JOEL 3:2 - Khasi CL Bible (BSI)

² Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

KA BAIBL

² ngan lum ïa ki jaid bynriew baroh, bad ngan wallam ïa ki ha Ka Them u Jehoshaphat; te ngan ïasaid bad ki hangta na ka bynta la ki briew bad na ka bynta ki Israel kaba ka bynta jong nga, ïa kiba ki la pynsaphred hapdeng ki jaid bynriew, bad ki la ïasam ïa ka ri jong nga.

JOEL 3:2 Mawu Ofanana

2 KHRONIKL 20:26

Ha ka sngi kaba saw, ki ïalumlang ha ka Them Berakah bad ïaroh ïa U Trai na ka bynta baroh kaba u la leh. Dei na kata ka daw ba la khot ïa ka them, “Ka Berakah.”

ISAÏAH 66:16

Da ka ding bad ka waitlam un pynshitom ïa ki briew baroh jong ka pyrthei kiba u shem ba la pynrem — bad shibun kin shah pynïap.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 25:31

U Trai un tian bishar pyrshah ïa ki jaitbynriew; un wallam ïa ki briew baroh ha ka jingbishar, bad ïa kiba bymman un pynïap, U Trai u la kren.’ ”

JEREMAÏAH 49:1

Kane ka dei kaei kaba U Trai u ong shaphang ka Ammon: “Shano ki rangbah ka Israel? Hato ym don mano mano ban ïada ïa la ka ri? Balei ba ki shah ïa ki briew kiba mane ïa u Molekh kin shim ïa ki jaka jong ka jait Gad bad shongduh hangta?

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

ESEKIEL 25:8

U Trai Nongsynshar u la ong, “Namar ba ka Moab ka la ong ba ka Judah ka long kum kiwei pat ki jaitbynriew,

ESEKIEL 34:6

Kumta ki langbrot jong nga ki ïaid sakma sha ki lumrit bajrong bad ki lumbah. La pynsakma ïa ki kylleng ka pyrthei, bad ym don ba ïit ïa ki ne pyrshang ban wad ïa ki.

ESEKIEL 35:10

“Me la ong ba ki jaitbynriew baroh ar, ki Judah bad ki Israel, lem bad ki ri jong ki, ki long ki jong me bad ba men sa ïohkynti ïa ki, wat la ma nga, U Trai nga long U Blei jong ki.

ESEKIEL 36:1

U Trai u ong, “Ko khun u briew, to kren ha ki lumbah ki Israel bad ong ïa ki ban shahshkor ïa ka khubor kaba ma nga, U Trai Nongsynshar nga don na ka bynta jong ki:

ESEKIEL 36:5

“Ma nga, U Trai Nongsynshar, nga la kren ha ka jingbitar lep jong nga pyrshah ïa ki jaitbynriew kiba don sawdong bad khamtam pyrshah ïa ka Edom. Da kaba shadkmen bad da kaba leh ibeiñ, ki kurup ïa ka ri jong nga bad shim kynti ïa ki jaka phlang jong ka.

ESEKIEL 38:22

Ngan pynshitom ïa u da ka jingpang bad ka jingïa-umsnam. Ïa u 'lapbah 'lapsan bad u phria, ryngkat bad ka ding bad u kyndok, ngan theh noh ha u bad ha ka kynhun shipai jong u, bad halor kiba bun ki jaitbynriew kiba ïashah liang bad u.

ESEKIEL 39:11

U Trai u ong, “Haba kane baroh ka jia, ngan ai ïa u Gog ka jaka tep hangta ha Israel, ha ka them ki nongleit jingleit, shaphang mihngi ka Duriaw Baïap; hangta yn tep ïa u Gog bad ka kynhun shipai jong u, bad ïa ka them yn khot ïa ka, ‘Ka them ka kynhun shipai u Gog.’

JOEL 3:12

“Ki jaitbynriew ki dei ban long kiba la kloi bad wan sha ka Them jong ka Jingbishar. Hangta ma nga, U Trai, ngan shong ban bishar ïa baroh ki jaitbynriew ba don sawdong.

JOEL 3:14

Da ki hajar hajar ki don ha ka Them jong ka Jingbishar. Dei hangta ba ka Sngi jong U Trai shen kan wan.

AMOS 1:11

U Trai u ong, “Ki briew ka Edom ki la ïai leh pop, bad na ka bynta kane ngan pynshitom da shisha ïa ki. Ki la beh krad ïa la ki hynmen ki para, ïa ki Israel bad khlem da pyn-i jingisynei ïa ki. Ka jingbitar jong ki kam don pud bad kim shah ba kin ïap.

MIKAH 4:12

Hynrei kine ki jaitbynriew kim tip ïa kaei kaba U Trai u don ha ka jingmut jong u. Kim sngewthuh ba la lumlang ïa ki ban shah pynshitom ha kajuh ka rukom ba wanrah ïa u kew ban shoh.

SEPHANAÏAH 3:8

“Shu ap,” U Trai u ong. “Ap ïa ka sngi haba ngan ïeng ban pynrem ïa ki jaitbynriew. Nga la pynbeit ïa la ka jingmut ban lumlang ïa ki jaitbynriew bad ki hima khnang ban shah ïa ki ban sngew ïa ka bor ka jingbitar jong nga. Ïa ka pyrthei baroh kawei yn pynjot da ka ding ka jingbitar shla jong nga.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.

JINGPYNPAW 16:16

Nangta ki mynsiem ki la wallam lang ïa ki syiem ha ka jaka kaba ha ka ktien Hebru la khot “Ka Armageddon.”

JINGPYNPAW 16:6

Ki la theh noh ïa ka snam jong ki briew jong U Blei bad jong ki nongïathuhlypa, bad kumta me la ai ha ki ïa ka snam ban dih. Ki la ïoh ïa kaba ki dei hok ban ïoh!”

JINGPYNPAW 20:8

bad un mih shabar ban shukor ïa ki jaitbynriew ïa kiba la pynsakma kylleng ka pyrthei, kata ka Gog bad ka Magog. U Soitan un wallam lang ïa ki na ka bynta ka jingïaleh thma, kiba bun kat ki symboh shyiap harud ka duriaw.