JOSHUA 3:14 - Khasi CL Bible (BSI)

^14-15 Ka dei ka aïom ot, bad ka wah ka don ha ka jingshlei um. Haba u paidbah u la mihnoh na ka jaka shong dara ban jam ïa ka Jordan, ki lyngdoh ki la leit ha shuwa jong ki, ki da bah ïa ka Synduk Ka Jutang. Hamar ba ki lyngdoh ki ïuh ha ka wah,

KA BAIBL

¹⁴ Te haba ki paidbah ki la ïamih na la ki ïingjaiñ, ban leit sha shiliang ka Jordan, bad ki lyngdoh kiba bah ïa ka synduk ka jutang ki ha shuwa u paidbah;

JOSHUA 3:14 Mawu Ofanana

SALM 132:8

To wan sha ka Templ, A Trai, lem bad ka Synduk ka Jutang, ka dak jong ka bor jong me, bad sah hangne junom.

JEREMAÏAH 3:16

Nangta haba phi la ïaroi bun ha kata ka ri, ki briew kin ym ïakren shuh shaphang ka Synduk ka Jutang jong nga. Kin ym pyrkhat shuh shaphang jong ka lane kynmaw ïa ka; kin ym donkam shuh ïa ka, lymne kin ym shna sa kawei pat.

DEUTERONOMI 31:26

“Shim ïa kane ka kitab ka Aiñ U Blei bad buh ïa ka ha syndah ka Synduk ka Jutang U Trai U Blei jong phi, ba kan don hangta kum ka sakhi pyrshah ïa ki briew jong u.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.

JOSHUA 24:11

Phi la jam ïa ka Jordan bad wan poi sha ka Jerikho. Ki rangbah ka Jerikho ki la ïaleh pyrshah ïa phi, kumba la leh ki Amor, ki Peris, ki Kanaan, ki Hit, ki Girgash, ki Hib bad ki Jebus. Hynrei nga la ai ha phi ka jingjop halor jong ki baroh.

JOSHUA 3:3

bad ong ha ki paidbah, “Haba phi ïohi ïa ki lyngdoh ba ki bah ïa ka Synduk ka Jutang jong U Trai U Blei jong phi, loit noh ïa ka jaka shong dara bad bud ïa ki.

JOSHUA 3:6

Nangta u ong ïa ki lyngdoh ban shim ïa ka Synduk ka Jutang bad leit bad ka ha shuwa ki paidbah. Ki la leh kumba u la ong.

JOSHUA 6:6

U Joshua u la khot ïa ki lyngdoh bad ong ha ki, “Shim ïa ka Synduk ka Jutang, bad hynñiew ngut na phi kin leit ha shuwa jong phi, da kaba kieng ïa ki turoi.”