JOSHUA 21:45 - Khasi CL Bible (BSI)

⁴⁵ U Trai u la bat ïa kawei pa kawei na ki jingkular kiba u la pynlong ha ki paid Israel.

KA BAIBL

⁴⁵ Kam shym duh ei ei na kiei kiei ki babha ïa kiba U Trai u la kren ha ka ïing Israel; ka la wan long baroh.

JOSHUA 21:45 Mawu Ofanana

1 SYIEM 8:15

U ong, “Ïaroh ïa U Trai U Blei ki Israel! uba la bat ïa la ka kular ba u la pynlong bad u Dabid u kpa jong nga, mynba u ong,

1 SYIEM 8:20

“Bad mynta U Trai u la pyndep ïa ka kular jong u. Nga la kiew ïa ka khet u kpa jong nga, u syiem ki Israel bad nga la tei ïa ka Templ ban mane ïa U Trai U Blei ki Israel.

1 SYIEM 8:24

Me la bat ïa la ka kular kaba me la pynlong ha u Dabid u kpa jong nga; mynta ha kane ka sngi kawei pa kawei ka ktien me la pyndep ïa ka.

1 SYIEM 8:56

U da ong, “Ïaroh ïa U Trai uba la ai ka jingsuk ïa ki briew jong u, kumba u la kular ban leh. U la bat ïa baroh ki jingkular basbun kaba u la pynlong lyngba u Moses u shakri jong u.

NEHEMAÏAH 9:8

Me shem ba u ïaineh ha me, bad me pynlong ka jingïateh kular bad u. Me kular ban ai ha u ïa ka ri ki Kanaan, ka ri jong ki Hit bad ki Amor, ka ri ki Peris, ki Jebus bad ki Girgash, kan long ka ri ha kaba ki khun ki ksiew jong u kin shong kin sah. Me bat ïa la ka kular, namar me long uba ïaineh.

ISAÏAH 48:3

U Trai u ong ïa ki Israel, “La slem bah nga la ïathuh lypa kaei ka ban sa jia; nangta kynsan nga pynlong ba kan jia.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

1 KORINTH 1:9

U Blei u long uba dei ban shaniah, U Blei uba la khot ïa phi sha ka jingïasyllok bad U Jisu Khrist u khun jong u, uba U Trai jong ngi.

1 THESSALONI 5:24

Uta uba khot ïa phi un leh ïa kata, namar u long uba ïaineh.

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

1 SAMUEL 3:19

Katba u Samuel u nang san, U Trai u la don ryngkat bad u, bad u pynurlong ïa baroh kaba u Samuel u ong.