JOSHUA 3:13 - Khasi CL Bible (BSI)

¹³ Haba ki lyngdoh kiba bah ïa ka Synduk ka Jutang U Trai jong ka pyrthei baroh kin ïuh ïa la ki kjat ha um, ka Jordan kan sangeh ban tuid, bad ka um kaba wan tuid na shaneng kan lang shi jaka.”

KA BAIBL

¹³ Kan jia ruh ba, katba ki poh'jat ki lyngdoh kiba bah ïa ka synduk U Trai, U Trai ka pyrthei baroh keiñ, kin ïeng ha ki um ka Jordan, ba ïa ki um ka Jordan yn pynkhlad noh, kata, ïa ki um kiba hiar na neng; bad kin ïeng kum ka kynton.”

JOSHUA 3:13 Mawu Ofanana

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

SALM 33:7

U lumlang ïa baroh ki duriaw-rit ha kawei ka jaka; u khang ïa ki jingjylliew ka duriaw-bah ha ki ïing jingkynshew.

SALM 74:15

Me la pynlong ïa ki wahduid bad ïa ki umpohliew ban tuid; me la pynrngad ïa ki wahbah.

SALM 78:13

U la kad arliang ïa ka duriaw bad u la ïalam ïa ki lyngba jong ka; u la pynlong ïa ki um ban ïeng kum ki kynroh.

EKSODOS 15:8

Me la pyrsad ïa ka duriaw bad ka um ka kynton shajrong eh; ka ïeng beit thik kum ka kynroh; ka bynta bajylliew tam jong ka duriaw ka kylla eh.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

HABAKKUK 3:15

Me ïuh halor ka duriaw da ki kulai jong me, bad ki umbah ki thnam shaid.

SEKHARAÏAH 4:14

Nangta u la ong, “Kine ki long ki ar ngut ki rangbah kiba U Blei u la jied bad pynsleh ba kin shakri ïa u, U Trai jong ka pyrthei baroh kawei.”

JOSHUA 3:11

Phin tip ba U Blei uba im u don hapdeng jong phi haba ka Synduk ka Jutang U Trai jong ka pyrthei baroh kan jam ïa ka Jordan ha shuwa jong phi.

JOSHUA 4:7

phin ïathuh ïa ki ba ka um jong ka Jordan ka la sangeh ban tuid haba ka Synduk ka Jutang U Trai ka jam ïa ka wah. Kine ki maw kin ïai pynkynmaw ïa ki paid Israel shaphang kaei kaba la jia hangne.”