JOSHUA 13:14 - Khasi CL Bible (BSI)

¹⁴ U Moses um shym la ai kano kano ka jaka ha ka jait Lebi. Kumba U Trai u la bthah ha u Moses, ki dei ban pdiang kum ka jingïohkynti jong ki, ïa ka bhah jong ki jingainguh ba la thang ha ka duwan sha U Trai U Blei ki Israel.

KA BAIBL

¹⁴ Tang ïa ka jaid u Lebi um shym ai ri kynti; ki jingkñia U Trai, U Blei ki Israel, ba la pynlong da ka ding, ki long ka jingïoh kynti jong ki, kumba u la ong ha ki.

JOSHUA 13:14 Mawu Ofanana

ESEKIEL 44:28

“Ki lyngdoh ki don ka jinglong lyngdoh kum ka bynta jong ki ïa kaei kaba nga la ai ha Israel ban hiarpateng na kawei ka pateng sha kawei pat. Kin ym don jingdon jingem ha Israel; nga long tang ma nga uba ki donkam.

ESEKIEL 44:29

Ki jingkñia ainguh, ki jingkñia pop bad ki jingkñia na ka bynta ban siew pat, kin long ki jingbam jong ki lyngdoh, bad ki kin ïoh ïa kiei kiei baroh ha Israel ïa kiba la pynkyrpang na ka bynta jong nga.

DEUTERONOMI 10:9

Namar kata, ka jait Lebi kam shym ïoh bynta ïa kano kano ka jaka kum kiwei pat ki jait; kumba U Trai U Blei jong phi u la kular.)

DEUTERONOMI 12:12

Shadkmen ha khmat jong u hangta, lem bad ki khun ki kti jong phi, ki shakri shakor jong phi, bad ki Lebi kiba shong ha ki shnong jong phi; to kynmaw ba ki Lebi kim don bri don khyndew la ka jong.

DEUTERONOMI 12:19

Kynmaw ruh ban ym leh klet ïa ki Lebi katba phi dang shong ha la ka ri.

JOSHUA 13:13

Pynban, ki Israel kim shym beh noh ïa ki briew jong ka Geshur bad Maakah; ki dang shong ha Israel.

JOSHUA 13:15

U Moses u la ai shi bynta jong ka ri ha ki longïing jong ka jait Reuben kum ka jingïohkynti jong ki.

JOSHUA 13:33

Hynrei u Moses um shym la ai kano kano ka jaka ha ka jait Lebi. U ong ïa ki ba ka jingïohkynti jong ki ka dei ka bhah jong ki jingainguh sha U Trai U Blei ki Israel.

JOSHUA 18:7

Pynban, ki Lebi kin ym ïoh kano kano ka bynta jong ka ri lem bad phi, namar ka bynta jong ki ka long ban shakri kum ki lyngdoh jong U Trai. Bad da shisha, ki jait Gad, Reuben, Manasseh ba sha Mihngi te ki la lah ïohpdiang ïa la ka jaka ha ka phang mihngi jong ka Jordan, ïa kaba u Moses u shakri jong U Trai u la ai ha ki.”