JOSHUA 10:8 - Khasi CL Bible (BSI)

⁸ U Trai u ong ha u Joshua, “Wat sheptieng ïa ki. Nga la ai lypa ha me ïa ka jingjop. Yn ym don uwei ruh na ki uba lah ban ïeng pyrshah ïa me.”

KA BAIBL

⁸ Bad U Trai u la ong ha u Joshua, “Wat sheptieng ïa ki: namar nga la ai noh ïa ki ha ka kti jong me; ym don uwei na ki u ban ïeng ha khmat jong me.”

JOSHUA 10:8 Mawu Ofanana

1 SYIEM 20:13

Ha kajuh ka por, u nongïathuhlypa u leit sha u syiem Ahab, bad u la ong, “U Trai u ong, ‘Wat sheptieng ïa katai ka kynhun shipai kaba heh! Ngan ai jingjop ïa me halor jong ka mynta ka sngi, bad men ïoh tip ba nga dei U Trai.’ ”

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

DEUTERONOMI 3:2

Hynrei U Trai u ong ha nga, ‘Wat tieng ïa u. Ngan aiti ïa u, ïa ki briew jong u, bad ïa ka ri jong u baroh ha phi. Leh ïa u kumba phi la leh ïa u Sihon u syiem Amor uba synshar ha Heshbon.’

DEUTERONOMI 7:24

Un aiti ha phi ïa ki syiem jong ki. Phin pynïap ïa ki, bad yn klet noh ïa ki. Yn ym don mano mano ban khang ïa phi; phin pynjot ïa ki baroh.

JOSHUA 10:25

Nangta u Joshua u ong ha ki rangbah shipai, “Wat sheptieng lane khaw-eit. Long uba kut jingmut triang uba skhem namar kane ka dei kaei kaba U Trai un leh ïa ki nongshun jong phi baroh.”

JOSHUA 10:9

Baroh shi miet, u Joshua bad ka kynhun shipai jong u ki la ïaid na Gilgal sha Gibeon bad ki la tur kyndit ban ïaleh ïa ki Amor.

JOSHUA 11:6

U Trai u ong ha u Joshua, “Wat sheptieng ïa ki. Ha kane ka por lashai ka sngi ngan pynïap ïa ki baroh na ka bynta ki Israel. Phi dei ban pyndkoh ïa ki kulai jong ki bad thang ïa ki kali ïapom jong ki.”

JOSHUA 8:1

U Trai u ong ha u Joshua, “Ïalam lang bad me ïa ki shipai baroh bad leit kiew sha Ai. Wat sheptieng lane khaw-eit. Ngan ai ha me ka jingjop ïa u syiem ka Ai; ki briew jong u, ka nongbah jong u, bad ka ri kan long ka jong me.

NONGBISHAR 6:16

U Trai u jubab, “Me lah ban leh ïa ka namar ngan ïarap ïa me. Men pynlwet ïa ki Midian da kaba suk i kumba ki long tang uwei u briew.”

NONGBISHAR 7:9

Ha kata ka miet U Trai u hukum ïa u Gideon, “Khie joit bad tur ïaleh ïa kata ka jaka sher dara; nga ai ha me ka jingjop halor jong ka.

1 SAMUEL 17:47

Te ka pyrthei baroh kawei kan tip ba ki Israel ki don U Blei, bad ba uwei pa uwei hangne un ïohi ba U Trai um donkam ïa ki waitlam ne ki sum ban pyllait im ïa la ki briew. U long u nongjop ha ka thma, naba ka thma ka long ka jong U Trai, bad un buh ïa phi baroh hapoh ka bor jong ngi.”