JOSHUA 14:9 - Khasi CL Bible (BSI)

⁹ Namar ba nga la leh kumta, u Moses u la kular ïa nga ba ki khun ki kti jong nga bad ma nga, ngin ïohpdiang da kaba thikna kum ka jingïohkynti jong ngi ïa kata ka ri kaba nga la ïuhkjat.

KA BAIBL

⁹ Te u Moses u la smai ha kata ka sngi, u da ong, ‘Da shisha kata ka khyndew halor kaba ki sla'jat jong me ki la ïuh, kan long ka ri kynti jong me bad ki khun jong me junom, naba me la bud naduh haduh ïa U Trai uba U Blei jong nga.’

JOSHUA 14:9 Mawu Ofanana

SALM 37:9

Kito kiba shaniah ha U Trai kin ïohkynti ïa ka ri; hynrei ki bymman kin shah beh noh.

JINGKHEIÑ 13:22

Nyngkong ki la leit sha ka bynta kaba shathie jong kata ka ri bad ki poi haduh Hebron, ha kaba shong ba sah ki kur ki jait u Ahiman, u Sheshai, bad u Talmai, kiba hiarpateng na kawei ka jait ki ramhah ïa kaba la khot Anakim. (Ïa ka Hebron la tei hynñiew snem shuwa ïa ka Soan ha Ijipt.)

DEUTERONOMI 1:36

lait tang u Kaleb u khun jong u Jephunneh. U te u ïaineh ha nga, kumta ngan ai ha u bad ha ki khun ki ksiew jong u ïa kata ka ri ïa kaba u la leit syntiat.’

DEUTERONOMI 11:24

Ka khyndew baroh ha kaba phin ïuhkjat kan long ka jong phi. Ka ri jong phi kan ïar naduh ka ri shyiap shaphang shathie haduh ki lum Lebanon shaphang shatei, bad naduh ka wah Ïuphratis shaphang mihngi haduh ka Duriaw Mediterranian shaphang sepngi.

JOSHUA 1:3

Kumba nga la ïathuh ha u Moses, nga la ai ha me bad ha ki briew jong nga baroh ïa ka ri baroh kawei kaba phin leit ïuhkjat.

JOSHUA 14:10

Hynrei mynta, ha khmih, ka la long sawphew san snem naduh ba U Trai u la ong ïa kata ha u Moses. Kata ka la long mynba ki Israel ki dang ïaid lyngba ïa ka ri shyiap, bad U Trai, kumba u la kular, u la ri pynim ïa nga.

NONGBISHAR 1:20

Kumba u Moses u la hukum, la ai ïa ka Hebron ha u Kaleb, uba la beh noh na ka nongbah ïa ki lai tylli ki kur kiba hiarpateng na u Anak.