JOSHUA 22:28 - Khasi CL Bible (BSI)

²⁸ Ka long ka jingpyrkhat jong ngi ba lada kane kan urlong, ki khun ki ksiew jong ngi ki lah ban ong, ‘Ha khmih! Ki kpa tymmen jong ngi ki la tei ka duwan kaba kum ka duwan jong U Trai. Kam shym dei na ka bynta ki jingainguh thang lane ka jingkñia, hynrei kum ka dak na ka bynta ki briew jong ngi bad jong phi.’

KA BAIBL

²⁸ Namar kata, ngi la ïa-ong, ‘Kan long, haba kin ong kumta ha ngi lane ha ki khun ki ksiew jong ngi lashai lashisngi, ba ngi ruh ngin ong pat, “Ha khmih, ka dur ka duwan U Trai, kaba ki kpa jong ngi ki la thaw, ym ïa ka jingainguh thang, lymne ïa ka jingkñia; hynrei, ka long ka sakhi hapdeng jong ngi bad jong phi.” ’

JOSHUA 22:28 Mawu Ofanana

JENESIS 31:48

U Laban u ong ha u Jakob, “Kane ka kynton maw kan long ka jingpynkynmaw ïa ngi baroh ar ngut.” Namar kata, la khot kyrteng ïa kata ka jaka ka Galeed.

2 SYIEM 16:10

Haba u syiem Ahas u leit sha Damaskos ban ïakynduh ïa u Tiglath Pileser u Patsha, u ïohi ïa ka duwan hangta bad u phah pat sha u Uriah u lyngdoh ïa ka dur pyn-i jong ka, haduh ki jingbatai bniah kiba rit eh.

EKSODOS 25:40

Da kitkhia ba men thaw ïa ki kat kum ka dur ba nga la pyn-i ha me ha une u lum.

ISAÏAH 19:19

Haba kata ka por ka wan, kan don ka duwan ïa U Trai ha ka ri Ijipt bad u rishot maw ba la pynkyntang sha U ha ka pud Ijipt.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

JOSHUA 22:27

hynrei pynban, kum ka dak ïa ki briew jong ngi bad jong phi, bad na ka bynta ki pateng ki ban wan hadien jong ngi, kata kaba ngi da mane shisha ïa U Trai ha khmat ka Ïingjaiñ bakyntang lem bad ki jingainguh jong ngi ban thang bad ki jingkñia bad ki jingainguh ïasyllok. Kane ka long ban sumar ïa ki khun ki ksiew jong phi na kaba ong ba ka jong ngi kam don jingïadei ei ei bad U Trai.

JOSHUA 22:29

Da lei lei ruh ngin ym ïaleh pyrshah ïa U Trai lane sangeh noh na kaba bud ïa u mynta da kaba tei ka duwan ban thang ki jingainguh halor jong ka lane na ka bynta ki jingainguh bam lane ki jingkñia. Ngin ym tei kano kano kawei pat ka duwan nalor ka duwan U Trai U Blei jong ngi uba ïeng ha khmat ka Ïingjaiñ ka Jingdon Ryngkat jong u!”

JOSHUA 24:27

U ong ha u paidbah baroh, “Une u maw un long u sakhi ïa ngi. U la ïohsngew ïa ki ktien baroh ba U Trai u la kren ha ngi. Kumta un long u sakhi pyrshah ïa phi, ban da ïa phi na kaba ïaleh pyrshah ïa U Blei jong phi.”