JOSHUA 14:15 - Khasi CL Bible (BSI)

¹⁵ Ha shuwa kane, ïa ka Hebron la khot ka nongbah jong U Arba. (U Arba u la long uba khraw tam napdeng ki Anakim). Mynta ka don ka jingsuk ha ka ri.

KA BAIBL

¹⁵ Bad ka kyrteng ka Hebron mynshuwa ka la long “ka Kiriath-arba;” uta u Arba u la long u briew u bakhraw tam hapdeng ki Anak. Bad ka ri ka la ïoh ka jingshongthait na ka thma.

JOSHUA 14:15 Mawu Ofanana

JENESIS 23:2

Ka la ïap ha Hebron ha ka ri Kanaan, bad u Abraham u ïam sngewsih namar jong ka.

JENESIS 35:27

U Jakob u la leit sha u Isaak u kpa jong u ha Mamre, hajan Hebron, ha kaba u Abraham bad u Isaak ki la ju shong ju sah.

JENESIS 37:14

U Kpa jong u, u ong ïa u, “Khie leit khmih la ki hynmen shynrang jong me ki suk ki saiñ bad la ki kynhun jingri ki bit ki biang ne em, nangta sa wan phai noh bad ïathuh ïa nga.” Kumta u kpa jong u, u la phah ïa u na ka them Hebron.

1 KHRONIKL 6:4

Ki khun ki ksiew jong u Eleasar pateng la pateng ki long kumne harum: U Phinehas, u Abishua, U Bukki, u Ussi, U Serahaïah, u Meraïoth, U Amaraïah, u Ahitub, U Sadok, u Ahimaas, U Asaraïah, u Johanan, U Asaraïah (uta uba shakri ha ka Templ kaba u Syiem Solomon u la tei ha Jerusalem) U Amaraïah, u Ahitub, U Sadok, u Shallum, U Hilkaïah, u Asaraïah, U Seraïah, u Jehosadak.

NEHEMAÏAH 11:25

Bun na ki briew ki shong ki sah ha ki shnong hajan ki jaka rep. Kito kiba long na ka jait Judah ki shong ki sah ha Kiriath Arba, Dibon, bad Jekabseel, bad ha ki nongrit hajan kine ki nongbah.

JOSHUA 11:23

U Joshua u la kurup ïa kata ka ri baroh kawei, kumba U Trai u la hukum ïa u Moses. U Joshua u la ai ïa ka ha ki Israel kum ka jong ki hi bad u la pynbynta ïa ka ha ki lyngkhot, kawei kawei na ka bynta kawei kawei ka jait. Kumta ki paidbah ki la shongthait na ka thma.

JOSHUA 14:14

Ka Hebron ka dang dei ka jong ki khun ki ksiew jong u Kaleb, u khun jong u Jephunneh u nong Kenis, namar ba u la kohnguh hok ïa U Trai, U Blei ki Israel.

JOSHUA 15:13

Kumba U Trai u la hukum ïa u Joshua, la ai shi bynta na ka jaka jong ka Judah ha u Kaleb u khun jong u Jephunneh, na ka jait Judah. U la ïohpdiang ïa ka Hebron, ka nongbah kaba dei jong u Arba, u kpa jong u Anak.

JOSHUA 21:11

La ai ha ki ïa ka nongbah Arba (u Arba u dei u kpa jong u Anak), ïa kaba mynta la khot ka Hebron, ha ka ri lum Judah, lem bad ki pyntha phlang sawdong jong ka.

JOSHUA 21:12

Pynban, ïa ki pyntha jong ka nongbah, lem bad ki nongrit jong ka la lah ai ha u Kaleb u khun jong u Jephunneh kum ka jingïohkynti jong u.

NONGBISHAR 1:20

Kumba u Moses u la hukum, la ai ïa ka Hebron ha u Kaleb, uba la beh noh na ka nongbah ïa ki lai tylli ki kur kiba hiarpateng na u Anak.

NONGBISHAR 3:11

La don ka jingsuk ha ka ri haduh sawphew snem, bad nangta u Othniel u la ïap.

NONGBISHAR 3:30

Ha kata ka sngi ki Israel ki la jop ïa ki Moab, bad ka jingsuk ka la don ha ka ri haduh phraphew snem.

NONGBISHAR 5:31

Ai ba ki nongshun jong me baroh kin ïap kumta, A Trai hynrei ai ba ki paralok jong me kin tyngshaiñ kum ka sngi kaba mih! Bad la don ka jingsuk ha ka ri haduh sawphew snem.

NONGBISHAR 8:28

Kumta ki Midian ki la shahjop ha ki Israel bad kim shym long shuh ka jingma ïa ki. Ka ri ka la don ha ka jingsuk haduh sawphew snem, haduh ba u Gideon u ïap.

1 SAMUEL 30:31

U la phah ïa ka sha ki jaka baroh ha kiba ma u bad ki briew jong ki la ju ïaid.