JOSHUA 3:17 - Khasi CL Bible (BSI)

¹⁷ Katba u paidbah u dang ïaid sha shiliang ha ka khyndew kaba rkhiang, ki lyngdoh kiba bah ïa ka Synduk ka Jutang U Trai ki ïeng ha ka dewryngkhiang hapdeng jong ka Jordan tad haduh ba uta u paidbah un da jam sha shiliang.

KA BAIBL

¹⁷ Bad ki lyngdoh kiba bah ïa ka synduk ka jutang U Trai ki la ïeng skhem ha ryngkew hapdeng ka Jordan, bad ki Israel baroh ki la leit sha shiliang na ryngkew, ha ban da u paidbah baroh u la leit phar sha shiliang ka Jordan.

JOSHUA 3:17 Mawu Ofanana

2 SYIEM 2:8

Nangta u Elijah u shim ïa ka jaiñkup jong u, u kli ïa ka, bad u tied ïa ka um da ka; ka um ka la kad arliang, bad ma u lem bad u Elisha ki la jam sha shiliang ha ka dewryngkhiang.

SALM 66:6

U pynkylla ïa ka duriaw sha ka dewryngkhiang; ki kpa tymmen jong ngi ki la jam lyngba ïa ka wah da ka kjat. Hangta ngi la ïashad kmen namar kaei kaba u la leh.

EKSODOS 14:21

U Moses u kner ïa la ka kti halor ka duriaw, bad U Trai u kyndat ïa kata ka duriaw da ka lyer mihngi kaba jur. Kata ka lyer ka beh jur baroh shi miet bad ka pynlong dewryngkhiang ïa ka duriaw.

EKSODOS 14:22

Ïa ki um la kad arliang, bad ki Israel ki ïaid lyngba ïa kata ka duriaw ha ka khyndew kaba rkhiang, katba kita ki um ki long kum ki kynroh ha baroh arliang.

EKSODOS 14:29

Hynrei ki Israel ki ïaid lyngba ïa ka duriaw ha ka khyndew kaba rkhiang, katba ki um ki ïeng kum ki kynroh na baroh arliang.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

JINGKHEIÑ 33:51

ïa kine ki jingbthah ïa ki Israel: “Ynda phi jam ïa ka Jordan sha ka ri Kanaan,

HEBRU 11:29

Dei ka jingngeit kaba la pynlong ïa ki khun Israel ba kin lah ban ïaid lyngba ïa ka Duriaw Basaw la kum ha ka dewryngkhiang; haba ki nong Ijipt ki la pyrshang ban leh kumta, ka um ka la tyllep noh ïa ki.

JOSHUA 4:1

Haba ka jaitbynriew baroh kawei ka la lah jam ïa ka Jordan, U Trai u ong ha u Joshua,

JOSHUA 4:10

Ki lyngdoh ki ïeng hapdeng jong ka Jordan haduh ban da pyndep lut ïa kaei kaei baroh ba U Trai u la hukum ïa u Joshua ban ong ïa u paidbah ban leh. Kane ka dei kata kaba u Moses u la hukum. U paidbah u la pynkloi sha shiliang ka wah.

JOSHUA 4:11

Haba baroh ki la ïadon sha kawei pat ka liang, kita ki lyngdoh bad ka Synduk ka Jutang U Trai ki jam ha shuwa uta u paidbah.

JOSHUA 4:22

phin ïathuh ha ki shaphang ka por mynba ki Israel ki la jam ïa ka Jordan halor ka dewryngkhiang.

JOSHUA 4:3

bad hukum ïa ki ban shim khat-ar tylli ki maw napdeng jong ka Jordan, na kata hi ka jaka ha kaba ki lyngdoh ki la ïeng. Ong ïa ki ban bah ïa kine ki maw bad buh ïa ki ha ka jaka kaba kin sah ha kata ka miet.”

JOSHUA 5:1

Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.