JOSHUA 24:27 - Khasi CL Bible (BSI)

²⁷ U ong ha u paidbah baroh, “Une u maw un long u sakhi ïa ngi. U la ïohsngew ïa ki ktien baroh ba U Trai u la kren ha ngi. Kumta un long u sakhi pyrshah ïa phi, ban da ïa phi na kaba ïaleh pyrshah ïa U Blei jong phi.”

KA BAIBL

²⁷ Bad u Joshua u la ong ha uta u paidbah baroh, “Ha khmih, une u maw u long sakhi ïa ngi; namar u la ïohsngew ïa ki ktien U Trai baroh ïa kiba u la kren ha ngi: namar kata, un long u sakhi ïa phi, ïoh ba phin len ïa la U Blei.”

JOSHUA 24:27 Mawu Ofanana

Ka Kitab U Job 31:23

Namar ba nga sheptieng ïa ka jingpynshitom U Blei, ngam shym lah ban leh ïa kaba kum kata.

Ka Kitab U Job 31:28

Ïa kaba kum kata ka pop dei ban pynshitom da ka jingïap; ka len ïa U Blei Badonbor Baroh.

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

ISAÏAH 1:2

U Trai u ong, “Ko ka pyrthei bad ka sahit bneng, shahshkor ïa kaei kaba nga ong! Ki khun kiba nga la pynheh pynsan ki la ïeng ïaleh pyrshah.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

HABAKKUK 2:11

Wat ki maw ha ki kynroh ki kyang pyrshah ïa phi, bad ki shankhung ki pynsawa ïa ka jingkyang.

JINGKHEIÑ 11:20

hynrei baroh shi bnai, haduh ba kan da mihnoh shabar na ki shkor jong phi, haduh ba phin da sngewjli ïa ka. Kane kan jia namar ba phi la kyntait ïa U Trai uba don hangne hapdeng jong phi bad ba phi la ïakhñium ha u ba phim dei ban iehnoh ïa ka Ijipt.’”

MATHAÏOS 10:33

Hynrei lada uno uno u kyntait ïa nga ha kaba paw, ngan kyntait ïa u ha khmat U Kpa jong nga uba ha bneng.

LOUKAS 19:40

U Jisu u la jubab, “Nga ong ha phi ba lada ki sngap jar, ki maw hi kin sa sdang ban pyrta.”

DEUTERONOMI 30:19

Nga ai ha phi mynta ban jied napdeng ka jingim bad ka jingïap, napdeng ka jingkyrkhu U Blei bad ka jingtim U Blei, bad nga khot ïa ka bneng bad ka pyrthei ban sakhi ïano phi jied. Jied ïa ka jingim.

DEUTERONOMI 31:19

“Mynta, thoh ïa kane ka jingrwai. Hikai ïa ka ha ki Israel, khnang ba ka kan ïeng kum ka sakhi pyrshah ïa ki.

DEUTERONOMI 31:21

bad shibun ki jingjynjar kiba ishyrkhei kin wan ngat ha ki. Hynrei ïa kane ka jingrwai yn dang ïai rwai, bad ka kan ïeng kum ka sakhi pyrshah ïa ki. Wat mynta hi, shuwa ba ngan ïalam ïa ki sha kata ka ri ba nga la kular ban ai ha ki, nga tip aïu ki pyrkhat.”

DEUTERONOMI 31:26

“Shim ïa kane ka kitab ka Aiñ U Blei bad buh ïa ka ha syndah ka Synduk ka Jutang U Trai U Blei jong phi, ba kan don hangta kum ka sakhi pyrshah ïa ki briew jong u.

DEUTERONOMI 32:1

“Ko ka bneng, shahshkor ïa ki ktien jong nga, bad ko ka pyrthei, sngap bha ïa kaei ba ngan kren.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

JOSHUA 22:34

U paidbah jong ki jait Reuben bad Gad u ong, “Kane ka duwan ka long ka sakhi ïa ngi baroh ba U Trai u long U Blei.” Bad kumta ki ai kyrteng ïa ka “Ka Sakhi.”

JOSHUA 24:28

Nangta u Joshua u la phah noh ïa u paidbah, bad uwei pa uwei u leit phai pat sha la ka jong ka jong ka jaka.

JINGPYNPAW 3:8

Nga tip ïa kaei kaba pha leh; nga tip ba pha don khyndiat ka bor; pha la bud ïa ka jinghikai jong nga bad pha la ïaineh ha nga. Nga la plie ïa ka jingkhang ha khmat jong pha, kaba ym don ba lah ban khang.

1 SAMUEL 7:12

Nangta u Samuel u shim uwei u maw, u pynïeng ïa u hapdeng ka Mispah bad ka Shen, bad ong, “U Trai u la ïarap ïa ngi baroh shi lynter lynti” — bad u la pynkyrteng ïa u, “u maw ka jingïarap.”