ki Kanaan, phin beh noh ïa ki, wat la ki don ki kali ïapom da ka nar bad ba ki long ki briew kiba khlaiñ.”

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”

JOSHUA 3:16

ka um ka sangeh ban tuid bad ka lang shi jaka, kham jngai na kaba wan tuid ha Adam, ka nongbah hajan ka Sarethan. Ïa ka jingtuid jong ka arsut sha ka Duriaw Baïap la pyndkut, bad u paidbah u la lah ban jam sha shiliang hajan ka Jerikho.

JOSHUA 3:17

Katba u paidbah u dang ïaid sha shiliang ha ka khyndew kaba rkhiang, ki lyngdoh kiba bah ïa ka Synduk ka Jutang U Trai ki ïeng ha ka dewryngkhiang hapdeng jong ka Jordan tad haduh ba uta u paidbah un da jam sha shiliang.

JINGPYNPAW 18:10

Kin ïeng jngai bah na ka, namar ba ki sheptieng ban ïoh bynta ha ki jingshitom jong ka. Ki ong, “Katno kaba ishyrkhei! Katno kaba itriem! Kane ka nongbah Babilon kaba khraw bad kaba khlaiñbor! Tang hapoh shi kynta pha la shah pynshitom!”

NONGBISHAR 1:1

Hadien ka jingïap u Joshua, ki paid Israel ki kylli ïa U Trai, “Mano na ki jait jong ngi kaba dei ban leit nyngkong ban tur ïaleh ïa ki Kanaan?”

NONGBISHAR 11:23

Kumta dei U Trai, U Blei ki Israel, uba la beh noh ïa ki Amor na ka bynta ki briew jong U, ki Israel keiñ.

NONGBISHAR 3:3

Kito kiba dang sah ha kata ka ri ki long ki san ngut ki syiem Philistia, ki Kanaan baroh, ki Sidon, bad ki Hib kiba shong ha ki Lum Lebanon naduh u Lum Baal Hermon haduh ka Khim Hamath.

NONGBISHAR 4:2

Kumta U Trai u shah ba kin shahjop ha u Jabin, u syiem Kanaan uba la synshar ha ka nongbah Hasor. U rangbah ai hukum jong ka kynhun shipai jong u, u dei u Sisera, uba shong ha Harosheth-jong-ki-Jentil.

1 SAMUEL 25:37

Nangta, ynda u la pyngngad, ka la ïathuh ha u ïa kaei kaei baroh. U la ïohpang kyndit bad u la long kum uba ïap baroh shi rynïeng.