JOSHUA 14:6 - Khasi CL Bible (BSI)

⁶ Ha kawei ka sngi katto katne ki briew na ka jait Judah ki la wan ha u Joshua ha Gilgal. Uwei na ki, u Kaleb u khun jong u Jephunneh u nong Kenis, u ong ha u, “Phi tip kaei kaba U Trai u ong ha Kadesh Barnea shaphang jong phi bad nga ha u Moses, u briew jong U Blei.

KA BAIBL

⁶ Ynda kumta, ki khun u Judah ki la wan ha u Joshua ha Gilgal: bad u Kaleb u khun u Jephunneh u nong Kenis u la ong ha u, “Me tip ïa kaba la ong U Trai ha u Moses u briew jong U Blei shaphang jong nga bad shaphang jong me ha Kadesh-barnea.

JOSHUA 14:6 Mawu Ofanana

1 SYIEM 13:1

Ha ka hukum jong U Trai, u nongïathuhlypa na Judah u leit sha Bethel bad u la poi hangta hamar ba u Jeroboam u ïeng ha ka duwan ban kñia jingainguh.

1 SYIEM 13:14

Ki leh kumta, bad halor jong ka u la hiar arsut ha ka lynti nadien u nongïathuhlypa uba na Judah bad u lap ïa u ba u shong ha trai uwei u dieng Sning. “Hato phi dei uta u nongïathuhlypa uba na Judah?” u kylli. “Nga dei,” uta u briew u jubab.

2 SYIEM 4:16

bad u Elisha u ong ha ka, “Kum ha kane ka por ha ka snem kaba bud phin rah ïa u khun ha ki ksang'ti jong phi.” “O!” ka ong da kaba kyndit. “Sngewbha, ko kynrad, wat lamler ïa nga. Phi dei u briew jong U Blei!”

2 SYIEM 4:42

Ha kawei ka por, u briew u la wan na Baal Shalishah, u da wanrah ïa u Elisha arphew tylli ki kpu ba la shet na u barli uba nyngkong ba la ot ha kata ka snem, bad katto katne ki sohkew ba dang shu ot. U Elisha u ong ïa u shakri jong u ban ai bam ïa ka kynhun ki nongïathuhlypa da kane,

2 SYIEM 4:9

Ka ong ha la u tnga, “Nga thikna ba une u briew uba wan bunsien hangne u dei u riewkhuid.

2 SYIEM 8:11

Nangta u Elisha u peit shlip ïa u da ka jingpeit kaba ishyrkhei ïa ka khmat jong u haduh ba u Hasael u la kem pang. Kynsan u Elisha u jaw ki ummat brup.

2 SYIEM 8:7

U Elisha u leit sha Damaskos ha ka por ba u Benhadad u syiem Syria u pang. Haba la ïathuh ha u syiem ba u Elisha u don hangta,

1 KHRONIKL 23:14

Hynrei ïa ki khun shynrang jong u Moses, u briew jong U Blei, la kynthup lang hapdeng ki Lebi.)

SALM 90:1

A Trai, me la ju long ka jaka shong jong ngi.

JEREMAÏAH 35:4

Nga la wallam ïa ki sha ka kamra jong ki synran jong u Hanan u nongïathuhlypa u khun jong u Igdalaïah. Kane ka kamra ka long halor ka kamra u Maaseïah u khun jong u Shallum, u rangbah synshar bapawkhmat jong ka Templ, bad hajan ki kamra jong kiwei pat ki rangbah synshar.

JINGKHEIÑ 13:26

sha u Moses, u Aaron, bad u paid Israel baroh ha Kadesh kaba ha ri khlaw jong ka Paran. Ki la ïathuh ïa kaei kaba ki la ïohi bad ki pyn-i ha ki ïa uta u soh uba ki la wanrah.

JINGKHEIÑ 13:30

U Kaleb u la pynsngap jar ïa ki paidbah kiba khñium pyrshah ïa u Moses, bad u ong, “Ngi dei ban tur ïaleh noh mynta bad kam kynti ïa kata ka ri; ngi biang ka bor ban jop ïa ka.”

JINGKHEIÑ 14:24

Hynrei u Kaleb u shakri jong nga u don ka jinglong bapher bad u la ïaineh ha nga, ngan wallam ïa u sha kata ka ri kaba u la swar, bad ki khun ki ksiew jong u kin ïohkynti ïa kata ka ri

JINGKHEIÑ 14:30

Nga la kular ba ngan shah ïa phi ban shong hangta, hynrei yn ym don uwei ruh na phi u ban ïoh ïa kata, lait tang u Kaleb bad u Joshua.

JINGKHEIÑ 14:6

Bad u Joshua u khun jong u Nun bad u Kaleb u khun jong u Jephunneh, ar ngut na kita ki nongsyntiat, ki la kad ïa la ki jaiñ da ka jingsngewsih,

JINGKHEIÑ 26:65

U Trai u la ong ba baroh na ki kin ïap ha ka ri khlaw, bad lait noh u Kaleb u khun jong u Jephunneh bad u Joshua u khun jong u Nun, baroh ki la ïap shisha.

JINGKHEIÑ 32:12

Kane ka kynthup ïa uwei pa uwei baroh, lait noh u Kaleb u khun jong u Jephunneh uba na ka jait Kenis bad u Joshua u khun jong u Nun; ki la ïailong kiba kohnguh ïa U Trai.

DEUTERONOMI 33:1

Kine ki long ki jingkyrkhu ba u Moses, u briew jong U Blei, u ai ha ki Israel shuwa ba un ïap.

DEUTERONOMI 34:10

Ym pat ju don u nongïathuhlypa ha Israel uba kum u Moses; U Trai u ïakren bad u markhmat.

DEUTERONOMI 34:5

Kumta u Moses, u shakri U Trai, u la ïap hangta ha ri Moab, kumba U Trai u la ong.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

2 TIMOTHI 3:17

khnang ba u briew uba shakri ïa U Blei un lah ban long uba bit pura bad uba la biang bha ban leh ïa baroh ki jait kam kiba bha baroh.

JOSHUA 10:43

Hadien kane, u Joshua lem bad ka kynhun shipai, u leit phai pat sha ka jaka sher dara ha Gilgal.

JOSHUA 14:14

Ka Hebron ka dang dei ka jong ki khun ki ksiew jong u Kaleb, u khun jong u Jephunneh u nong Kenis, namar ba u la kohnguh hok ïa U Trai, U Blei ki Israel.

JOSHUA 15:17

U Othniel, u khun jong u Kenas, uba shi para bad u Kaleb, u la ïohknieh ïa ka nongbah, kumta u Kaleb u ai ïa ka Akhsah ha u ban shongkurim.

JOSHUA 4:19

U paidbah u la jam ïa ka Jordan ha ka sngi kaba shiphew jong u bnai uba nyngkong bad ki la shong dara ha Gilgal, ha ka phang mihngi jong ka Jerikho.