JOSHUA 22:18 - Khasi CL Bible (BSI)

¹⁸ Hato phin kyntait ban bud ïa u mynta? Lada phi ïaleh pyrshah ïa U Trai mynta, un bitar ïa uwei pa uwei ha Israel lashai ka sngi.

KA BAIBL

¹⁸ ba phin shu phai noh ha kane ka sngi na kaba bud ïa U Trai? bad kan long, naba phi ïaleh pyrshah ïa U Trai ha kane ka sngi, ba lashai un bitar ïa u paidbah Israel baroh.

JOSHUA 22:18 Mawu Ofanana

2 SAMUEL 24:1

U Trai u la bitar ïa ki Israel sa shisien, bad kumta u la pynlong ïa u Dabid ban wanrah jingjynjar halor jong ki. U Trai u ong ha u, “Khie leit bad ñiew ïa ki paid Israel bad ki paid Judah.”

1 SYIEM 9:6

Hynrei lada ma me lane ki khun ki ksiew jong me phi phai dien noh na nga, bad phim kohnguh ïa ki aiñ bad ki hukum ïa kiba nga la ai ha phi, hynrei phi leit mane ïa kiwei pat ki blei,

2 SYIEM 17:21

Hadien ba U Trai u la pynkyrpang ïa ka Israel na ka Judah, ki Israel ki pynlong ïa u Jeroboam u khun jong u Nebat kum u syiem jong ki. U Jeroboam u pynlong ïa ki ban iehnoh noh ïa U Trai bad u la ïalam ïa ki ban leh ïa ki pop kiba shyrkhei.

1 KHRONIKL 21:1

U Soitan u la kwah ban wallam jingjynjar ha ki paid Israel, kumta u la pynlong ïa u Dabid ban rai ban shim ka jingkheiñbriew.

1 KHRONIKL 21:14

Kumta U Trai u la phah ïa ka jingïapthem ha ki paid Israel, bad hynñiewphew hajar ngut na ki, ki la ïap.

2 KHRONIKL 25:27

Naduh kata ka por mynba u la ïeng ïaleh pyrshah ïa U Trai, ka la don ka jingïasylla pyrshah ïa u ha Jerusalem. Ha kaba khatduh u la phet sha ka nongbah Lakhish, hynrei ki nongshun jong u ki la buddien ïa u shata bad ki la pynïap ïa u.

2 KHRONIKL 34:33

U syiem Josaïah u pynjot ïa baroh ki bleithaw ba-ijli kiba don ha ka ri kaba dei jong ki paid Israel, bad katba u dang im, u dawa ba ki briew kin shakri ïa U Trai, U Blei jong ki kpa tymmen jong ki.

LEBITIKOS 10:6

Nangta u Moses u ong ha u Aaron bad ha u Eleasar bad u Ithamar, ki khun shynrang jong u, “Wat ieh ra-ngiep ïa la u shñiuh lane kad ïa la ki jaiñ ban pyn-i ba phi ïam sngewsih, lada phi leh kumta phin ïap, bad U Trai un bitar ïa u paidlang baroh. Hynrei ïa baroh ki para jait Israel jong phi la shah ba kin ïa-ïam briew na ka bynta kane ka jingïap ba la wallam da ka ding kaba U Trai u la phah.

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

JINGKHEIÑ 32:15

Lada phi ki briew na ka jait Reuben bad ka jait Gad phi kyntait ban bud ïa u mynta, sa shisien un iehnoh ïa kine ki briew baroh ha ka ri khlaw, bad phin kitkhlieh ïa ka jingpynjot thiaw ïa ki.”

DEUTERONOMI 7:4

ïoh kin phai dien noh na U Trai ban mane ïa kiwei pat ki blei. Lada jia kumta, U Trai un bitar lep ïa phi bad un pynjot ïa phi shisyndon.

JOSHUA 22:15

Ki la wan sha ka ri Gilead, sha ki paidbah jong ki jait Reuben, Gad, bad Manasseh ba sha Mihngi,

JOSHUA 22:16

bad ki kren na ka bynta u paidlang U Trai; ki ong ha ki, “Balei phi leh ïa kane kaei kaei kaba sniew pyrshah ïa U Blei ki Israel? Phi la leh pyrshah ïa U Trai da kaba tei ïa kane ka duwan na ka bynta ïa lade! Phim shym bud shuh ïa u!

JOSHUA 22:20

Kynmaw kumno u Akhan u khun jong u Serah u la kyntait ban kohnguh ïa ka hukum shaphang kiei kiei kiba la pynrem sha ka jingpynjot; ka kynhun Israel baroh kawei ka la shah pynshitom namar kata. U Akhan um shym long tang ma u uba la ïap namar ka pop jong u.”

JOSHUA 7:1

Ïa ka jinghukum U Trai ïa ki Israel ban ym shim na Jerikho ïa kaei kaei kaba dei ban pynjot thiaw, ym shym la kohnguh. U briew uba kyrteng u Akhan um shym la kohnguh ïa kata ka hukum, bad kumta U Trai u la bitar lep ïa ki Israel. (U Akhan u dei u khun jong u Karmi bad u ksiew jong u Sabdi, bad uba na ka kur Serah, kaba long shi bynta na ka jait Judah.)

JOSHUA 7:11

Ki Israel ki la leh pop! Ki la pynkheiñ ïa ka jingkular bad nga kaba nga la hukum ïa ki ban bat. Ki la shim katto katne kiei kiei kiba dei ban pynjot. Ki la tuh ïa ki, ki la len shaphang kata, bad buh lang ïa ki bad la ki jong ki tiar ki tar.

JOSHUA 7:21

Napdeng kita ki mar kiba ngi la kurup, nga la ïohi kawei ka barandi Babilon kaba itynnat, kumba ar kilo ka rupa, bad shi lyngkhot ka ksiar kaba khia palat shiteng kilo. Nga la ikwah eh ïa ki, bad nga la shim ïa ki. Phin shem ba la tep ïa ki hapoh ka ïingjaiñ jong nga, bad ka rupa ka don ha trai.”

1 SAMUEL 12:14

Lada phi tiengburom ïa U Trai, phi shakri ïa u, phi shahshkor ïa u, bad phi kohnguh ïa ki hukum jong u, bad lada ma phi bad u syiem uba synshar ïa phi, phi bud ïa U Trai U Blei jong phi, baroh kan manbha bad phi.

1 SAMUEL 12:20

U Samuel u ong ha uta u paidbah, “Wat sheptieng; la phi la leh ïa ka kam bymman, wat phai noh na U Trai, hynrei shakri ïa u da ka dohnud jong phi baroh.