JOSHUA 22:6 - Khasi CL Bible (BSI)

^6-8 U Joshua u la phah ïa ki sha ïing ryngkat bad ki jingkyrkhu jong u, bad kine ki ktien: “Phi leit phai pat sha ïing kiba la riewspah bha, lem bad shibun ki jingri, ka rupa, ka ksiar, ka rnong, ka nar, bad shibun ki jaiñphong. Ïasam bynta lem bad la ki para jait ïa kaei kaba phi la shim na ki nongshun jong phi.” Nangta, ki leit phai noh sha ïing. U Moses u la ai jaka ha ka phang mihngi jong ka Jordan ha kaba shiteng na ka jait Manasseh, hynrei ïa kawei pat kaba shiteng, u Joshua u la ai ka jaka ha ka phang sepngi jong ka Jordan, lem bad kiwei pat ki jait.

KA BAIBL

⁶ Kumta, u Joshua u la kyrkhu ïa ki, bad u la phah noh ïa ki: te ki la leit sha la ki ïingjaiñ.

JOSHUA 22:6 Mawu Ofanana

JENESIS 14:19

u la kyrkhu ïa u, bad u ong, “To U Blei Bahakhlieh Tam Eh, u nongthaw ïa ka bneng bad ïa ka khyndew, un kyrkhu ïa u Abram!

JENESIS 47:10

U Jakob u kyrkhu khublei bad u leit noh.

JENESIS 47:7

Nangta u Joseph u wan ïalam ïa u Jakob u kpa jong u bad u pynithuh ïa u ha u syiem. U Jakob u kyrkhu kyrdoh ïa u syiem,

2 SAMUEL 6:18

Haba u la dep ai ki jingkñia, u la kyrkhu ïa u paidbah ha ka kyrteng U Trai Badonbor Baroh

2 SAMUEL 6:19

bad u sam jingbam sha ki baroh. U ai ha uwei pa uwei u shynrang bad ha kawei pa kawei ka kynthei ha Israel mar uwei u kpu, shi lyngkhot ka doh syang, bad katto katne ki soh kismis. Nangta baroh ki la leit phai sha ïing.

2 SAMUEL 6:20

Hadien kata, haba u Dabid u la leit sha ïing ban khublei ïa la ki ba-ha-ïing, ka Mikhal ka wan mih ban ïakynduh ïa u. “U syiem ki Israel u la pynkhraw nam ïa lade ha kane ka sngi!” ka ong. “U la pynlyngkhuit ïa lade kum u bieit ha khmat ki shakri kynthei jong ki rangbah synshar jong u.”

1 SYIEM 8:66

Ha ka sngi kaba phra u Solomon u phah noh sha ïing ïa u paidlang. Baroh ki la ïaroh ïa u bad ki leit suk sha ïing namar ki jingkyrkhu baroh ba U Trai u la ai ha u Dabid u shakri jong u bad ha ki briew jong u ki Israel.

2 KHRONIKL 30:18

Shuh shuh bun na kito kiba la wan na ki jait Ephraim, Manasseh, Issakhar, bad Sebulun, kim pat la pyndep ïa ka jingpynkhuid kat kum ka jinglehniam bad kumta ki rakhe ïa ka Jingkhawai Niam Ka Jinglait ym ha ka rukom kaba dei.

EKSODOS 39:43

U Moses u bishar bniah ïa ka kam baroh bad u ïohi ba ki la leh ïa ka kumba U Trai u la hukum. Kumta u Moses u kyrkhu ïa ki.

LOUKAS 2:34

U Simeon u la kyrkhu ïa ki bad u la ong ha ka Mari, ka kmie jong u, “Ïa une u khunlung la jied da U Blei na ka bynta ka jingpynjot bad ka jingpynim ïa kiba bun ha Israel. Un long ka dak na U Blei ïa kaba kiba bun ki briew kin kren pyrshah bad kumta un pynpaw ïa ki jingpyrkhat barieh jong ki.

LOUKAS 24:50

Nangta u la ïalam ïa ki shabar ka nongbah haduh ha Bethania, ha kaba u la rah ïa la ki kti bad u la kyrkhu ïa ki.

JOSHUA 14:13

U Joshua u la kyrkhu ïa u Kaleb u khun jong u Jephunneh bad u la ai ha u ïa ka nongbah Hebron kum ka jingïohkynti jong u.

JOSHUA 24:28

Nangta u Joshua u la phah noh ïa u paidbah, bad uwei pa uwei u leit phai pat sha la ka jong ka jong ka jaka.

1 SAMUEL 10:25

U Samuel u pynshai ha uta u paidbah ïa ki hok bad ki kamram u syiem, bad u thoh ïa ki ha ka kitab bad u buh ïa ka ha ka jaka kyntang. Nangta u phah ïa ki ba kin leit noh sha la ïing.

1 SAMUEL 13:2

u jied lai hajar ngut ki rangbah; u bat ar hajar ngut na ki bad u ha Mikhmash bad ha ka ri lum jong ka Bethel bad u phah shihajar ngut bad u Jonathan u khun jong u sha Gibeah, ha ka thain Benjamin. Ïa kiba sah pat u phah noh sha la ïing.

1 SAMUEL 2:20

Nangta u Eli u ju kyrkhu ïa u Elkanah bad ka tnga jong u, bad u ong ha u Elkanah, “To U Trai un ai shuh ki khun ïa phi na kane ka briew ha ka jaka uta uba phi la aiti sha u.” Hadien kata ki sa leit phai sha la ïing.